ಬೆಂಗಳೂರು: ಮಮ್ಮುಟ್ಟಿ ಮತ್ತು ಜ್ಯೋತಿಕಾ ನಟನೆ, ನಿರ್ದೇಶಕ ಜಿಯೋ ಬಾಬು ಅವರ ʻಕಾತಲ್ ದಿ ಕೋರ್ʼ (Kaathal – The Core) ನವೆಂಬರ್ 23ರಂದು ಥಿಯೇಟರ್‌ಗಳಿಗೆ ಬರಲು ಸಿದ್ಧವಾಗಿದೆ. ಸಿನಿಮಾ ಬಿಡುಗಡೆಗೆ ಮುಂಚಿತವಾಗಿ ಚಿತ್ರ ಕುವೈತ್, ಕತಾರ್ ಮತ್ತು ಇತರ ಗಲ್ಫ್‌ ದೇಶಗಳಲ್ಲಿ ಸಿನಿಮಾ ಬ್ಯಾನ್ ಆಗಿದೆ ಎಂದು ವರದಿಯಾಗಿದೆ. ಸಿನಿಮಾ ಸಲಿಂಗಕಾಮಕ್ಕೆ ಸಂಬಂಧಿಸಿದ್ದು ಎನ್ನಲಾಗಿದೆ.
ಚಿತ್ರದಲ್ಲಿ ಮಮ್ಮುಟ್ಟಿ ಸಲಿಂಗಕಾಮಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ವರದಿಗಳು ಬಂದಿದ್ದವು. ಈ ಎಲ್ಲ ಕಾರಣಗಳನ್ನು ಮುಂದಿಟ್ಟು ಇದೀಗ ಸಿನಿಮಾವನ್ನು ಬ್ಯಾನ್ ಮಾಡಲಾಗಿದೆ. ಯಾವುದೇ ಅಧಿಕೃತ ಹೇಳಿಕೆ ನೀಡದಿದ್ದರೂ, ಈ ನಿಷೇಧ ಚಿತ್ರದ ಬಾಕ್ಸ್ ಆಫೀಸ್ ಮೇಲೆ ಪ್ರಭಾವ ಬೀರಲಿದೆ ಎನ್ನಲಾಗಿದೆ.
ಈ ಸಿನಿಮಾದ ವಿಷಯ ವೈರಲ್‌ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್‌ ಮೂಲಕ ಅಭಿಪ್ರಾಯ ಹಂಚಿಕೊಂಡರು “ಯಾವುದೇ ಭಾರತೀಯ ನಟ ಅಥವಾ ಸ್ಟಾರ್ ಮಮ್ಮುಟ್ಟಿ ಅವರಂತಹ ನಟರು ಇಂತಹ ವಿಷಯವನ್ನು ಆಯ್ಕೆ ಮಾಡುತ್ತಾರೆಯೇ ಎಂದು ನನಗೆ ಅನುಮಾನವಿದೆ. ಖಂಡಿತವಾಗಿ ಫಸ್ಟ್ ಡೇ ಫಸ್ಟ್ ಶೋ ನೋಡುತ್ತಿದ್ದೇನೆʼʼ ಎಂದು ಕಮೆಂಟ್‌ ಮಾಡಿದ್ದಾರೆ.
ಸಿನಿಮಾದಲ್ಲಿ ಮಮ್ಮುಟ್ಟಿಗೆ ನಾಯಕಿಯಾಗಿ ನಟಿ ಜ್ಯೋತಿಕಾ ಕಾಣಿಸಿಕೊಂಡಿದ್ದು, ಒಂದು ದಶಕದ ಬಳಿಕ ಮಲಯಾಳಂ ಚಿತ್ರರಂಗಕ್ಕೆ ಹಿಂತಿರುಗಿದ್ದಾರೆ. ‘ದಿ ಗ್ರೇಟ್ ಇಂಡಿಯನ್ ಕಿಚನ್’ ಖ್ಯಾತಿಯ ಜೋ ಬೇಬಿ ನಿರ್ದೇಶನದ ಈ ಚಿತ್ರವನ್ನು ಮಮ್ಮುಟ್ಟಿ ಕಂಪನಿ ಮತ್ತು ವೇಫೇರರ್ ಫಿಲ್ಮ್ಸ್ ಬ್ಯಾನರ್‌ಗಳ ಅಡಿಯಲ್ಲಿ ನಿರ್ಮಿಸಲಾಗಿದೆ. ಚಿತ್ರಕ್ಕೆ ಮ್ಯಾಥ್ಯೂಸ್ ಪುಲಿಕನ್ ಸಂಗೀತ ಸಂಯೋಜಿಸಿದ್ದಾರೆ, ಆದರ್ಶ್ ಸುಕುಮಾರನ್ ಚಿತ್ರಕಥೆ ಸಿನಿಮಾಕ್ಕಿದೆ.
