ಮುಂಬೈ: ನಟಿ ನಿಕ್ಕಿ ತಂಬೋಲಿ (Nikki Tamboli) ಹಾಟ್‌ ನಟಿಯರ ಸಾಲಿನಲ್ಲಿ ಕೇಳಿಬರುವ ಹೆಸರು. ಸಲ್ಮಾನ್‌ ಖಾನ್‌ ಅವರ ಬಿಗ್‌ಬಾಸ್‌ ಸೀಸನ್‌ 14ರಲ್ಲಿ ಭಾಗವಹಿಸಿದ ಮೇಲಂತೂ ನಿಕ್ಕಿ ಅವರ ಪಾಪ್ಯುಲಾರಿಟಿ ಗಗನಕ್ಕೆ ಏರಿತು ಎಂದೇ ಹೇಳಬಹುದು. ಬೋಲ್ಡ್‌ ಉಡುಗೆ ತೊಡುವ ಮೂಲಕ ದೊಡ್ಡ ಅಭಿಮಾನಿ ಬಳಗವನ್ನೇ ಸಾಧಿಸಿಕೊಂಡಿರುವ ನಿಕ್ಕಿ ಇದೀಗ ಮತ್ತೊಂದು ಫೋಟೋ ಶೂಟ್‌ ಮಾಡಿಸಿಕೊಂಡಿದ್ದಾರೆ. ಸೆಕ್ಸಿ ಬ್ರಾಲೆಟ್‌ ಉಡುಗೆಯಲ್ಲಿ ಫೋಟೋಶೂಟ್‌ ಮಾಡಿಸಿಕೊಂಡಿರುವ ವಿಡಿಯೊವನ್ನು ನಟಿ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದು, ಆ ವಿಡಿಯೊ ಭಾರೀ ವೈರಲ್‌ ಆಗಿದೆ ಕೂಡ.
ನಿಕ್ಕಿ ಕಪ್ಪು ಬಣ್ಣದ ಹಾಲ್ಟರ್‌ ನೆಕ್‌ ಬ್ರಾಲೆಟ್‌ ತೊಟ್ಟಿದ್ದಾರೆ. ಅದಕ್ಕೆ ಥೈ ಹೈ ಸ್ಲಿಟ್‌ ಇರುವಂತಹ ಕಪ್ಪು ಬಣ್ಣದ ಸ್ಕರ್ಟ್‌ ಅನ್ನು ಮ್ಯಾಚ್‌ ಮಾಡಿ ಧರಿಸಿದ್ದಾರೆ. ಯಾವುದೇ ಆಭರಣ ತೊಡದಿದ್ದರೂ ನಟಿ ಮೈ ಹೊಳಪಿನಿಂದಲೇ ಹೊಳೆಯುತ್ತಿದ್ದಾರೆ. ಫೋಟೋ ಶೂಟ್‌ನಲ್ಲಿ ಕ್ಯಾಮೆರಾಗೆ ಫೋಸ್‌ ಕೊಡುವ ರೀತಿಯಲ್ಲಿ ಹಲವಾರು ಫೋಸ್‌ಗಳ ವಿಡಿಯೊವನ್ನು ಅವರ ಚಿತ್ರೀಕರಿಸಿದ್ದು, ಅದನ್ನು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ನಟಿ ಈ ಪೋಸ್ಟ್‌ ಅನ್ನು ಬುಧವಾರದಂದು ಹಂಚಿಕೊಂಡಿದ್ದಾರೆ. ಅಂದಿನಿಂದ ಇಂದಿನವರೆಗೆ 4.5 ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೊವನ್ನು ನೋಡಿದ್ದಾರೆ. 70 ಸಾವಿರ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ. 500ಕ್ಕೂ ಅಧಿಕ ಮಂದಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಹಾಗೆಯೇ ನೂರಾರು ಮಂದಿ ಈ ಹಾಟ್‌ ಬೆಡಗಿಯ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಇದನ್ನೂ ಓದಿ: Viral Video : ‘ಭೋಲೆ ಚೂಡಿಯಾʼ ಎನ್ನುತ್ತಾ ಮಸ್ತ್‌ ಸ್ಟೆಪ್ಸ್‌ ಹಾಕಿದ ವಧು-ವರ!
