ಈ ವಾರ ಹಲವಾರು ಚಿತ್ರಗಳು ಚಿತ್ರಮಂದಿರಗಳಲ್ಲಿ (Latest OTT Releases This Week) ಹಾಗೂ ಒಟಿಟಿಯಲ್ಲಿ ಲಗ್ಗೆ ಇಡುತ್ತಿವೆ. ಈ ವಾರ (ಜೂನ್ 29) ಬಿಡುಗಡೆಯಾಗುತ್ತಿರುವ ಸಿನಿಮಾಗಳ ಬಗ್ಗೆ ಮಾಹಿತಿ ಇಲ್ಲಿದೆ. ಈ ವಾರ ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಆಡ್ವಾಣಿ ಅಭಿನಯದ ʻಸತ್ಯಪ್ರೇಮ್ ಕಿ ಕಥಾʼ ಕೂಡ ರಿಲೀಸ್ ಆಗಿದೆ.
‘ಸತ್ಯಪ್ರೇಮ್ ಕಿ ಕಥಾ’ ಸಿನಿಮಾ
‘ಸತ್ಯಪ್ರೇಮ್ ಕಿ ಕಥಾ’ ಸಿನಿಮಾಗೆ ಎರಡು ದಿನಗಳ ಹಿಂದೆ ಬುಕ್ಕಿಂಗ್ ಶುರುವಾಯಿತು. ಜೂನ್ 29ರಂದು ಸಿನಿಮಾ ಬಿಡುಗಡೆಯಾಗಿದೆ. ಕಿಯಾರಾ ಆಡ್ವಾಣಿ ಮತ್ತು ಕಾರ್ತಿಕ್ ಆರ್ಯನ್ ಅವರ ಹಿಟ್ ಕಾಂಬಿನೇಷನ್ ಈ ಸಿನಿಮಾದಲ್ಲಿ ಇರುವುದರಿಂದ ಅಭಿಮಾನಿಗಳಿಗೆ ನಿರೀಕ್ಷೆ ಮನೆ ಮಾಡಿದೆ. ಮೀಡಿಯಂ ಬಜೆಟ್ನಲ್ಲಿ ಈ ಸಿನಿಮಾ ತಯಾರಾಗಿದೆ. ಹಾಗಾಗಿ ಒಂದು ಹಂತದ ಕಲೆಕ್ಷನ್ ಮಾಡಿದರೂ ಕೂಡ ನಿರ್ಮಾಪಕರಿಗೆ ಲಾಭ ಆಗಲಿದೆ. ಬುಕ್ಕಿಂಗ್‌ಗೆ ಜನರಿಂದ ಉತ್ತಮ ರೆಸ್ಪಾನ್ಸ್ ಸಿಗುತ್ತಿದೆ.
ಮೂಲಗಳ ಪ್ರಕಾರ, ‘ಸತ್ಯಪ್ರೇಮ್ ಕಿ ಕಥಾ’ ಚಿತ್ರದ 40 ಸಾವಿರಕ್ಕೂ ಅಧಿಕ ಟಿಕೆಟ್ಗಳು ಬುಕ್ ಆಗಿವೆ. ಪಿವಿಆರ್, ಐನಾಕ್ಸ್ ಮತ್ತು ಸಿನಿಪೊಲಿಸ್ ಮಲ್ಟಿಪ್ಲೆಕ್ಸ್ಗಳಲ್ಲಿ ಈ ಸಿನಿಮಾದ ಅಡ್ವಾನ್ಸ್ ಬುಕಿಂಗ್ಗೆ ಜನರು ಆಸಕ್ತಿ ತೋರಿಸುತ್ತಿದ್ದಾರೆ. ಅದರ ಆಧಾರದ ಮೇಲೆ ಮೊದಲ ದಿನ ಅಂದಾಜು 8ರಿಂದ 10 ಕೋಟಿ ರೂಪಾಯಿ ಕಲೆಕ್ಷನ್ ಆಗಬಹುದು ಎಂದು ಲೆಕ್ಕಾಚಾರ ಹಾಕಲಾಗಿದೆ.
