ಬೆಂಗಳೂರು: 1982ರಲ್ಲಿ ಮೈಸೂರಿನಲ್ಲಿ ನಡೆದ ಪ್ರೇಮಿ ಮತ್ತು ವಾಸು ಅವರ ನೈಜ ಕಥೆಯನ್ನು ನಿರ್ದೇಶಕ-ಛಾಯಾಗ್ರಾಹಕ ಅಭಿಜಿತ್ ಆಚಾರ್ ‘ಮೈಸೂರು ಮ್ಯಾಜಿಕ್’ ಶಿರ್ಷಿಕೆ ಅಡಿಯಲ್ಲಿ ಕಿರುಚಿತ್ರ ಮಾಡಿದ್ದಾರೆ. ಜೂನ್ 20 ರಿಂದ ಜೂನ್ 26 ರವರೆಗೆ ಅಮೆರಿಕದಲ್ಲಿ ನಡೆಯಲಿರುವ ಪಾಮ್ ಸ್ಪ್ರಿಂಗ್ಸ್ ಕಿರುಚಿತ್ರಗಳ ಅಂತಾರಾಷ್ಟ್ರೀಯ ಉತ್ಸವದಲ್ಲಿ ಮೈಸೂರು ಮ್ಯಾಜಿಕ್ ಪ್ರದರ್ಶನಗೊಳ್ಳಲಿದೆ.
ದಕ್ಷಿಣ ಆಫ್ರಿಕಾದ ಡರ್ಬನ್‌ನಲ್ಲಿ ಹುಟ್ಟಿ ಬೆಳೆದ ಅಭಿಜಿತ್ ಬಿ.ಎ. ಜಾರ್ಜಿಯಾ ವಿಶ್ವವಿದ್ಯಾನಿಲಯದಿಂದ ಚಲನಚಿತ್ರ ಅಧ್ಯಯನದಲ್ಲಿ ಪದವಿ ಪಡೆದರು. ಅವರ ‘ಮೈ ಇಂಡಿಯನ್ ರಾಪ್ಸೋಡಿ’ 2017 ಥಿಸೀಸ್‌ ಅಟ್ಲಾಂಟಾ ಚಲನಚಿತ್ರೋತ್ಸವದಲ್ಲಿ ಪ್ರೀಮಿಯರ್‌ ಆಯಿತು. ‘ಪೆಜೆಂಟ್ ಮೆಟೀರಿಯಲ್’ ಮತ್ತು ʻಫಾರಗಿವ್‌ ಅಸ್‌ʼ ಸಿನಿಮಾಗಳನ್ನು ನಿರ್ಮಿಸಿದ್ದಾರೆ ಹಾಗೂ ಛಾಯಾಗ್ರಹಣ ಮಾಡಿದ್ದಾರೆ.
1982ರಲ್ಲಿ ಭಾರತದಲ್ಲಿ ನಡೆದ ಡಿಸ್ಕೋ ಸ್ಪರ್ಧೆಯಲ್ಲಿ ಅಭಿಜಿತ್ ಅವರ ಪೋಷಕರು ಹೇಗೆ ಭೇಟಿಯಾದರು ಎಂಬ ನೈಜ ಕಥೆಯನ್ನು ‘ಮೈಸೂರು ಮ್ಯಾಜಿಕ್’ ಪ್ರಸ್ತುತಪಡಿಸುತ್ತದೆ. ಚಿತ್ರದಲ್ಲಿ ಐಶ್ವರ್ಯಾ ಸೋನಾರ್, ಸಿದ್ಧಾರ್ಥ್ ಕುಸುಮಾ, ಸಮನ್ ಹಸನ್ ಮತ್ತು ರಿಷಿಕ್ ಪಟೇಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: Ambegalu Short Film: ಕಿರುಚಿತ್ರ ಸ್ಪರ್ಧೆಯಲ್ಲಿ ಮಲೆನಾಡಿನ ಕಥೆಗಳು ಪ್ರಥಮ, ಬಿಡುಗಡೆಗೆ ದ್ವಿತೀಯ ಪ್ರಶಸ್ತಿ
ಐಶ್ವರ್ಯ ಮಾತನಾಡಿ “ಅನಾನಸ್ ಕಟ್ ಪಿಕ್ಚರ್ಸ್‌ನಲ್ಲಿ ಅಭಿಜಿತ್ ಆಚಾರ್ ಮತ್ತು ಅಲೆಕ್ಸ್ ಅವರ ಕೆಲಸದ ಬಗ್ಗೆ ನನಗೆ ಸ್ವಲ್ಪ ತಿಳಿದಿತ್ತು, ಹಾಗಾಗಿ ಅವರೊಂದಿಗೆ ಕೆಲಸ ಮಾಡಲು ನಾನು ಉತ್ಸುಕನಾಗಿದ್ದೆ. ವಿಶೇಷವಾಗಿ ನೈಜ ಕಥೆಯಲ್ಲಿ. ಅಭಿಜಿತ್ ಆಚಾರ್ ಮತ್ತು ತಂಡದೊಂದಿಗೆ ಕೆಲಸ ಮಾಡುತ್ತಿರುವುದು ಸಂತಸ ತಂದಿದೆʼʼಎಂದರು. ಅಭಿಜೀತ್‌ ಅವರ ನಿರ್ಮಾಣ ಸಂಸ್ಥೆ, ಪೈನಾಪಲ್ ಕಟ್ ಪಿಕ್ಚರ್ಸ್ 2019ರಲ್ಲಿ ಸೌತ್ ಈಸ್ಟ್ ಎಮ್ಮಿ ಪ್ರಶಸ್ತಿಗಳನ್ನು (Southeast Emmy Awards back) ಪಡೆದುಕೊಂಡಿದೆ.