ತೆಲುಗು ಮತ್ತು ತಮಿಳು ನಟಿ ರೆಜಿನಾ ಕಸ್ಸಂದ್ರ (Regina Cassandra) ಸಂದರ್ಶನವೊಂದರಲ್ಲಿ ಡಬಲ್ ಮೀನಿಂಗ್ ಜೋಕ್ ಮಾಡಿ ಸುದ್ದಿಯಲ್ಲಿದ್ದಾರೆ. ನಟಿಯರಾದ ರೆಜಿನಾ ಕಸ್ಸಂದ್ರ ಮತ್ತು ನಿವೇತಾ ಥೋಮಸ್ ಅವರು ಶಾಕಿನಿ-ಢಾಕಿಣಿ ಎಂಬ ತೆಲುಗು ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದಾರೆ. ಈ ಸಿನಿಮಾವನ್ನು ಸುಧೀರ್ ವರ್ಮಾ ನಿರ್ದೇಶನ ಮಾಡಿದ್ದು, 2023ರ ಸಂಕ್ರಾಂತಿಯೊಳಗೆ ಬಿಡುಗಡೆಯಾಗಲಿದೆ. ಸದ್ಯ ಇಬ್ಬರೂ ನಟಿಯರು ಸಿನಿಮಾ ಪ್ರಮೋಶನ್ನಲ್ಲಿ ತೊಡಗಿಕೊಂಡಿದ್ದಾರೆ.
ಶಾಕಿನಿ ಢಾಕಿಣಿ ಸಿನಿಮಾಕ್ಕೆ ಸಂಬಂಧಪಟ್ಟಂತೆ ಪತ್ರಕರ್ತನೊಬ್ಬ ಇಬ್ಬರೂ ನಟಿಯರನ್ನು ಸಂದರ್ಶನ ಮಾಡುತ್ತಿದ್ದ. ಆಗ ರೆಜಿನಾ ಕಸ್ಸಂದ್ರ ತುಂಬ ಬೋಲ್ಡ್ ಆಗಿ ಮಾತನಾಡಿದ್ದು, ವಿಡಿಯೋ ವೈರಲ್ ಆಗಿದೆ. ‘ನನಗೆ ಹುಡುಗರ ಬಗ್ಗೆ ಒಂದು ಜೋಕ್ ಗೊತ್ತಿದೆ. ಆದರೆ ಅದನ್ನು ಇಲ್ಲಿ ಹೇಳಬಹುದೋ-ಬೇಡವೋ ಗೊತ್ತಿಲ್ಲ. ಆದರೂ ಹೇಳುತ್ತೇನೆ’ ಎಂದ ರೆಜಿನಾ, ‘ಹುಡುಗರ ಲೈಂಗಿಕ ಸಾಮರ್ಥ್ಯ ಮತ್ತು ಮ್ಯಾಗಿ ಎರಡೂ ಒಂದೇ. ಎರಡೇ ನಿಮಿಷದಲ್ಲಿ ಮುಗಿದು ಹೋಗುತ್ತದೆ’ ಎಂದು ಹೇಳಿದ್ದಾರೆ. ಇವರ ಈ ಮಾತಿಗೆ ನಿವೇತಾ ಥೋಮಸ್ ನಕ್ಕಿದ್ದಾರೆ. ರೆಜಿನಾ ಇಂಥ ಡಬಲ್ ಅರ್ಥ ಬರುವ ಜೋಕ್ ಮಾಡಿದ್ದು ಇದೇ ಮೊದಲೇನೂ ಅಲ್ಲ. ಹಿಂದೆಯೂ ಹೀಗೆ ಮಾಡಿ ಸುದ್ದಿಯಾಗಿದ್ದರು. ರೆಜಿನಾ ಕನ್ನಡದ ಸೂರ್ಯಕಾಂತಿ ಎಂಬ ಸಿನಿಮಾದಲ್ಲೂ ನಟಿಸಿದ್ದಾರೆ. ಇವರ ಈ ಮಾತುಗಳಿಗೆ ಅಪಾರ ಟೀಕೆ ವ್ಯಕ್ತವಾಗಿದೆ.
ಶಾಕಿನಿ ಢಾಕಿಣಿ ಎಂಬುದು ಕೊರಿಯನ್ ಸಿನಿಮಾ ‘ಮಿಡ್ನೈಟ್ ರನ್ನರ್ಸ್’ನ ಡಬ್ಬಿಂಗ್. ಪೊಲೀಸ್ ಅಕಾಡೆಮಿಯ ಇಬ್ಬರು ವಿದ್ಯಾರ್ಥಿಗಳು ಮಾನವ ಅಕ್ರಮ ಸಾಗಣೆ ಜಾಲವನ್ನು ಬೇಧಿಸಿದ ಕತೆಯನ್ನು ಇದು ಒಳಗೊಂಡಿದೆ. ಇದೊಂದು ಕಾಮಿಡಿ ಮತ್ತು ಆ್ಯಕ್ಷನ್ ಸಿನಿಮಾ. ಒಂದು ಬದಲಾವಣೆಯೆಂದರೆ ಮಿಡ್ನೈಟ್ ರನ್ನರ್ಸ್ನಲ್ಲಿ ಇಬ್ಬರು ಹುಡುಗರು ಮುಖ್ಯ ಪಾತ್ರದಲ್ಲಿ ಇದ್ದರು, ಆದರೆ ಈಗ ತೆಲುಗಿಗೆ ಡಬ್ಬಿಂಗ್ ಆಗುವಾಗ ಇಬ್ಬರು ಹುಡುಗಿಯರನ್ನು ಮುಖ್ಯ ಭೂಮಿಕೆಯಲ್ಲಿ ಚಿತ್ರಿಸಲಾಗಿದೆ.
ಇದನ್ನೂ ಓದಿ: Dhamki vishwak | ಸ್ಯಾಂಡಲ್‌ವುಡ್‌ಗೆ ತೆಲುಗು ಸಿನಿಮಾ ಪ್ರತಿಭೆ: ದೀಪಾವಳಿಗೆ ‘ಧಮ್ಕಿ‘ ಫಸ್ಟ್‌ ಲುಕ್ !