ಬೆಂಗಳೂರು: ಅಭಿಮಾನಿಗಳಿಗೆ ಮೆಗಾ ಸ್ಟಾರ್‌ ಚಿರಂಜೀವಿ ಸಿಹಿ ಸುದ್ದಿಯನ್ನು ನೀಡಿದ್ದಾರೆ. ಮೈತ್ರಿ ಮೂವಿ ನಿರ್ಮಾಣದ ಮೆಗಾ ಸ್ಟಾರ್‌ (Mega 154) ಅವರ ಮುಂಬರುವ ಚಿತ್ರದ ಹೆಸರನ್ನು ರಿವೀಲ್‌ ಮಾಡದೆ, ಸದ್ಯಕ್ಕೆ ಮೆಗಾ 154 ಎಂದು ಅನೌನ್ಸ್‌ ಮಾಡಿದೆ. 2023ರಲ್ಲಿ ಸಂಕ್ರಾಂತಿ ದಿನದಂದು ಸಿನಿಮಾ ರಿಲೀಸ್‌ ಮಾಡುವುದಾಗಿ ಚಿತ್ರತಂಡ ಮಾಹಿತಿ ಹಂಚಿಕೊಂಡಿದೆ.
ನಿರ್ದೇಶಕ ಬಾಬಿ (ಕೆ.ಎಸ್‌ ರವೀಂದ್ರ) ತಮ್ಮ ಸೋಷಿಯಲ್‌ ಮೀಡಿಯಾ ಮೂಲಕ ಈ ಕುರಿತ ಮಾಹಿತಿಯನ್ನು ಶೇರ್‌ ಮಾಡಿಕೊಂಡಿದ್ದಾರೆ. ಈ ಬಾರಿ ಇದು ಮೆಗಾ ಹಬ್ಬವಾಗಲಿದೆ. ಈ ಸಂಕ್ರಾಂತಿ 2023ರ ನನ್ನ ಹೀರೊ ಚಿರು #ಮೆಗಾ154 ಮೂಲಕ ತೆರೆ ಮೇಲೆ ಬರುತ್ತಿದ್ದಾರೆ ಎಂದು ಸಂತಸವನ್ನು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ | Tollywood News: ರೆಟ್ರೋ ಲುಕ್‌ನಲ್ಲಿ ಮಿಂಚಿದ ರಾಮ್‌ಚರಣ್‌!
ಇದೇ ಮೊದಲ ಬಾರಿಗೆ ನಿರ್ದೇಶಕ ಬಾಬಿ, ಚಿರಂಜೀವಿ ಅವರಿಗೆ ನಿರ್ದೆಶನ ಮಾಡುತ್ತಿದ್ದಾರೆ. ಈಗಾಗಲೇ ಹೈದರಾಬಾದ್‌ನಲ್ಲಿ ಶೂಟಿಂಗ್‌ ಮಾಡುವುದಾಗಿ ಚಿತ್ರತಂಡ ನಿರ್ಧರಿಸಿದೆ. ಶ್ರುತಿ ಹಾಸನ್‌ ಚಿತ್ರಕ್ಕ ನಾಯಕಿಯಾಗಿ ನಟಿಸುತ್ತಿದ್ದಾರೆ. ದೇವಿಶ್ರೀ ಪ್ರಸಾದ್‌ ಸಂಗೀತ ಸಂಯೋಜನೆ ಮಾಡುತ್ತಿದ್ದು, ಅರ್ಥರ್‌ ವಿಲ್ಸನ್‌ ಛಾಯಾಗ್ರಹಣ ಮಾಡುತ್ತಿದ್ದಾರೆ.
ಕಥೆ ಮತ್ತು ಸಂಭಾಷಣೆಯನ್ನು ಬಾಬಿ ಅವರೇ ಬರೆದಿದ್ದಾರೆ. ಹರಿ ಮೋಹನ್‌ ಕೃಷ್ಣ ಮತ್ತು ವಿನೀತ್‌ ಪೊಟ್ಲೂರಿ ಕೂಡ ಸಂಭಾಷಣೆ ಬರೆದಿದ್ದು, ರಾಜೇಂದ್ರ ಪ್ರಸಾದ್‌ ಮತ್ತು ವೆನ್ನೆಲ ಕಿಶೋರ್‌ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
ಇದನ್ನೂ ಓದಿ | ವಿಕ್ರಮ್ ಸಕ್ಸಸ್‌, ಕಮಲ್‌ ಹಾಸನ್‌ಗೆ ಮೆಗಾಸ್ಟಾರ್ ಚಿರಂಜೀವಿ ಸನ್ಮಾನ