ಬೆಂಗಳೂರು : ಹೊಸ ವರ್ಷಕ್ಕೆ ‘ಚಿರ ಯುವತಿ’ ಮಲೈಕಾ ಅರೋರಾ (Malaika Arora) ಅವರು ಅರ್ಜುನ್ ಕಪೂರ್ ಅವರೊಂದಿಗೆ ಇರುವ ರೊಮ್ಯಾಂಟಿಕ್‌ ಫೋಟೊ ಒಂದನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಮಲೈಕಾ ಅವರು ಅರ್ಜುನ್ ಕೆನ್ನೆಗೆ ಮುತ್ತು ಕೊಟ್ಟಿದ್ದರು. ಇದರ ಬೆನ್ನಲ್ಲೇ ಮಾಜಿ ಪತಿ ಅರ್ಬಾಜ್ ಖಾನ್ ಜತೆ ಕಾಣಿಸಿಕೊಂಡಿದ್ದಾರೆ. ಅದೀಗ ಸೋಷಿಯಲ್ ಮೀಡಿಯಾದಲ್ಲಿ ನಟಿಯ ಟ್ರೋಲ್‌ಗೆ ಕಾರಣವಾಗಿದೆ.
ಮಂಗಳವಾರ ಡಿಸೆಂಬರ್‌ 3 ಮುಂಬೈನಲ್ಲಿ ಮಾಜಿ ಪತಿ ಅರ್ಬಾಜ್ ಖಾನ್ ಮತ್ತು ಮಲೈಕಾ ಅರೋರಾ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಮಲೈಕಾ ಅರೋರಾ ಮತ್ತು ಅರ್ಬಾಜ್ ಖಾನ್ ವಿಚ್ಛೇದನ ಪಡೆದಿದ್ದರೂ ಕೂಡ ಮಗ ಅರ್ಹಾನ್‌ನೊಂದಿಗೆ ಸಮಯ ಕಳೆಯುತ್ತಿದ್ದಾರೆ. ಮಗನಿಗೋಸ್ಕರವಾಗಿ ಆಗಾಗ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುತ್ತಾರೆ.
ಸಖತ್‌ ಟ್ರೋಲ್‌ ಆದ್ರು ಮಲೈಕಾ!
ಮಗನೊಂದಿಗೆ ಡಿನ್ನರ್‌ ಡೇಟ್‌ನಲ್ಲಿ ನಟಿ ಭಾಗಿಯಾಗಿದ್ದು, ನೆಟ್ಟಿಗರು ಮಲೈಕಾ ಅರೋರ್‌ಗೆ ʻʻಆಂಟಿ ಎರಡೂ ಕಡೆ ಆಟ ಆಡುತ್ತಿದ್ದಾಳೆʼʼಎಂದು ಕಮೆಂಟ್‌ ಮೂಲಕ ಕಾಲೆಳೆದಿದ್ದಾರೆ. ಅರ್ಬಾಜ್ ಖಾನ್ ಜತೆ ಮಲೈಕಾ ಕಾಣಿಸಿಕೊಳ್ಳುತ್ತಿದ್ದಂತೆ ಟ್ರೋಲಿಗರು ಅರ್ಜುನ್ ಕಪೂರ್ ಅವರನ್ನೂ ಎಳೆದಿದ್ದಾರೆ. ಒಬ್ಬ ನೆಟಿಜನ್ ವಿಡಿಯೊಗೆ ʻʻಅರ್ಜುನ್ ಎಲ್ಲಿ? ʼʼಎಂದು ಕಮೆಂಟ್‌ ಮಾಡಿದರೆ ಇನ್ನೊಬ್ಬರು ʻʻಆಂಟಿ ಎರಡೂ ಕಡೆ ಆಟ ಆಡುತ್ತಿದ್ದಾಳೆ. ಹೊಸ ವರ್ಷದಲ್ಲಿ ಅರ್ಜುನ್ ಜತೆ ಮಹಾರಾಷ್ಟ್ರದಲ್ಲಿ ಅರ್ಬಾಜ್ ಜತೆʼʼ ಎಂದು ಮನಬಂದಂತೆ ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ | Malaika Arora | ಮಾಜಿ ಪತಿ ಅರ್ಬಾಜ್ ಖಾನ್‌ಗೆ ನಟಿ ಮಲೈಕಾ ಅರೋರಾ ವಿಶ್‌ ಮಾಡಿದ್ದೇನು?
