ಬೆಂಗಳೂರು: ಜಗದೀಶ್ ಜಗ್ಗಿ ಅವರ ಚೊಚ್ಚಲ ನಿರ್ಮಾಣದಲ್ಲಿ ಮೂಡಿಬಂದಿರುವ ಮರ್ದಿನಿ (Mardini Kannada Movie) ಸಿನಿಮಾ ಬಿಡುಗಡೆ ದಿನಾಂಕ ಫಿಕ್ಸ್‌ ಆಗಿದೆ. ಈ ಸಿನಿಮಾ ಹಾಗೂ ಜಗ್ಗಿ ಪ್ರಯತ್ನದ ಬಗ್ಗೆ ಕಿಚ್ಚ ಸುದೀಪ್ ಈ ಹಿಂದೆ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಸಿನಿಮಾ ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟುಹಾಕಿದೆ.
ಕಿಚ್ಚ ಸುದೀಪ್ ಸಾಥ್ ನೀಡಿ ಶುಭಕೋರಿದ್ದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡಿತ್ತು. ಅಂಕಿತ್ ಫಿಲ್ಮ್ಸ್‌ ಮೂಲಕ ಜಗದೀಶ್ ಜಗ್ಗಿ ನಿರ್ಮಾಣ ಮಾಡುತ್ತಿದ್ದ, ಅವರ ಕಷ್ಟದ ದಿನಗಳು ಹಾಗೂ ಬೆಳವಣಿಗೆಗಳನ್ನು ನೆನೆದಿದ್ದ ಸುದೀಪ್, ಚಿತ್ರತಂಡಕ್ಕೆ ಪ್ರೀತಿಯ ಹಾರೈಕೆಯನ್ನು ವ್ಯಕ್ತಪಡಿಸಿದ್ದರು. ಸಸ್ಪೆನ್ಸ್ ಥ್ರಿಲರ್‌ ಕಥಾಹಂದರ ಹೊಂದಿರುವ ಮರ್ದಿನಿ ಸೆಪ್ಟೆಂಬರ್‌ ೧೬ರಂದು ತೆರೆ ಮೇಲೆ ಬರಲು ಸಜ್ಜಾಗಿದೆ.
ಕಿರಣ್ ಕುಮಾರ್ ನಿರ್ದೇಶನದ ಈ ಸಿನಿಮಾಗೆ ಜಗದೀಶ್ ಜಗ್ಗಿ ಹಾಗೂ ಭಾರತಿ ಜಗ್ಗಿ ಬಂಡವಾಳ ಹೂಡಿದ್ದಾರೆ. ಹೊಸ ಪರಿಚಯವಾಗಿರುವ ರಿತನ್ಯ ಹೂವಣ್ಣ ಚಿತ್ರದ ನಾಯಕಿಯಾಗಿದ್ದು, ಪೋಸ್ಟರ್‌ನಲ್ಲಿ ಕಾಖಿಧಾರಿಯಾಗಿ ಗಮನ ಸೆಳೆಯುತ್ತಿದ್ದಾರೆ. ಮನೋಹರ್ ಎನ್, ಅಕ್ಷಯ್ ಗೌಡ, ಇಂಚರ ಜೋಷಿ, ಅನುಪ್ ಶೂನ್ಯ, ರಚನ ಎಸ್, ಮನಮೋಹನ್ ರೈ, ಸುಷ್ಮಿತ ಸೋನು, ಅಂಕಿತ್ ಜೈ ಹಾಗೂ ಹಲವು ನಟರು ಪಾತ್ರಗಳಿಗೆ ಜೀವ ತುಂಬಿದ್ದಾರೆ.
ಹಿತನ್ ಹಾಸನ್ ಸಂಗೀತ ನಿರ್ದೇಶ ಮಾಡಿದ್ದಾರೆ. ಅರುಣ್ ಸುರೇಶ್‌ ಛಾಯಾಗ್ರಹಣವಿದೆ. ಸಂಕಲನ ಜವಾಬ್ದಾರಿಯನ್ನು ವಿಶ್ವ ಹೊತ್ತಿದ್ದಾರೆ.
ಇದನ್ನೂ ಓದಿ | Independence Day | ಸ್ಯಾಂಡಲ್‌ವುಡ್‌ ಟ್ರಿಬ್ಯೂಟ್ ವಿಡಿಯೊ ಸಾಂಗ್‌ ಔಟ್‌: ಇದು ಒಗ್ಗಟ್ಟಿನ ವಂದೇ ಮಾತರಂ!