ಬೆಂಗಳೂರು : ಟಾಲಿವುಡ್ ನಟ ವಿಜಯ್ ದೇವರಕೊಂಡ ಅಭಿನಯದ ಲೈಗರ್ ಸಿನಿಮಾ (Liger Movie) ವಿಶ್ವಾದ್ಯಂತ ಗುರುವಾರ (ಆ.25) ಬಿಡುಗಡೆಗೊಂಡಿದೆ. ಬೆಳ್ಳಂಬೆಳಗ್ಗೆ ಥಿಯೇಟರ್ ಅಂಗಳಕ್ಕೆ ವಿಜಯ್ ದೇವರಕೊಂಡ ಫ್ಯಾನ್ಸ್ ಲಗ್ಗೆ ಇಟ್ಟಿದ್ದಾರೆ. ಕರ್ನಾಟಕದಲ್ಲೂ ಲೈಗರ್ ಅಬ್ಬರ ಜೋರಾಗಿದ್ದು, ಊರ್ವಶಿ ಥಿಯೇಟರ್‌ನಲ್ಲಿ ಲೈಗರ್ ಶೋ ಆರಂಭಗೊಂಡಿದೆ.
ಲೈಗರ್ ಚಿತ್ರದ ಅಕ್ಡಿಪಕ್ಡಿ…ಹಾಡಿನ ಕ್ರೇಜ್ !
ಲೈಗರ್ ಸಿನಿಮಾದ ಅಕ್ಡಿ…ಪಕ್ಡಿ ಹಾಡಿಗೆ ಫ್ಯಾನ್ಸ್ ಹುಚ್ಚೆದ್ದು ಕುಣಿದಿದ್ದಾರೆ. ವಾಟ್ ಲಗಾ ದೆಂಗೆ ಹಾಡಿನ ಝಲಕ್‌ಗೆ ಸ್ಟೆಪ್ಸ್‌ ಹಾಕಿದ್ದಾರೆ ದೇವರಕೊಂಡ ಫ್ಯಾನ್ಸ್. ಈ ಹಿಂದೆ ಹಾಡು ಬಿಡುಗಡೆಯಾದ 45 ನಿಮಿಷದಲ್ಲಿ 3 ಲಕ್ಷ ವೀಕ್ಷಣೆ ಪಡೆದುಕೊಂಡಿತ್ತು. ಅನುರಾಗ್‌ ಕುಲಕರ್ಣಿ ಹಾಗೂ ರಮ್ಯಾ ಬೆಹರಾ ಅಕ್ಡಿ ಪಕ್ಡಿ ಹಾಡನ್ನು ಹಾಡಿದ್ದು, ಇದು ಸಖತ್‌ ಸೌಂಡ್‌ ಮಾಡಿತ್ತು.
ಇದನ್ನೂ ಓದಿ | Liger Movie | ಲೈಗರ್ ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಎದುರು ಅಬ್ಬರಿಸಲಿರುವ ಖಳನಾಯಕ ಇವರೇ!
ಟಿಕೆಟ್‌ ಸೋಲ್ಡ್ ಔಟ್!
ಸಿನಿಮಾಗೆ ಬೇಡಿಕೆ ಹೆಚ್ಚಾಗಿದ್ದು, ಈಗಾಗಲೇ ಹೈದರಾಬಾದ್, ತೆಲಂಗಾಣ ಇನ್ನಿತರೆ ಕಡೆಗಳಲ್ಲಿ ಲೈಗರ್ ಸಿನಿಮಾದ ಬಹುತೇಕ ಟಿಕೆಟ್‌ಗಳು ಸೋಲ್ಡ್ ಔಟ್ ಆಗಿವೆ. ಅದರಲ್ಲಿಯೂ ಹೈದರಾಬಾದ್, ಗುಂಟೂರು, ವಿಜಯವಾಡ ನಗರಗಳಲ್ಲಿ ಸಿನಿಮಾದ ಬಗ್ಗೆ ಆಸಕ್ತಿ ಹೆಚ್ಚಾಗಿದೆಯಂತೆ. ಮಲ್ಟಿಪ್ಲೆಕ್ಸ್‌ಗಳಲ್ಲಿಯೂ ಲೈಗರ್ ಸಿನಿಮಾದ ಟಿಕೆಟ್‌ಗೆ ಭಾರಿ ಡಿಮ್ಯಾಂಡ್ ಇರುವುದು ಬುಕ್‌ಮೈ ಶೋನಿಂದ ತಿಳಿದು ಬಂದಿದೆ.
ಧರ್ಮ ಪ್ರೊಡಕ್ಷನ್‌ನಡಿ ಚಾರ್ಮಿ ಕೌರ್, ಕರನ್ ಜೋಹರ್, ಪುರಿ ಜಗನ್ನಾಥ್, ಅಪೂರ್ವ ಮೆಹ್ತಾ ಲೈಗರ್ ಸಿನಿಮಾವನ್ನು ಅದ್ಧೂರಿಯಾಗಿ ನಿರ್ಮಿಸಿದ್ದಾರೆ. ಪೋಸ್ಟರ್‌ಗಳಿಂದಲೇ ನಿರೀಕ್ಷೆ ಹೆಚ್ಚಿಸಿದೆ. ಹಿಂದಿ, ಕನ್ನಡ, ತಮಿಳು, ತೆಲುಗು ಹಾಗೂ ಮಲಯಾಳಂ ಭಾಷೆಯಲ್ಲಿ ತಯಾರಾಗಿರುವ ಪ್ಯಾನ್ ಇಂಡಿಯಾ ಚಿತ್ರವಾಗಿದೆ ಲೈಗರ್.
ವಿಜಯ್ ದೇವರಕೊಂಡ ಇಷ್ಟು ದಿನ ರೋಮ್ಯಾಂಟಿಕ್‌ ಲುಕ್‌ನಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದರು. ಬಾಕ್ಸಿಂಗ್‌ನ ದಿಗ್ಗಜ ಮೈಕ್‌ ಟೈಸನ್‌ ಕೂಡ ಇದರಲ್ಲಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷ.
ಇದನ್ನೂ ಓದಿ | Liger Movie | ಅಪ್ಪು ಪುಣ್ಯಭೂಮಿಗೆ ನಮಿಸಿದ ಲೈಗರ್ ತಂಡ: ಕನ್ನಡದಲ್ಲಿಯೇ ಮಾತನಾಡಿದ ವಿಜಯ್ ದೇವರಕೊಂಡ