ಬೆಂಗಳೂರು: ಒಟಿಟಿಯಲ್ಲಿ ಹೊಸ ಹೊಸ ಸಿನಿಮಾ ಹಾಗೂ ವೆಬ್‌ ಸೀರಿಸ್‌ಗಳು ರಿಲೀಸ್ (Ott Release This Week) ಆಗಲು ಸಜ್ಜಾಗಿದೆ. ಈ ವಾರ ಥಿಯೇಟರ್‌ನಲ್ಲಿ ಕನ್ನಡದ ‘ತತ್ಸಮ ತದ್ಭವ’ ಹಾಗೂ ತಮಿಳಿನ ‘ಮಾರ್ಕ್ ಆಂಟನಿ’ ಸಿನಿಮಾಗಳು ರಿಲೀಸ್ ಆಗುತ್ತಿವೆ. ಸದ್ಯ ಬಾಕ್ಸಾಫೀಸ್‌ನಲ್ಲಿ ‘ಜವಾನ್’, ‘ಸಪ್ತ ಸಾಗರದಾಚೆ ಎಲ್ಲೋ’ ಸಿನಿಮಾಗಳ ಆಟ ಮುಮದುವರಿದಿದೆ. ಈ ವಾರ ಸೂಪರ್‌ ಹಿಟ್ ಸಿನಿಮಾಗಳ ಜತೆಗೆ ಫ್ಲಾಪ್ ಸಿನಿಮಾಗಳು ಎಂಟ್ರಿ ಕೊಟ್ಟಿವೆ.
ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ
ʻಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆʼ (Hostel Hudugaru Bekagiddare) ಸಿನಿಮಾ ಕನ್ನಡದಲ್ಲಿ ಸಕ್ಸೆಸ್‌ ಕಂಡು ತೆಲುಗಿನತ್ತ ಹೆಜ್ಜೆ ಹಾಕಿ ಅಲ್ಲಿಯೂ ಉತ್ತಮ ಪ್ರದರ್ಶನ ಕಾಣುತ್ತಿದೆ. ತೆಲುಗಿನಲ್ಲಿ ‘ಬಾಯ್ಸ್ ಹಾಸ್ಟೆಲ್’ ಟೈಟಲ್‌ ಅಡಿಯಲ್ಲಿ ರಿಲೀಸ್ ಆಗಿತ್ತು. ಇದೀಗ ಸಿನಿಮಾ ಸೆಪ್ಟೆಂಬರ್ 15ರಂದು ಒಟಿಟಿಗೆ ಬರುತ್ತಿದೆ. ಸಿನಿಮಾ ಈ ವಾರ ಜೀ5ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ. ಸಿನಿಮಾ ಇತ್ತೀಚೆಗೆ 50 ದಿನ ಪೂರೈಸಿತ್ತು.
ಭೋಳಾ ಶಂಕರ್
2015ರಲ್ಲಿ ತಮಿಳಿನಲ್ಲಿ ತೆರೆ ಕಂಡು ಸೂಪರ್‌ ಹಿಟ್ ಆಗಿದ್ದ ವೇದಾಲಂ ಸಿನಿಮಾದ ರೀಮೆಕ್‌ ಈ ಬೋಳಾ ಶಂಕರ್. ಈ ಸಿನಿಮಾಗೆ 101 ಕೋಟಿ ಬಂಡವಾಳ ಹಾಕಲಾಗಿತ್ತು ಎನ್ನಲಾಗಿದೆ. ಸೆಪ್ಟೆಂಬರ್ 15ಕ್ಕೆ ತೆಲುಗಿನ ‘ಭೋಳಾ ಶಂಕರ್’ ಸಿನಿಮಾ ನೆಟ್‌ಫ್ಲಿಕ್ಸ್‌ಗೆ ಬರುತ್ತಿದೆ. .ಈ ಸಿನಿಮಾ ತೆಲುಗಿನಲ್ಲಿ ಹೀನಾಯವಾಗಿ ಸೋಲುಂಡಿತ್ತು. ಮೆಹರ್ ರಮೇಶ್ ನಿರ್ದೇಶನದ ಚಿತ್ರದಲ್ಲಿ ಚಿರಂಜೀವಿ, ತಮನ್ನಾ, ಕೀರ್ತಿ ಸುರೇಶ್ ಲೀಡ್‌ ರೋಲ್‌ಗಳಲ್ಲಿ ನಟಿಸಿದ್ದರು.
ಇದನ್ನೂ ಓದಿ: OTT Releases This Week: ಈ ವಾರ ಒಟಿಟಿಗೆ ಹಲವು ಸಿನಿಮಾಗಳು, ಸಿರೀಸ್‌ಗಳು; ಇಲ್ಲಿದೆ ಡಿಟೇಲ್ಸ್‌!
ರಾಮಬಾಣಂ
ಸೆ. 14ರಂದು ಗೋಪಿಚಂದ್ ನಟನೆಯ ‘ರಾಮಬಾಣಂ’ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಫ್ಯಾಮಿಲಿ ಆಕ್ಷನ್ ಎಂಟರ್‌ಟೈನರ್ ಆಗಿದ್ದು ಶಿವಾಸ್ ಆಕ್ಷನ್ ಕಟ್ ಹೇಳಿದ್ದಾರೆ. ಜಗಪತಿ ಬಾಬು, ಖುಷ್ಬು ಮುಖ್ಯಭೂಮಿಕೆಯಲ್ಲಿ ನಟಿಸಿರುವ ಈ ಚಿತ್ರದಲ್ಲಿ ಡಿಂಪಲ್ ಹಯಾತಿ ನಾಯಕಿಯಾಗಿ ಮಿಂಚಿದ್ದಾರೆ.
ಬಾರ್ಬಿ
ಇತ್ತೀಚಿನ ಹಾಲಿವುಡ್ ಚಿತ್ರ, ಕ್ರಿಸ್ಟೋಫರ್ ನೋಲನ್ ಅವರ ಒಪೆನ್‌ಹೈಮರ್‌ ಜತೆಗೆ ಸ್ಪರ್ಧೆಗೆ ಇಳಿದಿತ್ತು. ಅದರ ಹೊರತಾಗಿಯೂ ಬಾಕ್ಸ್ ಆಫೀಸ್‌ನಲ್ಲಿ ಅದ್ಭುತ ಬ್ಲಾಕ್‌ಬಸ್ಟರ್ ಆಯಿತು. ಸೆಪ್ಟೆಂಬರ್ 12 ಅಮೇಜಾನ್‌ ಪ್ರೈಂನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಚಂದಾದಾದರು ಹಣ ಪಾವತಿಸಿ ವೀಕ್ಷಿಸಬಹುದು. ಮುಂದಿನ ವಾರ ಎಲ್ಲರಿಗೂ ವೀಕ್ಷಿಸುವ ಅವಕಾಶ ಸಿಗಲಿದೆ.
`ಬಾಂಬೈ ಮೇರಿ ಜಾನ್’
ದರೋಡೆಕೋರ ದಾರಾ ಕದ್ರಿಯ ಕಥೆ. ವೆಬ್‌ ಸಿರೀಸ್‌ನಲ್ಲಿ ಕೃತಿಕಾ ಕಮ್ರಾ, ನಿವೇದಿತಾ ಭಟ್ಟಾಚಾರ್ಯ ಮತ್ತು ಅಮೈರಾ ದಸ್ತೂರ್ ಪ್ರಮುಖ ಪಾತ್ರಗಳಲ್ಲಿ ಕೇ ಕೇ ಮೆನನ್ ಮತ್ತು ಅವಿನಾಶ್ ತಿವಾರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.