ವಿಡಿಯೊಗೆ ನಟಿಯ ಅಭಿಮಾನಿಗಳು ಮೆಚ್ಚುಗೆಯ ಕಮೆಂಟ್‌ಗಳ ಸುರಿಮಳೆಯನ್ನೇ ಸುರಿಸಿದ್ದಾರೆ ಎನ್ನಬಹುದು. “ನೀವು ಮುಂದೊಂದು ದಿನ ಬಾಲಿವುಡ್‌ ಅನ್ನು ನೋರಾ ಫತೇಹಿ ರೀತಿಯಲ್ಲಿ ಆಳಲಿದ್ದೀರಿ. ಅಷ್ಟು ಸೌಂದರ್ಯ ನಿಮ್ಮಲ್ಲಿದೆ”, “ನನ್ನ ದೇವತೆ ನನ್ನ ಆತ್ಮವನ್ನು ಸ್ವರ್ಗಕ್ಕೆ ಕೊಂಡೊಯ್ಯಲು ಬಂದಂತಾಯಿತು”, “ನೀವು ನಂಬಲಾಗದಷ್ಟು ಸುಂದರವಾಗಿದ್ದೀರಿ. ಇದು ನಿಮ್ಮ ಬೆಸ್ಟ್‌ ಲುಕ್‌. ಈ ಉಡುಪು ನಿಮಗೆ ತುಂಬಾ ಚೆನ್ನಾಗಿ ಒಪ್ಪುತ್ತದೆ. ನೀವು ಈ ಗ್ರಹದಲ್ಲಿರುವ ದೇವತೆಯಂತೆ ಕಾಣುತ್ತಿದ್ದೀರಿ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಅದಷ್ಟೇ ಅಲ್ಲದೆ ಅನೇಕರು “ವಾವ್‌”, “ಸೂಪರ್‌” ಮತ್ತು ಹಾರ್ಟ್‌ ಇಮೋಜಿ ಹಾಗೂ ಫೈರ್‌ ಇಮೋಜಿಗಳನ್ನು ಕಮೆಂಟ್‌ ಮಾಡಿದ್ದಾರೆ.
ಈ ಹಿಂದೆ ನಟಿ ಜೀನ್ಸ್‌ ಪ್ಯಾಂಟ್‌ ಹಾಗೂ ಶರ್ಟ್‌ನಲ್ಲಿ ಫೋಟೋಶೂಟ್‌ ಮಾಡಿಸಿಕೊಂಡಿದ್ದರು. ಜೀನ್ಸ್‌ ಪ್ಯಾಂಟ್‌ ಧರಿಸಿ, ಮೇಲೆ ಶರ್ಟ್ ಧರಿಸದೆಯೇ ಅದನ್ನು ಕೈನಲ್ಲಿ ಹಿಡಿದುಕೊಂಡು ಬ್ಯಾಕ್‌ಲೆಸ್‌ ಆಗಿ ಕಾಣಿಸಿಕೊಂಡಿದ್ದ ಅವರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಆಗಿತ್ತು. ನಟಿಯ ಅಭಿಮಾನಿಗಳು ಆ ಲುಕ್‌ಗೆ ಕೂಡ ಫಿದಾ ಆಗಿದ್ದಾಗಿ ಕಾಮೆಂಟ್‌ಗಳನ್ನು ಮಾಡಿದ್ದರು.
ನಿಕ್ಕಿ ಅವರು ಹಲವಾರು ತಮಿಳು ಮತ್ತು ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2021ರಲ್ಲಿ ಅವರು ಸಿರ್ಫ್‌ ತುಮ್‌ ಹೆಸರಿನ ಧಾರಾವಾಹಿಯಲ್ಲೂ ಕಾಣಿಸಿಕೊಂಡಿದ್ದರು. ಹಾಗಿದ್ದರೂ ಅವರು ಹೆಚ್ಚು ಪ್ರಸಿದ್ಧತೆ ಪಡೆದುಕೊಂಡಿರಲಿಲ್ಲ. ಹಿಂದಿಯ ಬಿಗ್‌ಬಾಸ್‌ ಸೀಸನ್‌ 14ರಲ್ಲಿ ಭಾಗವಹಿಸಿದ ನಂತರ ನಟಿಯ ಪ್ರಸಿದ್ಧತೆ ಹೆಚ್ಚಿತು ಹಾಗೆಯೇ ಅಭಿಮಾನಿ ಬಳಗವೂ ಹೆಚ್ಚಾಯಿತು.