ಲಸ್ಟ್ ಸ್ಟೋರಿಸ್‌ 2
ಲಸ್ಟ್ ಸ್ಟೋರೀಸ್ 2 ನಾಲ್ಕು ಭಾಗಗಳಲ್ಲಿ ಬರಲಿದ್ದು, ನೆಟ್‌ಫ್ಲಿಕ್ಸ್ ಇಂಡಿಯಾದ ಎಮ್ಮಿ ನಾಮನಿರ್ದೇಶಿತ ಸರಣಿ ಲಸ್ಟ್ ಸ್ಟೋರೀಸ್ (2018)ನ ಮುಂದಿನ ಭಾಗವಾಗಿದೆ. ಇದನ್ನು ರೋನಿ ಸ್ಕ್ರೂವಾಲಾ ಅವರ ಆರ್‌ಎಸ್‌ವಿಪಿ ಫಿಲ್ಮ್ಸ್ ಮತ್ತು ಆಶಿ ದುವಾ ಅವರ ಫ್ಲೈಯಿಂಗ್ ಯುನಿಕಾರ್ನ್ ಎಂಟರ್‌ಟೈನ್‌ಮೆಂಟ್ ನಿರ್ಮಿಸಿದೆ. ತಮನ್ನಾ ಭಾಟಿಯಾ, ವಿಜಯ್ ವರ್ಮಾ, ಅಮೃತಾ ಸುಭಾಷ್, ನೀನಾ ಗುಪ್ತಾ, ಅಂಗದ್ ಬೇಡಿ ಮತ್ತು ಮೃಣಾಲ್ ಠಾಕೂರ್ ಕೂಡ ನಟಿಸಿದ್ದಾರೆ. ಲಸ್ಟ್ ಸ್ಟೋರೀಸ್ 2 ಜೂನ್ 29 ರಂದು ನೆಟ್‌ಫ್ಲಿಕ್ಸ್ ಇಂಡಿಯಾದಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: Bastar Movie: `ದಿ ಕೇರಳ ಸ್ಟೋರಿ’ ತಂಡದಿಂದ ಹೊಸ ಸಿನಿಮಾ ಅನೌನ್ಸ್‌!
ನೈಟ್ ಮ್ಯಾನೇಜರ್‌ 2
ಆದಿತ್ಯ ರಾಯ್ ಕಪೂರ್, ಅನಿಲ್ ಕಪೂರ್ ಮತ್ತು ಶೋಭಿತಾ ಧೂಳಿಪಾಲ ಅಭಿನಯದ ದಿ ನೈಟ್ ಮ್ಯಾನೇಜರ್‌ನ ಭಾಗ 2 ಈ ವಾರ ಬಿಡುಗಡೆಯಾಗಲಿದೆ. ಬಿಗ್ ಬಜೆಟ್ ವೆಬ್ ಸೀರಿಸ್, ಡಿಸ್ನಿ ಪ್ಲಸ್ ಹಾಟ್ ಸ್ಪಾರ್ಟ್ನಲ್ಲಿ ಸ್ಟ್ರೀಮ್ ಆಗಲಿದೆ. ಈ ಸೀರಿಸ್ ಜೂನ್ 30 ರಂದು ಸ್ಟ್ರೀಮ್ ಆಗಲಿದೆ. ನೌಕಾಪಡೆಯ ಮಾಜಿ ಅಧಿಕಾರಿ ಶಾನ್ ಸೇನ್ ಗುಪ್ತಾ ಅವರ ಸುತ್ತ ಕಥೆ ಸುತ್ತುತ್ತದೆ.
