ಬೆಂಗಳೂರು: ಗೋಲ್ಡನ್ ಗ್ಲೋಬ್ (Golden Globe) ಪ್ರಶಸ್ತಿಯನ್ನು ಗೆದ್ದ ಆರ್‌ಆರ್‌ಆರ್ ಇದೀಗ ಆಸ್ಕರ್‌ಗೆ (Oscars 2023) ನಾಮನಿರ್ದೇಶನಗೊಂಡಿದೆ. ಸಿನಿಮಾದ ನಾಟು ನಾಟು ಹಾಡು ಆಸ್ಕರ್‌ನಲ್ಲಿ ಅತ್ಯುತ್ತಮ ಮೂಲ ಗೀತೆ ವಿಭಾಗದಲ್ಲಿ ಪ್ರಶಸ್ತಿ ಗೆಲ್ಲುವ ಮುಂಚೂಣಿಯಲ್ಲಿದೆ. ಗೋಲ್ಡನ್ ಗ್ಲೋಬ್‌ನಲ್ಲಿ ಬೆಸ್ಟ್ ಓರಿಜನಲ್ ಸಾಂಗ್ ವಿಭಾಗದಲ್ಲಿ ಆರ್‌ಆರ್‌ಆರ್ ಪ್ರಶಸ್ತಿ ಗೆಲ್ಲುತ್ತಿದ್ದಂತೆ ಪಾಪ್ ಸಿಂಗರ್ ರಿಹನ್ನಾ ಅಭಿನಂದನೆ ಸೂಚಿಸಿರುವ ವಿಡಿಯೊ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ.
ಗೋಲ್ಡನ್ ಗ್ಲೋಬ್‌ನಲ್ಲಿ ರಿಹನ್ನಾ ಅವರ ಹಾಡು ಕೂಡ ನಾಮನಿರ್ದೇಶನಗೊಂಡಿತ್ತು. ಬೆಸ್ಟ್ ಓರಿಜನಲ್ ಸಾಂಗ್ ವಿಭಾಗದಲ್ಲಿ ಆರ್‌ಆರ್‌ಆರ್ ಪ್ರಶಸ್ತಿ ಗೆಲ್ಲುತ್ತಿದ್ದಂತೆ ಪಾಪ್ ಸಿಂಗರ್ ರಿಹನ್ನಾ (Rihanna) ಅವರು ತಮ್ಮ ಸಂಗಾತಿ ಎಎಸ್ಎಪಿ ರಾಕಿ ಜತೆಗೂಡಿ, ಆರ್‌ಆರ್‌ಆರ್ ಟೀಂ ಕುಳಿತಿದ್ದ ಟೇಬಲ್‌ನತ್ತ ತೆರಳಿ ಕೈ ಬೀಸಿ, ಗಾಳಿಯಲ್ಲಿ ಮುತ್ತು ಕೊಟ್ಟು ಅಭಿನಂದಿಸಿದ್ದಾರೆ. ಈ ವಿಡಿಯೊವನ್ನು ಹಾಲಿವುಡ್ ರಿಪೋರ್ಟರ್ ಕ್ರಿಶ್ ಗಾರ್ಡರ್ನರ್ ಅವರು ಟ್ವಿಟರ್‌ನಲ್ಲಿ ಶೇರ್ ಮಾಡಿಕೊಂಡಿದ್ದರು. ಇದೀಗ ಗಾಯಕಿಯ ಈ ನಡೆಯನ್ನು ಆಕೆಯ ಅಭಿಮಾನಿಗಳು ಶ್ಲಾಘಿಸಿದ್ದಾರೆ.
ನಾಟು ನಾಟು ಹಾಡಿನ ಜತೆ ರಿಹನ್ನಾ ಅವರ ʻʻಲಿಫ್ಟ್ ಮಿ ಅಪ್ ಫ್ರಮ್ ಬ್ಲ್ಯಾಕ್ ಪ್ಯಾಂಥರ್: ವಕಾಂಡಾ ಫಾರೆವರ್ʼʼ, ʻʻಲೇಡಿ ಗಾಗಾಸ್ ಹೋಲ್ಡ್ ಮೈ ಹ್ಯಾಂಡ್ʼʼ ಟಾಪ್ ಗನ್: ಮಾವೆರಿಕ್, ʻ ಗಿಲ್ಲೆರ್ಮೊ ಡೆಲ್ ಟೊರೊ ಅವರ ʻಅಲೆಕ್ಸಾಂಡ್ರೆ ಡೆಸ್ಪ್ಲಾಟ್‌ನ ಸಿಯಾವೊ ಪಾಪಾʼʼ,ಟೇಲರ್ ಸ್ವಿಫ್ಟ್‌ನ ಕ್ಯಾರೊಲಿನಾ ಫ್ರಮ್ ದ ಕ್ರಾಡಾಡ್ಸ್ ಸಿಂಗ್ ನಾಮನಿರ್ದೇಶನಗೊಂಡಿದ್ದವು.
ಇದನ್ನೂ ಓದಿ: Oscars 2023: ಆಸ್ಕರ್‌ನಲ್ಲಿ ʻನಾಟು ನಾಟುʼ ಗೆಲ್ಲಬೇಕು; ಎ ಆರ್ ರೆಹಮಾನ್
ಇದೀಗ ರಿಹನ್ನಾ ಅವರ ಲಿಫ್ಟ್ ಮಿ ಅಪ್ ಆಸ್ಕರ್‌ ಸ್ಪರ್ಧೆಯಲ್ಲಿದೆ. ಈ ಬಾರಿ ರಿಹನ್ನಾ ಅವರು ಟ್ರೋಫಿಯನ್ನು ಪಡೆಯಲಿದ್ದಾರಾ ಎಂದು ಅವರ ಅಭಿಮಾನಿಗಳು ಕಮೆಂಟ್‌ ಮೂಲಕ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ನಾಟು ನಾಟು ಜತೆ ಮತ್ತೆ ಕಣಕ್ಕೆ ಇಳಿಯಲಿದ್ದಾರಾ ಎಂಬ ಕುತೂಹಲ ಅವರ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ.