ಮುಂಬೈ: ಬಾಲಿವುಡ್‌ನ ಹಾಟ್‌ ನಟಿಯರಲ್ಲಿ ನೋರಾ ಫತೇಹಿ (Nora Fatehi) ಕೂಡ ಒಬ್ಬರು. ಅವರು ಬಳ್ಳಿಯಂತೆ ಬಳುಕುತ್ತಾ ಕುಣಿಯುತ್ತಿದ್ದರೆ ಅವರ ಅಭಿಮಾನಿಗಳು ಕಣ್ಣು ಮುಚ್ಚದೆಯೇ ನೋಡುತ್ತಿರುತ್ತಾರೆ. ನಟಿ ಗುರುವಾರದಂದು ಮನೀಶ್‌ ಮಲ್ಹೋತ್ರಾ ಅವರ ಫ್ಯಾಶನ್‌ ಶೋ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು, ನಟಿ ಇನ್ನೇನು ಸ್ವಲ್ಪದರಲ್ಲಿ ಬೀಳುವ ಸನ್ನಿವೇಶ ಎದುರಾಗಿದೆ. ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ವೈರಲ್‌ ಆಗಿದೆ.
ನೋರಾ ಅವರು ಕಾರ್ಯಕ್ರಮಕ್ಕೆ ವಿಶೇಷವಾದ ಸೀರೆಯನ್ನು ಉಟ್ಟು ಬಂದಿದ್ದರು. ಕಪ್ಪು ಬಣ್ಣದ ಸೀರೆಯಲ್ಲಿ ಥೈ ಹೈ ಸ್ಲಿಟ್‌ ಇರಿಸಲಾಗಿತ್ತು. ಗೌನ್‌ಗಳಲ್ಲಿ ಇರುವಂತೆ ಸೀರೆಯಲ್ಲಿ ಹಿಂದೆ ಉದ್ದನೆಯ ಹಾಸು ಇತ್ತು. ನಟಿ ನಡೆದು ಬರುತ್ತಿರುವಾಗ ಹಿಂದಿನಿಂದ ಯಾರೋ ಸೀರೆಯನ್ನು ಮೆಟ್ಟಿದ್ದಾರೆ. ಅದರಿಂದಾಗಿ ಒಂದು ಕ್ಷಣಕ್ಕೆ ನಟಿ ಬೀಳುವಂತಾಗಿದ್ದಾರೆ. ಕೊನೆಗೆ ಸೀರೆಯನ್ನು ಎಳೆದುಕೊಂಡು ಮುಂದೆ ನಡೆದಿದ್ದಾರೆ. ಅವರ ರಕ್ಷಕರು ಅವರ ಸೀರೆಯನ್ನು ಯಾರೂ ಮೆಟ್ಟದಂತೆ ನೋಡಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಐಲ್ಯಾಂಡ್‌ನಲ್ಲಿ ಬಾಲಿವುಡ್‌ನ ಮಸ್ತ್‌ ಗೆರುವಾ ಡ್ಯಾನ್ಸ್‌ ರಿಮೇಕ್‌ ಮಾಡಿದ ಬೆಡಗಿ! ಲೊಕೇಶನ್‌ ಸೂಪರ್‌
ಈ ದೃಶ್ಯ ಬಾಲಿವುಡ್‌ ಮಾಧ್ಯಮದವರ ಕಣ್ಣಿಗೆ ಬಿದ್ದಿದೆ. ಅವರು ಅದನ್ನು ವಿಡಿಯೊ ಮಾಡಿಕೊಂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ವಿಡಿಯೊ ಒಂದೇ ದಿನದಲ್ಲಿ ಭಾರೀ ವೈರಲ್‌ ಆಗಿದೆ. ನೋರಾ ಅವರ ಅಭಿಮಾನಿಗಳು ಅವರ ಸೌಂದರ್ಯವನ್ನು ಹೊಗಳುತ್ತಿದ್ದರೆ, ಕೆಲವರು ಅವರ ಉಡುಗೆಯ ಬಗ್ಗೆ ಹಾಗೂ ಅವರು ಹಿಡಿದುಕೊಂಡಿದ್ದ ಮಿನಿ ಬ್ಯಾಗ್‌ನ ಬಗ್ಗೆ ಕಾಲೆಳೆಯುತ್ತಿದ್ದಾರೆ. ವಿಡಿಯೊ 30 ಸಾವಿರಕ್ಕೂ ಅಧಿಕ ಮಂದಿಯಿಂದ ಮೆಚ್ಚುಗೆಯನ್ನು ಪಡೆದುಕೊಂಡಿದೆ.
ನೋರಾ ಹಿಡಿದಿರುವ ಮಿನಿ ಬ್ಯಾಗ್‌ ಬಗ್ಗೆ ಭಾರೀ ಚರ್ಚೆಯೇ ನಡೆಯುತ್ತಿದೆ. “ಅಷ್ಟು ಚಿಕ್ಕ ಬ್ಯಾಗ್‌ನಲ್ಲಿ ನೋರಾ ಏನನ್ನು ಇಟ್ಟುಕೊಂಡಿರುಬಹುದು?”, “ಆ ಬ್ಯಾಗ್‌ನ ಅವಶ್ಯಕತೆ ಏನಿತ್ತು?”, “ಅಬ್ಬಬ್ಬಾ ಎಷ್ಟೊಂದು ದೊಡ್ಡ ಬ್ಯಾಗ್‌ ಹಿಡಿದಿದ್ದಾರೆ. ಭಾರವಾಗಿರಬೇಕು” ಎನ್ನುವಂತಹ ಕಾಲೆಳೆಯುವ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಹಾಗೆಯೇ ಅವರ ಉಡುಗೆಯ ಬಗ್ಗೆಯೂ ಸಾಕಷ್ಟು ಚರ್ಚೆಯಾಗುತ್ತಿದೆ. ಕೆಲವರು ಇದು ಯಾವ ರೀತಿಯ ಸೀರೆ ಎಂದು ಕೇಳುತ್ತಿದ್ದರೆ ಕೆಲವರು ಸೂಪರ್‌ ಸ್ಟೈಲ್‌ ಎಂದು ಹೊಗಳುತ್ತಿದ್ದಾರೆ.