ಬೆಂಗಳೂರು: ಮಾಡೆಲ್ ನವಪ್ರೀತ್ ಕೌರ್ ಅವರನ್ನು ಶಾರುಖ್ ಖಾನ್ (Shahrukh Khan) ತಮ್ಮ ಮನೆಗೆ ಆಹ್ವಾನಿಸಿರುವುದು ಅವರ ಪಾಲಿಗೆ ಸ್ಮರಣೀಯ ಎನಿಸಿಕೊಂಡಿದೆ. ಈ ಕುರಿತು ಫೆಮಿನಾ ಮಿಸ್ ಇಂಡಿಯಾ 2017ರ ಅಗ್ರ ಐದು ಸ್ಪರ್ಧಿಗಳಲ್ಲಿ ಒಬ್ಬರಾಗಿದ್ದ ನವಪ್ರೀತ್ ತಮ್ಮ ಹೃದಯಸ್ಪರ್ಶಿ ಅನುಭವವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಶಾರುಖ್ ಖಾನ್ “ಪಿಜ್ಜಾ ಮಾಡಿಕೊಟ್ಟರು. ಅದು ಕೂಡ ವೆಜ್. ಏಕೆಂದರೆ ಕೆಲವು ಪಂಜಾಬಿಗಳು ಸಸ್ಯಾಹಾರಿಗಳು” ಎಂದು ನವಪ್ರೀತ್ ಹೇಳಿದ್ದಾರೆ.
ಶಾರುಖ್ ಮನೆಯಲ್ಲಿ ತನ್ನ ಅನುಭವದ ಬಗ್ಗೆ ನಟಿ ಪೋಸ್ಟ್‌ನಲ್ಲಿ ʻʻನಾನು ಅವರ ಮನೆಯಲ್ಲಿದ್ದಾಗ, ಕನಸು ಕಾಣುತ್ತಿದ್ದೇನೆ ಎಂದೆನಿಸಿತು. ಡೈನಿಂಗ್‌ ಟೇಬಲ್‌ನಲ್ಲಿ ಶಾರುಖ್ ಅವರ ಮುಂದೆ ಕುಳಿತುಕೊಂಡ ತಕ್ಷಣ, ವಾಶ್‌ರೂಮ್‌ಗೆ ದಾರಿ ಕೇಳಿದೆ. ಶಾರುಖ್ ತಕ್ಷಣ ಎದ್ದು, ನನ್ನನ್ನು ವಾಶ್‌ರೂಮ್ ಡೋರ್‌ವರೆಗೆ ಕರೆದೊಯ್ದರು. ಈ ಸಮಯದಲ್ಲಿ ನನ್ನ ಹೃದಯವು ಉತ್ಸಾಹದಿಂದ ಕಿರುಚಲು ಬಯಸಿತು. ಕೋಣೆಯಲ್ಲಿ ಕನ್ನಡಿಯನ್ನು ನೋಡಿದೆ. ಖುಷಿಯಲ್ಲಿ ಕೇಕೆ ಹಾಕಬೇಕು ಎಂದು ಅನಿಸಿತು ಎಂದು ಬರೆದುಕೊಂಡಿದ್ದಾರೆ.
ʻʻಶಾರುಖ್ ಅವರೇ ಮಾಡಲಾದ ಪಿಜ್ಜಾವನ್ನು ತಿಂದಿರುವ ಖುಷಿಯನ್ನು ನವಪ್ರೀತ್ ಕೊಂಡಾಡಿದ್ದಾರೆ. ಶಾರುಖ್ ಖಾನ್ ಅವರೇ ಪಿಜ್ಜಾವನ್ನು (Pizza) ತಯಾರಿಸಿದರು. ತಮ್ಮ ನ್ಯಾಪ್ಕಿನ್ ಮೇಲೆ ಶಾರುಖ್ ಆಟೋಗ್ರಾಫ್ ನೀಡಿದರುʼʼ ಎಂದು ನವಪ್ರೀತ್ ಬರೆದುಕೊಂಡಿದ್ದಾರೆ. ಈ ನೆನಪನ್ನು ಸದಾ ತನ್ನೊಂದಿಗೆ ಇಟ್ಟುಕೊಳ್ಳುವುದಾಗಿ ನಟಿ ಹೇಳಿದ್ದಾರೆ. ʻʻನಾನು ಇದನ್ನು ಎಂದಿಗೂ ಪೋಸ್ಟ್ ಮಾಡುವುದಿಲ್ಲ ಎಂದು ನಾನು ನನಗೆ ಭರವಸೆ ನೀಡಿದ್ದೆ. ಆದರೆ ಈ ನೆನಪು ನನಗೆ ತುಂಬಾ ಅಮೂಲ್ಯ. ನಾನು ಮನ್ನತ್ನಲ್ಲಿ ಅತ್ಯಂತ ಅಮೂಲ್ಯ ಕ್ಷಣಗಳನ್ನು ಕಳೆದಿದ್ದೇನೆ ಎಂದಿದ್ದಾರೆ. ಬಾಲಿವುಡ್ ಕಿಂಗ್, ಶಾರುಖ್ ಖಾನ್ ಅವರೇ ನನಗಾಗಿ ಪಿಜ್ಜಾ ಮಾಡಿಸಿದರು. ಅದು ಕೂಡ ವೆಜ್, ಏಕೆಂದರೆ ಕೆಲ ಪಂಜಾಬಿಗಳು ವೆಜ್. ನಾನು ಅವರ ಮನೆಯಲ್ಲಿದ್ದಷ್ಟು ಕಾಲ, ನಾನು ಕನಸು ಕಾಣುತ್ತಿದ್ದೇನೆ ಎಂದುಕೊಂಡಿದ್ದೆ,ʼʼ ಎಂದು ಬರೆದುಕೊಂಡಿದ್ದಾರೆ. ʻʻಗೌರಿ ಖಾನ್ ಹಾಗೂ ಅಬ್ರಾಮ್ ನನ್ನ ಹೊಸ ಉತ್ತಮ ಸ್ನೇಹಿತರಾಗಿದ್ದಾರೆʼʼ ಎಂದು ಶಾರುಖ್ ಅವರ ವ್ಯಕ್ತಿತ್ವದ ಬಗ್ಗೆ ಕೊಂಡಾಡಿದ್ದಾರೆ.
