ಬೆಂಗಳೂರು: ʻಜವಾನ್ʼ ಸಿನಿಮಾ ನಿರ್ದೇಶಕ ಅಟ್ಲೀ ಹಾಗೂ ನಟಿ ನಯನತಾರಾ (Nayanthara And Atlee) ನಡುವೆ ಮುನಿಸಿದೆ ಎಂದು ಕೆಲವು ದಿನಗಳಿಂದ ಚರ್ಚೆಯಾಗುತ್ತಲೇ ಇದೆ. ಜವಾನ್ ಸಿನಿಮಾದಲ್ಲಿ ದೀಪಿಕಾ ಅವರನ್ನು ಹೈಲೈಟ್‌ ಮಾಡಿ, ತಮ್ಮ ದೃಶ್ಯಗಳಿಗೆ ಕತ್ತರಿ ಹಾಕಲಾಗಿದೆ ಎಂದು ನಯನತಾರಾ ಬೇಸರಗೊಂಡಿದ್ದರು ಎಂದು ಈ ಮುಂಚೆ ವದರಿಯಾಗಿತ್ತು. ಈ ಎಲ್ಲ ವದಂತಿಗಳ ನಡುವೆ ನಯನತಾರಾ ಮತ್ತೆ ಅಟ್ಲೀ ಅವರಿಗೆ ವಿಶ್‌ ಮಾಡುವ ಮೂಲಕ ಗಾಸಿಪ್‌ಗಳಿಗೆ ತೆರೆ ಎಳೆದಿದ್ದರು. ಆದರೀಗ ಈ ವಿಚಾರ ಮತ್ತೆ ಮುನ್ನೆಲೆಗೆ ಬಂದಿದೆ. ಶಾರುಖ್ (Shah Rukh Khan) ಆಸ್ಕ್ ಮಿ ಎನಿಥಿಂಗ್ ಸೆಷನ್ (Ask Me Anything session) ನಡೆಸುವಾಗ ನರ್ಮದಾ (ನಯನತಾರಾ) ಎಂಬ ಪಾತ್ರಕ್ಕೆ ಸೂಕ್ತ ಪ್ರಮಾಣದ ಸ್ಕ್ರೀನ್ ಸ್ಪೇಸ್ ಸಿಕ್ಕಿಲ್ಲ ಎಂಬುದನ್ನು ಕೂಡ ಒಪ್ಪಿಕೊಂಡಿದ್ದಾರೆ.
ಶಾರುಖ್ ಖಾನ್ ಸೆ.22ರಂದು ಆಸ್ಕ್ ಮಿ ಎನಿಥಿಂಗ್ ಸೆಷನ್ ಆಯೋಜಿಸಿದ್ದರು. ಜವಾನ್‌ನ ಬಂಪರ್ ಯಶಸ್ಸಿನಲ್ಲಿ ಮುಳುಗಿರುವ ನಟ, ಅಭಿಮಾನಿಗಳ ಪ್ರಶ್ನೆಗೆ ಉತ್ತರಿಸಿದ್ದಾರೆ. ಒಬ್ಬ ಅಭಿಮಾನಿ ʻʻನರ್ಮದಾ ಪಾತ್ರವನ್ನು ತುಂಬಾ ಇಷ್ಟ ಪಟ್ಟೆ. ಆಜಾದ್ ಅವರ ಬಂಧವನ್ನು ಇಷ್ಟಪಟ್ಟೆ. ಒಂಟಿ ಮಹಿಳೆ ಮಗು ಸಾಕುವ ಈ ಪಾತ್ರ ಮನಮುಟ್ಟಿದೆ. ತುಂಬಾ ಸೂಕ್ಷ್ಮವಾಗಿ ಮಾಡಲಾಗಿದೆ. ಎಲ್ಲಾ ಕ್ಷೇತ್ರದ ಮಹಿಳೆಯರನ್ನು ಪ್ರತಿನಿಧಿಸಿದ್ದಕ್ಕಾಗಿ ಧನ್ಯವಾದಗಳುʼʼಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಉತ್ತರಿಸಿದ ಶಾರುಖ್ ಖಾನ್, “ನರ್ಮದಾ ಸಿಂಗಲ್‌ ಮದರ್‌ ಪಾತ್ರದ ಕಥೆ ಅದ್ಭುತವಾಗಿದೆ ಎಂದು ನನಗೂ ಅನಿಸಿತು. ದುರದೃಷ್ಟವಶಾತ್ ಆ ಪಾತ್ರಕ್ಕೆ ಹೆಚ್ಚು ಸ್ಕ್ರೀನ್ ಸ್ಪೇಸ್ ಸಿಗಲಿಲ್ಲ. ಹಾಗಿದ್ದರೂ ಕೂಡ ಅದು ತುಂಬ ಚೆನ್ನಾಗಿ ಮೂಡಿಬಂದಿದೆ’ ಎಂದು ಶಾರುಖ್ ಖಾನ್ ಉತ್ತರ ನೀಡಿದ್ದಾರೆ. ನಯನತಾರಾ ನರ್ಮದಾ ಪಾತ್ರವನ್ನು ನಿರ್ವಹಿಸಿದರೆ, ಶಾರುಖ್ ಖಾನ್ ಆಜಾದ್ ಪಾತ್ರವನ್ನು ನಿರ್ವಹಿಸಿದರು.
