ಮುಂಬೈ: ಬಾಲಿವುಡ್‌ ನಟಿ ಪರಿಣಿತಿ ಚೋಪ್ರಾ (Parineeti Chopra) ಇತ್ತೀಚೆಗಷ್ಟೇ ಆಮ್‌ ಆದ್ಮಿ ಪಕ್ಷದ ಸಂಸದ ರಾಘವ್‌ ಛಡ್ಡಾ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಅದರ ಬೆನ್ನಲ್ಲೇ ನಟಿ ಇದೀಗ ಗಾಯಕಿಯಾಗಿಬಿಟ್ಟಿದ್ದಾರೆ. ತು ಜೂಮ್‌ ಜೂಮ್‌ ಎನ್ನುತ್ತಾ ಹಾಡುತ್ತಿರುವ ಪರಿಣಿತಿಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್‌ ಸದ್ದು ಮಾಡುತ್ತಿದೆ.
ಕೋಕ್‌ ಸ್ಟುಡಿಯೋ ಸೀಸನ್‌ 14ರ ತು ಜೂಮ್‌ ಹಾಡನ್ನು ನಟಿ ಹಾಡಿದ್ದಾರೆ. ಪಾಕಿಸ್ತಾನಿ ಗಾಯಕರಾದ ನಸೀಬೋ ಲಾಲ್‌ ಮತ್ತು ಅಬಿದಾ ಪರ್ವೀನ್‌ ಅವರು ಹಾಡಿರುವ ಈ ಹಾಡು 2022ರಲ್ಲಿ ಬಿಡುಗಡೆಯಾಗಿತ್ತು. ಹಾಡನ್ನು ನಟಿ ತನ್ನ ಇಷ್ಟದ ಹಾಡು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Viral Video : ಸ್ಕೂಟರ್‌ನಲ್ಲೇ ಲಿಪ್‌ ಲಾಕ್‌! ಇದು ಹುಡುಗ-ಹುಡುಗಿ ಕಥೆಯಲ್ಲ, ಇಬ್ಬರು ಹುಡುಗರ ಕಥೆ!
ತಾನು ಹಾಡು ಹಾಡಿರುವ ವಿಡಿಯೊವನ್ನು ಬ್ಲಾಕ್‌ ಅಂಡ್‌ ವೈಟ್‌ ರೀತಿಯಲ್ಲಿ ಎಡಿಟ್‌ ಮಾಡಿ ಹಂಚಿಕೊಂಡಿರುವ ನಟಿ “ಕೆಲವೊಮ್ಮೆ ಅತ್ಯುತ್ತಮ ಕ್ಷಣಗಳು ಸ್ವಯಂಪ್ರೇರಿತವಾಗಿ ಸಂಭವಿಸುತ್ತವೆ. ಡಬ್ಬಿಂಗ್ ಸ್ಟುಡಿಯೋಗೆ ಹೋದಾಗ ನನ್ನ ಸಾರ್ವಕಾಲಿಕ ನೆಚ್ಚಿನ ಹಾಡುಗಳಲ್ಲಿ ಒಂದನ್ನು ಹಾಡದೇ ಇರಲು ಸಾಧ್ಯವಾಗಲಿಲ್ಲ” ಎಂದು ಬರೆದುಕೊಂಡಿದ್ದಾರೆ. ನಟಿ ಹಂಚಿಕೊಂಡ ಈ ಪೋಸ್ಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ನಟಿಯ ವಿಡಿಯೊಗೆ ಹಿರಿಯ ನಟ ಅನುಪಮ್ ಖೇರ್‌ ಸೇರಿ ಅನೇಕರು ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಅನುಪಮ್ ಖೇರ್‌ ಅವರು “ಬ್ಯೂಟಿಫುಲ್‌” ಎಂದು ಹೇಳಿದ್ದು, ಹಾರ್ಟ್‌ ಇಮೋಜಿ ಕೊಟ್ಟಿದ್ದಾರೆ. ಸಿಮಿ ಗರೆವಾಲ್‌ ಕೂಡ ಕಾಮೆಂಟ್‌ ಮಾಡಿದ್ದು, “ಸೂಪರ್‌! ನನಗೂ ಇಷ್ಟು ಚೆನ್ನಾಗಿ ಹಾಡುವುದಕ್ಕೆ ಬರಬೇಕಿತ್ತ” ಎಂದು ಹೇಳಿದ್ದಾರೆ. ಪರಿಣಿತಿ ಅವರ ಅಭಿಮಾನಿಗಳಂತೂ ಹಲವಾರು ರೀತಿಯಲ್ಲಿ ವಿಡಿಯೊಗೆ ಕಾಮೆಂಟ್‌ಗಳ ಸುರಿಮಳೆ ಸುರಿಸಿದ್ದಾರೆ.
ಇದನ್ನೂ ಓದಿ: Viral Video: ಹೊಸ ಡಾಂಬರು ರಸ್ತೆಯನ್ನು ಬರಿಗೈಯಲ್ಲಿ ಎತ್ತಿ ಹಿಡಿದ ಗ್ರಾಮಸ್ಥರು; ಜರ್ಮನ್ ತಂತ್ರಜ್ಞಾನವಂತೆ!
ಪರಿಣಿತಿ ಚೋಪ್ರಾ ಮತ್ತು ರಾಘವ್‌ ಛಡ್ಡಾ ಅವರು ಮೇ 13ರಂದು ನಿಶ್ಚಿತಾರ್ಥ ಮಾಡಿಕೊಂಡರು. ನವದೆಹಲಿಯ ಕಪುರ್ತಲಾ ಹೌಸ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಇಬ್ಬರ ಕುಟುಂಬಗಳು ಹಾಗೂ ಆಪ್ತ ಸ್ನೇಹಿತರು ಭಾಗಿಯಾಗಿದ್ದರು. ಸದ್ಯದಲ್ಲೇ ಈ ಜೋಡಿ ಹಸೆಮಣೆ ಏರಲು ಸಿದ್ಧತೆ ನಡೆಸಿಕೊಳ್ಳುತ್ತಿದೆ.