ಇತ್ತೀಚೆಗೆ, ರಾಜಸ್ಥಾನದ ರಣಥಂಬೋರ್‌ನಲ್ಲಿ ನಟ-ಬಾಯ್ ಫ್ರೆಂಡ್ ಅರ್ಜುನ್ ಕಪೂರ್ ಅವರೊಂದಿಗೆ ಮಲೈಕಾ ಹೊಸ ವರ್ಷವನ್ನು ಆಚರಿಸಿದರು. ಇದೀಗ ಮಲೈಕಾ ಅವರ ಉಡುಪಿನ ಕುರಿತಾಗಿಯೂ ಟ್ರೋಲ್‌ ಮಾಡಿದ್ದಾರೆ. ಹಲವರು ʻʻಒಟ್ಟಿಗೆ ಕಾಣಿಸಿಕೊಂಡಿದ್ದು ಮಗನ ಭವಿಷ್ಯಕ್ಕಾಗಿ ಆಗಿರಬಹುದು” ಎಂದು ಮೆಚ್ಚುಗೆಯನ್ನೂ ಸೂಚಿಸಿದ್ದಾರೆ. ಇನ್ನೊಬ್ಬರು ಅರ್ಬಾಜ್ ಅವರನ್ನು ಅಭಿನಂದಿಸಿದ್ದಾರೆ ಮತ್ತು “ಅರ್ಬಾಜ್ ತುಂಬಾ ಸುಂದರವಾಗಿದ್ದಾರೆ” ಎಂದು ಕಮೆಂಟ್‌ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸದ್ಯದಲ್ಲೇ ಮಲೈಕಾ ಮದುವೆ!
ಈಗಾಗಲೇ ಅರ್ಜುನ್ ಮತ್ತು ಮಲೈಕಾ ಜತೆಗೆ ವಾಸವಿದ್ದು, ಮದುವೆಯಷ್ಟೇ ಆಗಬೇಕಿದೆ. 1998ರಲ್ಲಿ ಸಲ್ಮಾನ್‌ ಖಾನ್ ಸಹೋದರ ಅರ್ಬಾಜ್ ಖಾನ್ ಅವರನ್ನು ಮದುವೆ ಆಗಿದ್ದರು ಮಲೈಕಾ. ಅನಂತರ ವಿಚ್ಛೇದನ ಪಡೆದರು. ಕೆಲವು ವರ್ಷಗಳ ಕಾಲ ಒಂಟಿಯಾಗೇ ಇದ್ದ ನಟಿ , ನಂತರದಲ್ಲಿ ಅರ್ಜುನ್ ಅವರೊಂದಿಗೆ ಡೇಟಿಂಗ್‌ನಲ್ಲಿ ತೊಡಗಿಸಿಕೊಂಡರು. ಅರ್ಬಾಜ್ ಖಾನ್ ಮತ್ತು ಮಲೈಕಾಗೆ ಒಬ್ಬ ಪುತ್ರನಿದ್ದಾನೆ. ಅರ್ಬಾಜ್ ಕೆಲವು ವರ್ಷಗಳಿಂದ ಮಾಡೆಲ್-ನಟಿ ಜಾರ್ಜಿಯಾ ಆಂಡ್ರಿಯಾನಿ ಅವರೊಂದಿಗೆ ಡೆಟಿಂಗ್‌ ಮಾಡುತ್ತಿದ್ದಾರೆ.
‘ಪಟನಾ ಶುಕ್ಲಾʼ ಚಿತ್ರದ ಚಿತ್ರೀಕರಣದಲ್ಲಿ ಅರ್ಬಾಜ್
ತಮ್ಮ ಸ್ವಂತ ನಿರ್ಮಾಣ ಸಂಸ್ಥೆಯ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ʻಪಟನಾ ಶುಕ್ಲಾʼ ಚಿತ್ರದ ಚಿತ್ರೀಕರಣ ಪ್ರಾರಂಭಿಸಿದ್ದಾರೆ ಅರ್ಬಾಜ್. ಮಾಜಿ ಪತ್ನಿ ಮಲೈಕಾ ಅರೋರಾ ಮತ್ತು ಗರ್ಲ್‌ ಫ್ರೆಂಡ್ ಜಾರ್ಜಿಯಾ ಆಂಡ್ರಿಯಾನಿ ಈ ಬಗ್ಗೆ ಶುಭ ಹಾರೈಸಿದ್ದಾರೆ. ʻಪಟನಾ ಶುಕ್ಲಾʼ ಚಿತ್ರದಲ್ಲಿ ರವೀನಾ ಟಂಡನ್, ಸತೀಶ್ ಕೌಶಿಕ್, ಮಾನವ್ ವಿಜ್, ಚಂದನ್ ರಾಯ್ ಸನ್ಯಾಲ್ ಮತ್ತು ಅನುಷ್ಕಾ ಕೌಶಿಕ್ ನಟಿಸಲಿದ್ದಾರೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಚಿತ್ರ 2023ರಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.
ಇದನ್ನೂ ಓದಿ | Malaika Arora | ಅರ್ಜುನ್ ಕೆನ್ನೆಗೆ ಮುತ್ತಿಟ್ಟ ಮಲೈಕಾ ಅರೋರಾ!