ಬೆಂಗಳೂರು : ಮಹೇಶ್‌ ಬಾಬು ಹಾಗೂ ಕೀರ್ತಿ ಸುರೇಶ್‌ ಅಭಿನಯದ ʻಸರ್ಕಾರು ವಾರಿ ಪಾಠʼ ‘(Sarkaru Vaari Paata) ಸಿನಿಮಾ ಯಶಸ್ಸಿನ ನಂತರ ಮುಂದಿನ ಸಿನಿಮಾ ಯಾವುದು ಎಂದು ಅಭಿಮಾನಿಗಳು ಕೇಳುತ್ತಲೇ ಇದ್ದರು. ಕೊನೆಗೂ ಮುಂದಿನ ಸಿನಿಮಾ ಬಗ್ಗೆ ಅಧಿಕೃತ ಘೋಷಣೆ ಮಾಡಿದ್ದಾರೆ ನಟ ಮಹೇಶ್‌ ಬಾಬು (Mahesh Babu). ʼಸರ್ಕಾರು ವಾರಿ ಪಾಠʼ ತೆಲುಗು ಸಿನಿಮಾವಾಗಿದ್ದು, 200 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್‌ ಮಾಡಿತ್ತು.
ಆನಂತರ ತಮ್ಮ ಕುಟುಂಬದವರೊಂದಿಗೆ ಬ್ಯೂಸಿ ಆದ ಮಹೇಶ್‌ ಬಾಬು, ವಿದೇಶಕ್ಕೂ ತೆರಳಿದ್ದರು. ಇದೀಗ ಅವರ ಮುಂದಿನ ಚಿತ್ರಕ್ಕೆ ತ್ರಿವಿಕ್ರಮ ಶ್ರೀನಿವಾಸ್‌ ನಿರ್ದೇಶನ ಮಾಡುತ್ತಿದ್ದಾರೆ. ಇವರಿಬ್ಬರ ಕಾಂಬಿನೇಷನ್‌ನಲ್ಲಿ ಮೂಡಿ ಬರುತ್ತಿರುವ ಸಿನಿಮಾಗೆ ಫ್ಯಾನ್‌ಗಳು ಸಂತಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | Sarkaru Vaari Paata : ಸಿನಿಪ್ರಿಯರಿಗೆ ಗುಡ್‌ ನ್ಯೂಸ್‌ ಕೊಟ್ಟ ಮಹೇಶ್‌ ಬಾಬು
ಆಗಸ್ಟ್‌ ತಿಂಗಳಲ್ಲಿ ಚಿತ್ರದ ಶೂಟಿಂಗ್‌ ಆರಂಭವಾಗಲಿದೆ ಎಂದು ಚಿತ್ರತಂಡ ಹೇಳಿದೆ. ಹಾರಿಕಾ ಹಾಸಿನಿ ಕ್ರಿಯೇಷನ್ಸ್‌ ನಿರ್ಮಾಣ ಮಾಡುತ್ತಿದೆ. ಮಹೇಶ್‌ ಬಾಬು ಅವರ 28ನೇ ಸಿನಿಮಾ ಪ್ರೊಡಕ್ಷನ್‌ ಕೆಲಸ ನಡೆಯುತ್ತಿದೆ. ಆಗಸ್ಟ್‌ ತಿಂಗಳಿನಿಂದ ಶೂಟಿಂಗ್‌ ಆರಂಭಗೊಳ್ಳುತ್ತಿದೆ.
ಈ ಹಿಂದೆ ತ್ರಿವಿಕ್ರಮ ಹಾಗೂ ಮಹೇಶ್‌ ಬಾಬು ಅತಡು ಹಾಗೂ ಖಲೇಜ ಚಿತ್ರಗಳಲ್ಲಿ ಒಟ್ಟಾಗಿ ಕೆಲಸ ಮಾಡಿದ್ದರು. 12 ವರ್ಷಗಳ ನಂತರ ಮತ್ತೆ ಇಬ್ಬರೂ ಚಿತ್ರಕ್ಕಾಗಿ ಒಂದಾಗಿದ್ದಾರೆ.
ಇದನ್ನೂ ಓದಿ | ಪಿಯುಸಿಯಲ್ಲೂ ಮಹೇಶ್‌ ಅಮೋಘ ಸಾಧನೆ, ಜೋಪಡಿಯ ಹುಡುಗನಿಗೆ ಎಂಜಿನಿಯರ್‌ ಆಗುವ ಕನಸು