ಇದನ್ನೂ ಓದಿ: Shahrukh Khan: ಶಾರುಖ್ ಪುತ್ರ ಯಾಕೆ ನಗಲ್ಲ ಎನ್ನುವರಿಗೆ ನಟಿ ಪಾಲಕ್ ತಿವಾರಿ ಕೊಟ್ಟ ಉತ್ತರವೇನು?
ಶಾರುಖ್ ವ್ಯಕ್ತಿತ್ವವನ್ನು ಹೊಗಳಿದ ಶಾರುಖ್
ಹ್ಯೂಮನ್ಸ್ ಆಫ್ ಬಾಂಬೆ ಪಾಡ್‌ಕ್ಯಾಸ್ಟ್‌ನಲ್ಲಿ, ರಾಜ್‌ಕುಮಾರ್ ರಾವ್ ಅವರು ಶಾರುಖ್ ಅವರಿಂದ ಯಾವ ಗುಣಗಳನ್ನು ಅಳವಡಿಸಿಕೊಳ್ಳಲು ಪ್ರಯತ್ನಿಸಿದ್ದರು ಎಂಬುದರ ಕುರಿತು ಈ ಹಿಂದೆ ಮಾತನಾಡಿದ್ದರು. ರಾಜ್‌ಕುಮಾರ್ ರಾವ್ ಮಾತನಾಡಿ, “ಶಾರುಖ್ ಅವರಿಂದ ಕಲಿಯಲು ಬಹಳಷ್ಟು ಇದೆ. ಶಾರುಖ್ ಸರ್, ಅವರು ನಿಮ್ಮನ್ನು ನಡೆಸಿಕೊಳ್ಳುವ ರೀತಿ, ಹಾಗೇ ತುಂಬ ಗೌರವವನ್ನು ನೀಡುತ್ತಾರೆ. ಶಾರುಖ್ ಅವರು ಯಾವಾಗಲೂ ಸಂಪೂರ್ಣ ಗಮನವು ನಿಮ್ಮ ಮೇಲೆ, ನಿಮ್ಮ ಕಡೆಗೆ ಇರಿಸುತ್ತಾರೆ. ನಿಮ್ಮ ಬಾಯಿಂದ ಬರುವ ಪ್ರತಿಯೊಂದು ಪದವನ್ನು ಬಹಳ ಎಚ್ಚರಿಕೆಯಿಂದ ಕೇಳುತ್ತಾರೆ. ಪ್ರತಿ ಪಾರ್ಟಿಯ ನಂತರ ಅವರು ಹೊರಬರುವ ರೀತಿ, ಮೂರು ಫ್ಲೋರ್‌ನಿಂದ ಇಳಿದು, ಕಾರಿನ ಹತ್ತಿರ ಬಂದು, ಬಾಗಿಲು ತೆರೆದು ನಿಮ್ಮನ್ನು ಕುಳ್ಳಿರಿಸಿ, ನೀವು ಹೋಗುವವರೆಗೂ ಅಲ್ಲಿಯೇ ನಿಂತು, ಬೈ ಎಂದು ಹೇಳಿ ಕಳುಹಿಸುತ್ತಾರೆ. ಅದನ್ನೆಲ್ಲ ಅವರು ಮಾಡಬೇಕಾಗಿಲ್ಲ. ಆದರೆ ಅವರ ವ್ಯಕ್ತಿತ್ವ ಅಂತಹದುʼʼಎಂದಿದ್ದರು.
ಶಾರುಖ್ ಖಾನ್ ಕೊನೆಯ ಬಾರಿಗೆ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಅವರೊಂದಿಗೆ ಬ್ಲಾಕ್ಬಸ್ಟರ್ ಹಿಟ್ ಸಿನಿಮಾ ಪಠಾನ್ನಲ್ಲಿ ಕಾಣಿಸಿಕೊಂಡಿದ್ದರು. ಮುಂದೆ ಅವರು ಜವಾನ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.