ಬೆಂಗಳೂರು : ಬಾಲಿವುಡ್‌ ನಟ ಶಾರುಖ್ ಖಾನ್‌-ದೀಪಿಕಾ ಪಡುಕೋಣೆ ಅಭಿನಯದ ʻಪಠಾಣ್‌ʼ ಸಿನಿಮಾ (Pathaan Film) ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಇದರ ಬೆನ್ನಲ್ಲೇ ಇಂಡೋನೇಷ್ಯಾ ನೃತ್ಯ ಗುಂಪೊಂದು ʻಜೂಮ್ ಜೋ ಪಠಾಣ್‌ʼ ಹಾಡಿಗೆ ಸಖತ್‌ ಸ್ಟೆಪ್ಸ್‌ ಹಾಕಿರುವ ವಿಡಿಯೊ ವೈರಲ್‌ ಆಗಿದೆ.
ಇಂಡೋನೇಷ್ಯಾ ನೃತ್ಯ ಗುಂಪೊಂದು ʻಜೂಮ್ ಜೋ ಪಠಾಣ್‌ʼ ಡ್ಯಾನ್ಸ್‌ ಅನ್ನು ಸಂಪೂರ್ಣ ಟ್ರ್ಯಾಕ್‌ನೊಂದಿಗೆ ಬಿಡುಗಡೆಗೊಳಿಸಿದೆ. ಮೂಲ ಹಾಡಿನಲ್ಲಿರುವಂತೆಯೇ ಸೆಟ್‌ ಹಾಗೂ ಕಾಸ್ಟ್ಯೂಮ್‌ಗಳನ್ನು ಬಳಸಿಕೊಂಡಿದ್ದಾರೆ. ವಿಡಿಯೊ ನೋಡಿ ನೋಡುಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ವಿಡಿಯೊ 3 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಕಂಡಿದೆ. ʻʻವಾಹ್, ಅದು ಅದ್ಭುತವಾಗಿದೆ. ವೇಷಭೂಷಣಗಳು, ಸ್ಥಳ, ಎಲ್ಲವೂ ಅಕ್ಷರಶಃ ಸೇಮ್‌ ಇದೆʼʼಎಂದು ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ | Pathaan Film | ಧಾರವಾಡದಲ್ಲಿ ಪಠಾಣ್‌ ಸಿನಿಮಾ ಪ್ರದರ್ಶನಕ್ಕೆ ಆಕ್ಷೇಪ: ಪೋಸ್ಟರ್‌ ಹರಿದು ಪ್ರತಿಭಟಿಸಿದ ಹಿಂದು ಕಾರ್ಯಕರ್ತರು
ಚಿತ್ರದ ಮೊದಲ ಹಾಡು ʻಬೇಷರಮ್ ರಂಗ್ʼ ವಿವಾದ ಮಾಡುತ್ತಿರುವ ನಡುವೆ ʻಜೂಮ್ ಜೋ ಪಠಾಣ್‌ ಹಾಡು ಸಖತ್‌ ಸೌಂಡ್‌ ಮಾಡಿತ್ತು. ಶಾರುಖ್ ರಗಡ್ ಲುಕ್‌ನಲ್ಲಿ ಕಾಣಿಸಿಕೊಂಡರೆ, ದೀಪಿಕಾ ಪಡುಕೋಣೆ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಹಾಡಿಗೆ ನೋಡುಗರಿಂದ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿತ್ತು. ಈ ಹಾಡನ್ನು ಯುರೋಪ್ನ ದೇಶಗಳಲ್ಲಿ ಚಿತ್ರೀಕರಿಸಲಾಗಿದೆ. ಕಾಸ್ಟ್ಯೂಮ್‌ಗಳು ಕೂಡ ಆಕರ್ಷಕವಾಗಿದ್ದು, ಅರಿಜಿತ್ ಸಿಂಗ್ ಹಾಡಿದ್ದಾರೆ. ಜನವರಿ 25, 2023ಕ್ಕೆ ಚಿತ್ರ ಬಿಡುಗಡೆಗೊಳ್ಳುತ್ತಿದೆ. ಹಿಂದಿ, ತಮಿಳು ಮತ್ತು ತೆಲುಗಿನಲ್ಲಿ ರಿಲೀಸ್‌ ಆಗುತ್ತಿರುವುದಾಗಿ ಚಿತ್ರ ತಂಡ ಹಂಚಿಕೊಂಡಿದೆ.
ಇದನ್ನೂ ಓದಿ | Pathaan Film | ʻಪಠಾಣ್‌ʼ ಮಹತ್ವಾಕಾಂಕ್ಷೆಯ ಚಿತ್ರ, ನನಗೆ ನನ್ನ ಸಿನಿಮಾ ಮೇಲೆ ಮಾತ್ರ ಗಮನ: ರಾಜ್‌ಕುಮಾರ್ ಸಂತೋಷಿ!