ಇದನ್ನೂ ಓದಿ: Shah Rukh Khan: ಗ್ರೂಪ್‌ ಫೋಟೊ ತೆಗೆಯುವ ವೇಳೆ ನೆಲದ ಮೇಲೆ ಮಲಗಿ ಪೋಸ್‌ ಕೊಟ್ಟ ಶಾರುಖ್!
ಶಾರುಖ್ ಟ್ವೀಟ್‌
I also felt that the story of Narmada as a single mom was amazing. Unfortunately in the scheme of things couldn’t find more screen time but as is was also wonderful. #Jawan https://t.co/QStZVAOMxC
— Shah Rukh Khan (@iamsrk) September 22, 2023
ಬಾಲಿವುಡ್‌ ಸಿನಿಮಾ ಮಾಡಲ್ಲ ಅಂದ್ರಾ ನಯನತಾರಾ?
ಇದಕ್ಕೂ ಮೊದಲು ಚಿತ್ರದಲ್ಲಿ ತನ್ನ ಪಾತ್ರವನ್ನು ಹಲವು ಕಡೆ ಕತ್ತರಿಸಿದ್ದರಿಂದ ಅಟ್ಲೀಯೊಂದಿಗೆ ನಯನತಾರಾ ತುಂಬಾ ಅಸಮಾಧಾನಗೊಂಡಿದ್ದಾರೆ ಎನ್ನಲಾಗಿದೆ. ಅಲ್ಲದೆ, ದೀಪಿಕಾ ಅವರ ಪಾತ್ರವನ್ನು ಹೆಚ್ಚು ಹೈಲೈಟ್‌ ಮಾಡಿರುವ ಬಗ್ಗೆ ನಟಿ ಬೇಸರ ವ್ಯಕ್ತಪಡಿಸಿದ್ದಾರೆ ಎಂತಲೂ ವರದಿಯಾಗಿತ್ತು. ಚಿತ್ರದಲ್ಲಿ ವಿಕ್ರಮ್ ರಾಥೋಡ್ (ಶಾರುಖ್) ಪತ್ನಿಯಾಗಿ ದೀಪಿಕಾ ಪಡುಕೋಣೆ ವಿಶೇಷವಾಗಿ ಕಾಣಿಸಿಕೊಂಡಿದ್ದಾರೆ. ಮೂಲಗಳ ಪ್ರಕಾರ ದೀಪಿಕಾ ಅವರದ್ದು ಅತಿಥಿ ಪಾತ್ರವಲ್ಲ. ಬದಲಿಗೆ ಜವಾನ್ ಅನ್ನು “ಶಾರುಖ್-ದೀಪಿಕಾ” ಚಿತ್ರದಂತೆ ಕಾಣುವಂತೆ ಮಾಡಲಾಗಿದೆ ಎಂದು ಹೇಳಿದೆ. ಇದು ಅತಿಥಿ ಪಾತ್ರವಾಗಿರಲಿಲ್ಲ. ಜವಾನ್ ಅನ್ನು ಬಹುತೇಕ ಶಾರುಖ್-ದೀಪಿಕಾ ಚಿತ್ರದಂತೆ ಕಾಣುವಂತೆ ಮಾಡಲಾಗಿದೆ. ನಯನತಾರಾ ದಕ್ಷಿಣದ ಪ್ರಮುಖ ನಟಿ, ಆದ್ದರಿಂದ ಅವರು ಜವಾನ್ ಸಿನಿಮಾ ಬಗ್ಗೆ ಸಂತೋಷವಾಗಿರಲಿಲ್ಲ. ಇನ್ನು ಮುಂದೆ ಯಾವುದೇ ಬಾಲಿವುಡ್‌ ಸಿನಿಮಾಗಳಲ್ಲಿ ಕಾಣಿಸುವುದಿಲ್ಲ ಎಂದು ನಯನತಾರಾ ಅಸಮಾಧಾನ ಹೊರ ಹಾಕಿದ್ದಾರೆ ಎಂದು ವರದಿಯಾಗಿತ್ತು. ಇಂತಹ ವರದಿಗಳ ನಡುವೆ, ನಯನತಾರಾ ಅಟ್ಲಿ ಅವರ ಹುಟ್ಟುಹಬ್ಬಕ್ಕೆ ಶುಭ ಹಾರೈಸಿದ್ದಾರೆ