ಸೆಲೆಬ್ರಿಟಿ
ಈ ವಾರದ ಬಹು ನಿರೀಕ್ಷಿತ ಕೆ-ಡ್ರಾಮಾ ಥ್ರಿಲ್ಲರ್ ಸಿರೀಸ್‌ ಸೆಲೆಬ್ರಿಟಿ ಸಿನಿಮಾವಾಗಿದೆ. ಪಾರ್ಕ್ ಗ್ಯು ಯಂಗ್, ಕಾಂಗ್ ಮಿನ್ ಹ್ಯುಕ್ ಮತ್ತು ಲೀ ಚುಂಗ್ ಆಹ್ ಮುಂತಾದವರು ನಟಿಸಿದ್ದಾರೆ. ಹೊಸ ವರ್ಗದ ಸಾಮಾಜಿಕ ಮಾಧ್ಯಮದ ಪ್ರಭಾವಿಗಳು ಮತ್ತು ಅವರಂತೆಯೇ ಇರಲು ಬಯಸುವವರ ಸುತ್ತ ಕಥೆ ಸುತ್ತುತ್ತದೆ. ಜೂನ್ 30ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.
ದಿ ವಿಚರ್ ಸೀಸನ್ 3
ದಿ ವಿಚರ್ ನ 3ನೇ ಸೀಸನ್ ಜೂನ್ 29 ರಂದು ಬಿಡುಗಡೆಯಾಗಲಿದ್ದು, ಹಾಲಿವುಡ್ ನಟ ಹೆನ್ರಿ ಕ್ಯಾವಿಲ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೆರಾಲ್ಟ್ ಆಫ್ ರಿವಿಯಾ ಪಾತ್ರ ಈ ಸೀರಿಸ್ನಲ್ಲಿ ಕೊನೆಗೊಳ್ಳುತ್ತದೆ ಎನ್ನಲಾಗಿದೆ. ಇತ್ತೀಚೆಗಷ್ಟೇ ನೆಟ್ಫಿಕ್ಸ್ ಅಧಿಕೃತ ಟ್ರೈಲರ್‌ ರಿಲೀಸ್ ಆಗಿತ್ತು.
ಇದನ್ನೂ ಓದಿ: Ghajini Actress Asin: ʻಗಜನಿʼ ಸಿನಿಮಾ ಖ್ಯಾತಿಯ ನಟಿ ಆಸಿನ್ ವೈವಾಹಿಕ ಬದುಕಿನಲ್ಲಿ ಬಿರುಕು!
ಅಫ್ವಾ
ಅಫ್ವಾ ಸುಧೀರ್ ಮಿಶ್ರಾ ಬರೆದು ನಿರ್ದೇಶಿಸಿದ ಮಿಸ್ಟರಿ ಥ್ರಿಲ್ಲರ್ ಸಿನಿಮಾ ಆಗಿದೆ. ಬನಾರಸ್ ಮೀಡಿಯಾ ವರ್ಕ್ಸ್ ಮತ್ತು ಟಿ-ಸೀರೀಸ್ ಫಿಲ್ಮ್ಸ್ ಬ್ಯಾನರ್ಗಳ ಅಡಿಯಲ್ಲಿ ಅನುಭವ್ ಸಿನ್ಹಾ ಮತ್ತು ಭೂಷಣ್ ಕುಮಾರ್ ನಿರ್ಮಿಸಿದ್ದಾರೆ. ಈ ಚಿತ್ರದಲ್ಲಿ ನವಾಜುದ್ದೀನ್ ಸಿದ್ದಿಕಿ, ಭೂಮಿ ಪೆಡ್ನೇಕರ್ ಮತ್ತು ಸುಮೀತ್ ವ್ಯಾಸ್ ನಟಿಸಿದ್ದಾರೆ. ಚಿತ್ರವು ನೆಟ್ಫಿಕ್ಸ್ ಮೂಲಕ ಜೂನ್ 30 ರಂದು ಪ್ರದರ್ಶನ ಪ್ರಾರಂಭವಾಗಲಿದೆ.