ಇದನ್ನೂ ಓದಿ; Actor Mammootty: ಮಮ್ಮುಟ್ಟಿ ಹೊಸ ಲುಕ್ ಕಂಡು ದಂಗಾದ ಫ್ಯಾನ್ಸ್‌; ‘ಭ್ರಮಯುಗಂ’ ಫಸ್ಟ್ ಲುಕ್ ಪೋಸ್ಟರ್ ಔಟ್‌!
Kaathal The Core In Germany !! #Mammootty #KaathalTheCore pic.twitter.com/63JdPTAeE7
— 𝗞𝗜𝗡𝗚 𝗦𝗛𝗔 (@kingSha_369) November 21, 2023
ಮಮ್ಮುಟ್ಟಿ ಅವರ ಕೈಯಲ್ಲಿ ಭ್ರಮಯುಗಂ (Bramayugam) ಸಿನಿಮಾ ಕೂಡ ಇದೆ. ಅವರ ಜನುಮದಿನ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಅನಾವರಣಗೊಂಡಿತ್ತು. ನಟ ಮಮ್ಮುಟ್ಟಿ ತುಂಬಾ ವರಟಾದ ರಗಡ್‌ ಲುಕ್‌ನಲ್ಲಿ ಕಂಡಿದ್ದು, ವರದಿಗಳ ಪ್ರಕಾರ, ಹಾವುಗಳ ನಡುವೆ ವಾಸಿಸುವ ಮಾಂತ್ರಿಕನ ಪಾತ್ರವನ್ನು ನಿರ್ವಹಿಸಲಿದ್ದಾರೆ ಎನ್ನಲಾಗಿದೆ. ಮಮ್ಮುಟ್ಟಿ ನಾಯಕ ಹಾಗೂ ಖಳನಾಯಕನಾಗಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಅಧಿಕೃತ ಮಾಹಿಯನ್ನು ಹಂಚಿಕೊಂಡಿಲ್ಲ. ಭ್ರಮಯುಗಂ ಸಿನಿಮಾವನ್ನು ರಾಹುಲ್ ಸದಾಶಿವನ್ ನಿರ್ದೇಶಿಸಿದ್ದಾರೆ. ʻಭೂತಕಾಲಂʼನಂತಹ ಭಯಾನಕ ಚಲನಚಿತ್ರಗಳಲ್ಲಿ ಈ ಮುಂಚೆ ಕೆಲಸ ಮಾಡಿದ್ದರು. ಚಿತ್ರದಲ್ಲಿ ಅರ್ಜುನ್ ಅಶೋಕನ್, ಸಿದ್ಧಾರ್ಥ್ ಭರತನ್ ಮತ್ತು ಅಮಲ್ಡಾ ಲಿಜ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. 2024ರ ಆರಂಭದಲ್ಲಿ ಚಿತ್ರವನ್ನು ಬಿಡುಗಡೆ ಮಾಡುವ ಫ್ಲ್ಯಾನ್‌ ಚಿತ್ರತಂಡ ಹಾಕಿಕೊಂಡಿದೆ.
ಮಮ್ಮುಟ್ಟಿ ಅವರು ಕೊಟ್ಟಾಯಂ ಕುಂಜಚ್ಚನ್ 2 ಸಿನಿಮಾ ಹೊಂದಿದ್ದಾರೆ. ಮಹಿ ವಿ ರಾಘವ್ ಮತ್ತು ಕಣ್ಣೂರು ಸ್ಕ್ವಾಡ್ ನಿರ್ದೇಶನದ ಯಾತ್ರಾ 2 ಸಿನಿಮಾ ಕೂಡ ಅವರ ಕೈಯಲ್ಲಿದೆ.