ಬೆಂಗಳೂರು: ಮನೋಜ್ ಬಾಜಪೇಯಿ (Manoj Bajpayee) ಅವರು ಹೊಸ ವರ್ಷಕ್ಕೆ ಹೊಸ ಪೋಟೊ ಹಂಚಿಕೊಳ್ಳುವುದರ ಮೂಲಕ ಫ್ಯಾನ್ಸ್‌ಗೆ ಬೆರಗುಗೊಳಿಸಿದ್ದಾರೆ. ಶರ್ಟ್‌ಲೆಸ್ ಫೋಟೊ ಹಂಚಿಕೊಂಡು ತಮ್ಮ ಸಿಕ್ಸ್‌ ಪ್ಯಾಕ್‌ ಬಾಡಿಯನ್ನು ತೋರಿಸಿದ್ದಾರೆ.
ಮನೋಜ್ ಬಾಜಪೇಯಿ ಅವರು ಶರ್ಟ್‌ಲೆಸ್ ಫೋಟೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡು “ನನಗೆ ಹೊಸ ವರ್ಷ! ಏಕ್ದಮ್ ನಿಮ್ಮನ್ನು ಬೆರಗುಗೊಳಿಸುವ ರೀತಿ ಇದೆಯಲ್ಲವೇ?ಎಂದು ಶೀರ್ಷಿಕೆ ಹಂಚಿಕೊಂಡಿದ್ದಾರೆ. ಮನೋಜ್ ಬಾಜಪೇಯಿ ಮುಂದೆ ‘ಕಿಲ್ಲರ್ ಸೂಪ್’ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಕೊಂಕಣ ಸೇನ್ ಶರ್ಮಾ ಅವರೊಂದಿಗೆ ಪರದೆಯನ್ನು ಹಂಚಿಕೊಳ್ಳಲಿದ್ದಾರೆ. ಮತ್ತು ಅಭಿಷೇಕ್ ಚೌಬೆ ಈ ಸಿನಿಮಾ ನಿರ್ದೇಶಿಸಿದ್ದಾರೆ.
ಸತ್ಯ (1998), ಅಲಿಗಢ್ (2015), ಮತ್ತು ಗ್ಯಾಂಗ್ಸ್ ಆಫ್ ವಾಸೇಪುರ್ (2012) ನಂತಹ ಹಲವಾರು ಮೆಚ್ಚುಗೆ ಪಡೆದ ಚಿತ್ರಗಳಲ್ಲಿ ನಟಿಸಿರುವ ಮನೋಜ್, ಸತ್ಯ (1998), ಪಿಂಜಾರ್ (1998) ಚಿತ್ರಗಳಿಗಾಗಿ ಮೂರು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಮನೋಜ್ ಕೊನೆಯದಾಗಿ ಗುಲ್ಮೊಹರ್ ( Gulmohar) ಚಿತ್ರದಲ್ಲಿ ಹಿರಿಯ ನಟಿ ಶರ್ಮಿಳಾ ಟ್ಯಾಗೋರ್ ಅವರೊಂದಿಗೆ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: Manoj Bajpayee: ಅದ್ಭುತ ಆಫೀಸ್ಗೆ 32.94 ಕೋಟಿ ರೂ. ಖರ್ಚು ಮಾಡಿದ ಮನೋಜ್ ಬಾಜಪೇಯಿ!
ಆಫೀಸ್ಗೆ 32.94 ಕೋಟಿ ರೂ. ಖರ್ಚು ಮಾಡಿದ ಮನೋಜ್ ಬಾಜಪೇಯಿ!
ಮುಂಬೈನಲ್ಲಿ ಇತ್ತೀಚೆಗೆ ಆಫೀಸ್ ಸ್ಪೇಸ್ಗೆ ದೊಡ್ಡ ಬೇಡಿಕೆ ಉಂಟಾಗಿದೆ. ಜನವಸತಿ ಅಪಾರ್ಟ್ಮೆಂಟ್ಗಳಿಗಿಂತಲೂ ಆಫೀಸ್ ಸ್ಪೇಸ್ ಹೆಚ್ಚು ಲಾಭ ತಂದುಕೊಡುತ್ತಿದೆ. ಇದೇ ಕಾರಣಕ್ಕೆ ಆಫೀಸ್ ಸ್ಪೇಸ್ ಮೇಲೆ ಹೂಡಿಕೆ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಈ ಸಾಲಿಗೆ ಬಾಲಿವುಡ್ ನಟ ಮನೋಜ್ ಬಾಜಪೇಯಿ ಕೂಡ ಸೇರಿದ್ದಾರೆ. ಮುಂಬೈನ ಓಷಿವಾರಾ ಪ್ರದೇಶದಲ್ಲಿ 7,620 ಚದರ ಅಡಿಗಳ ಆಫೀಸ್ ಸ್ಪೇಸ್ ಮನೋಜ್ ಬಾಜಪೇಯಿ ದಂಪತಿ ಖರೀದಿ ಮಾಡಿದ್ದು, 32.94 ಕೋಟಿ ರೂ.ಗೆ ವೆಚ್ಚ ಮಾಡಿದ್ದಾರೆ ಎಂದು ವರದಿಯಾಗಿದೆ. 12ನೇ ಫ್ಲೋರ್ನಲ್ಲಿ ಈ ಆಫೀಸ್ ಸ್ಪೇಸ್ ಇದ್ದು, ಇದರ ನೋಂದಣಿಗಾಗಿ 1.86 ಕೋಟಿ ರೂ. ಸ್ಟ್ಯಾಂಪ್ ಡ್ಯೂಟಿಯನ್ನು ಮನೋಜ್ ಬಾಜಪೇಯಿ ಪಾವತಿಸಿದ್ದಾರೆ.
ಆಫೀಸ್ ಸ್ಪೇಸ್ ತಲಾ 1,905 ಚದರ ಅಡಿ ಕಾರ್ಪೆಟ್ ಪ್ರದೇಶವನ್ನು ಹೊಂದಿವೆ. ಒಟ್ಟು ವೆಚ್ಚ 31.08 ಕೋಟಿ ರೂ. ಆಗಿದೆ. ಈ ಹಿಂದೆ, ಬಾಲಿವುಡ್ ನಟಿ ಫ್ಲೋರಾ ಸೈನಿ 2013ರಲ್ಲಿ ಓಶಿವಾರಾ ಮೈಕ್ರೋ ಮಾರ್ಕೆಟ್‌ನಲ್ಲಿ ಅಪಾರ್ಟ್‌ಮೆಂಟ್ ಖರೀದಿಸಿದ್ದರು. ಅದೇ ಸ್ಥಳದಲ್ಲಿ ಮನೋಜ್ ಬಾಜಪೇಯಿ ಕಚೇರಿ ಸ್ಥಳಗಳನ್ನು ಖರೀದಿಸಿದ್ದಾರೆ. ಇನ್ನೂ ಆಫೀಸ್ ಘಟಕಗಳಲ್ಲಿ ಕೆಲಸಗಳು ನಡೆಯುತ್ತಿದ್ದು, ಪೂರ್ಣಗೊಳ್ಳದ ಕಾರಣ, ದಂಪತಿ ಇನ್ನೂ ಫ್ಲಾಟ್‌ಗೆ ಶಿಫ್ಟ್ ಆಗಿಲ್ಲ ಎನ್ನಲಾಗಿದೆ