ಬೆಂಗಳೂರು: ಟಾಲಿವುಡ್‌ ಸೂಪರ್ ಸ್ಟಾರ್ ಮಹೇಶ್ ಬಾಬು (Mahesh Babu) ಹಾಗೂ ಪತ್ನಿ ನಮ್ರತಾ ಶಿರೋಡ್ಕರ್ ಗುರುವಾರ ಫೆ. 9ರಂದು ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೀಗ ಜೋಡಿ ಸ್ವಿಟ್ಜರ್ಲೆಂಡ್‌ಗೆ ಹಾರಿದೆ. ವೆಡ್ಡಿಂಗ್‌ ಆ್ಯನಿವರ್ಸರಿ ಸೆಲೆಬ್ರೆಷನ್‌ ಮಾಡಲು ಸ್ವಿಟ್ಜರ್ಲೆಂಡ್‌ಗೆ ತೆರಳಿದ್ದಾರೆ ಎನ್ನಲಾಗುತ್ತಿದೆ. ಮ್ಯಾಚಿಂಗ್ ಜಾಕೆಟ್‌ನೊಂದಿಗೆ ಜೋಡಿ ಕಾಣಿಸಿಕೊಂಡಿದ್ದು, ವಕೇಷನ್‌ ಮೂಡ್‌ನಲ್ಲಿದ್ದಾರೆ ಮಹೇಶ್ ಹಾಗೂ ನಮ್ರತಾ.
ಮಹೇಶ್ ಬಾಬು ಸದ್ಯ SSMB 28 ಹೆಸರಿಡದ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ತ್ರಿವಿಕ್ರಮ್ ಶ್ರೀನಿವಾಸ್ ಈ ಸಿನಿಮಾಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಚಿತ್ರದ ಕೆಲಸ ಶುರುವಾಗುವ ಮೊದಲೇ ಮಹೇಶ್ ಬಾಬು ಸ್ವಿಟ್ಜರ್ಲೆಂಡ್‌ಗೆ ಪ್ರವಾಸಕ್ಕೆ ಹೊರಟಿದ್ದಾರೆ.
ಇದನ್ನೂ ಓದಿ:Mahesh Babu | ಮಹೇಶ್ ಬಾಬುಗೆ ತಾಯಿಯಾಗಿ ನಟಿಸಲಿದ್ದಾರಾ ರಾಣಿ ಮುಖರ್ಜಿ?
ಮಹೇಶ್ ಬಾಬು ತಂದೆ ಕೃಷ್ಣ ಅವರು ಹಠಾತ್ ನಿಧನದಿಂದ SSMB28 ಚಿತ್ರದ ಶೂಟಿಂಗ್ ಸ್ಥಗಿತಗೊಂಡಿತ್ತು. ಚಿತ್ರದಲ್ಲಿ ರಾಧೆ ಶ್ಯಾಮ್ ನಾಯಕಿ ಪೂಜಾ ಹೆಗ್ಡೆ ಸೂಪರ್ ಸ್ಟಾರ್ ಎದುರು ನಾಯಕಿಯಾಗಿದ್ದಾರೆ. ನಟಿ ಶ್ರೀಲೀಲಾ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಎಸ್ ಥಮನ್ ಸಂಗೀತ ಸಂಯೋಜಿಸಿದ್ದಾರೆ.
ಇದನ್ನೂ ಓದಿ: Mahesh Babu | ಸಿನಿಮಾದಿಂದ ದೂರ ಉಳಿಯಲು ಕಾರಣ ಮಹೇಶ್ ಬಾಬು ಎಂದ ಪತ್ನಿ ನಮ್ರತಾ
ಆಗಸ್ಟ್ 11, 2023 ರಂದು ಈ ಚಿತ್ರವನ್ನು ವಿಶ್ವದಾದ್ಯಂತ ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ನೆಟ್‌ಫ್ಲಿಕ್ಸ್ ಚಿತ್ರದ ನಂತರದ ಥಿಯೇಟ್ರಿಕಲ್ ಡಿಜಿಟಲ್ ಹಕ್ಕುಗಳನ್ನು ಪಡೆದುಕೊಂಡಿದೆ. ನೆಟ್‌ಫ್ಲಿಕ್ಸ್ ಈ ಕುರಿತು ಅಧಿಕೃತ ಪ್ರಕಟಣೆಯನ್ನು ಸಹ ಹೊರಡಿಸಿದೆ.