ಬೆಂಗಳೂರು: ಪ್ರಭಾಸ್ ನಟನೆಯ ಬಹು ನಿರೀಕ್ಷಿತ ʼಸಲಾರ್ʼ ಸಿನಿಮಾದ (Salaar Movie) ಟೀಸರ್ ಜುಲೈ 6ರ ಮುಂಜಾನೆ 05.12ಕ್ಕೆ ರಿಲೀಸ್ ಮಾಡಲಾಗಿದೆ. ಟೀಸರ್ ರಿಲೀಸ್ ಆಗಿ 15 ನಿಮಿಷಕ್ಕೇ 1 ಲಕ್ಷಕ್ಕೂ ಅಧಿಕ ವ್ಯೂಸ್‌ ಕಂಡುಬಂದಿದೆ. ವಿಶೇಷ ಎಂದರೆ ‘ಸಲಾರ್’ ಚಿತ್ರಕ್ಕೂ ‘ಕೆಜಿಎಫ್ 2’ ಚಿತ್ರಕ್ಕೂ ಟೀಸರ್ನಲ್ಲಿ ಲಿಂಕ್ ನೀಡಲಾಗಿದೆ. ಇದನ್ನು ಗಮನಿಸಿದ ಅನೇಕರು ಥ್ರಿಲ್ ಆಗಿದ್ದಾರೆ. ಓಹ್! ಇದು ಕೆಜಿಎಫ್ 2 ಚಿತ್ರದ ಮುಂದುವರಿದ ಭಾಗವೇ ಎಂದು ಉದ್ಗರಿಸಿದ್ದಾರೆ.
ಹಲವು ದಿನಗಳಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ಸೂರ್ಯೋದಯಕ್ಕೂ ಮುನ್ನವೇ ʼಸಲಾರ್ʼ ದರ್ಶನವಾಗಿದೆ. ಇದರಲ್ಲಿ ಪ್ರಭಾಸ್- ಪ್ರಶಾಂತ್ ನೀಲ್ ಜೋಡಿ ಮೋಡಿ ಮಾಡಿದ್ದು, ಆಕ್ಷನ್‌ ಪ್ಯಾಕ್‌ ಫಿಲಂನ ಮೊದಲ ತುಣುಕು ಎಲ್ಲರನ್ನೂ ಮೋಡಿ ಮಾಡಿದೆ. ಆದರೆ, ‘ಕೆಜಿಎಫ್ 2’ ಚಿತ್ರಕ್ಕೂ ‘ಸಲಾರ್’ಗೂ ಲಿಂಕ್ ಇರುವ ವಿಚಾರ ಸಂಚಲನ ಮೂಡಿಸಿದೆ. ‘ಕೆಜಿಎಫ್ 2’ ಸಿನಿಮಾದಲ್ಲಿ ಒಂದಷ್ಟು ಟ್ಯಾಂಕರ್ಗಳು ಕಂಡಿದ್ದವು. ಆ ಪೈಕಿ ಒಂದು ಟ್ಯಾಂಕರ್ ಹೆಸರು ‘ಸಿ-516’. ‘ಸಲಾರ್’ ಸಿನಿಮಾದಲ್ಲೂ ಅದೇ ನಂಬರ್ನ ಟ್ಯಾಂಕರ್ ಕಾಣಿಸಿದೆ. ಹೀಗಾಗಿ, ‘ಕೆಜಿಎಫ್ 2’ ಚಿತ್ರದ ಮುಂದುವರಿದ ಭಾಗದ ರೀತಿಯಲ್ಲಿ ‘ಸಲಾರ್’ ಸಿನಿಮಾ ಮೂಡಿಬರಲಿದೆ ಎಂದು ಅನೇಕರು ಭಾವಿಸಿದ್ದಾರೆ.
ಬೆಳಗ್ಗೆಯೇ ಒಳ್ಳೆಯ ಗಳಿಗೆ ಎಂಬ ಕಾರಣಕ್ಕೆ ರಿಲೀಸ್ ಮಾಡಲಾಗಿದೆ. ಹಲವು ಫ್ಲಾಪ್ ಸಿನಿಮಾಗಳ ನಂತರ ಪ್ರಭಾಸ್‌ಗೆ ಈ ಸಲಾರ್ ಸಕ್ಸೆಸ್ ನೀಡಲಿದೆಯೇ ಎಂದು ನೋಡಬೇಕಿದೆ. ಪ್ರಭಾಸ್ ಅಭಿಮಾನಿಗಳು ಮುಂಜಾನೆ ಎದ್ದ ತಕ್ಷಣ ಸಲಾರ್ ಮಂತ್ರ ಹೇಳುತ್ತಿದ್ದಾರೆ. ʼಹೊತ್ತಲ್ಲದ ಹೊತ್ತಲ್ಲಿʼ ಟೀಸರ್ ರಿಲೀಸ್ ಮಾಡಿರುವ ಹೊಂಬಾಳೆ ನಿರ್ಮಾಣ ಸಂಸ್ಥೆಗೆ ಈ ಚಿತ್ರದ ಬಗ್ಗೆ ಭಾರಿ ವಿಶ್ವಾಸವಿದೆ.
ಇದನ್ನೂ ಓದಿ: Salaar Movie : ಸಲಾರ್ಗೂ ಕೆಜಿಎಫ್ ಚಾಪ್ಟರ್ 2ಗೂ ಉಂಟು ನಂಟು; ಏಪ್ರಿಲ್ 6ಕ್ಕೆ ಗೊತ್ತಾಗಲಿದೆ ಗುಟ್ಟು!
#KGFChapter2 x #Salaar✅
— Manobala Vijayabalan (@ManobalaV) July 6, 2023
KGF CHAPTER 2 Post Credit Scene x #SalaarTeaser Scene.#Yash x #Prabhas. pic.twitter.com/e6unAHbjtb
ಈ ಟೀಸರ್ ಸೋಷಿಯಲ್ ಮೀಡಿಯಾದಲ್ಲಿ ಹಲ್‌ಚಲ್ ಎಬ್ಬಿಸುತ್ತಿದ್ದು, ಸೆನ್ಸೇಶನ್ ಕ್ರಿಯೇಟ್ ಮಾಡೋದು ಪಕ್ಕಾ ಅಂತಿವೆ ಸಂಸ್ಥೆಯ ಮೂಲಗಳು. ಈ ಟೀಸರ್‌ಗೆ ವ್ಯೂಸ್‌ ಸಂಖ್ಯೆ ಕೋಟಿ ದಾಟುವ ನಿರೀಕ್ಷೆ ಇದೆ. ಇದೇ ವರ್ಷ ಸೆಪ್ಟೆಂಬರ್ 28ಕ್ಕೆ ವಿಶ್ವಾದ್ಯಂತ ಈ ಚಿತ್ರ ತೂಫಾನ್ ಎಬ್ಬಿಸಲಿದೆ ಎಂದು ನಿರೀಕ್ಷಿಸಲಾಗಿದೆ. ʼಪಾರ್ಟ್ 1: ಕದನ ವಿರಾಮʼ ಎಂದು ಹೊಂಬಾಳೆ ಪ್ರಕಟಿಸಿದೆ.