ಮುಂಬೈ: ಬಾಲಿವುಡ್‌ ನಟ ಶಾರುಖ್ ಖಾನ್ ನಟಿಸಿರುವ ʼಪಠಾಣ್‌ʼ ಸಿನಿಮಾ (Pathaan Movie) ಬುಧವಾರ ತೆರೆ ಕಾಣಲಿದೆ. ನಾಲ್ಕು ವರ್ಷಗಳ ನಂತರ ಶಾರುಖ್ ತೆರೆ ಮೇಲೆ ಕಾಣಿಸಿಕೊಳ್ಳುತ್ತಿರುವುದರಿಂದ ಅಭಿಮಾನಿಗಳಿಗೆ ಸಿನಿಮಾ ಬಗ್ಗೆ ಹೆಚ್ಚಿನ ಕುತೂಹಲವಿದೆ. ಸಿನಿಮಾದ ʼಬೇಷರಮ್‌ ರಂಗ್‌ʼ ಹಾಡು ವಿವಾದಕ್ಕೆ ಈಡಾಗಿದ್ದರಿಂದಾಗಿ ಸಿನಿಮಾ ಬಗ್ಗೆ ಭಾರೀ ಚರ್ಚೆಗಳೂ ನಡೆಯುತ್ತಿವೆ. ಇದೇ ವೇಳೆ, ಬಿಡುಗಡೆಗೂ ಮೊದಲೇ ಸಿನಿಮಾ ಆನ್ಲೈನ್ನಲ್ಲಿ ಲೀಕ್ ಆಗಿರುವುದಾಗಿ ಕೆಲವು ವೆಬ್‌ಸೈಟ್‌ಗಳು ಹೇಳಿಕೊಂಡಿವೆ. ಆದರೆ, ಫ್ಯಾಕ್ಟ್‌ಚೆಕ್‌ನಲ್ಲಿ (Fact Check) ಸಿನಿಮಾ ಲೀಕ್ ಆಗಿಲ್ಲ ಎಂಬುದು ಗೊತ್ತಾಗಿದೆ.
ಇದನ್ನೂ ಓದಿ: Pathaan Movie: ರಾಮ್ ಚರಣ್ ಕರೆದುಕೊಂಡು ಹೋದರೆ `ಪಠಾಣ್‌’ ವೀಕ್ಷಿಸಲು ಬರುತ್ತೇನೆ ಎಂದ ಶಾರುಖ್!
ಸಿನಿಮಾಗಳನ್ನು ಲೀಕ್ ಮಾಡಲೆಂದೇ ಇರುವ ತಮಿಳ್‌ರಾಕರ್ಸ್‌, ಫಿಲ್ಮಿಮಿ4ವ್ಯಾಪ್‌, ಫಿಲ್ಮಿಜಿಲ್ಲಾ, ಎಂಪಿ4ಮೂವಿಸ್‌, ಪಾಗಲ್‌ವರ್ಲ್ಡ್‌, ವೆಗಾಮೂವಿಸ್‌ ಅವರು ಪಠಾಣ್‌ ಸಿನಿಮಾ ತಮ್ಮ ಬಳಿ ಇರುವುದಾಗಿ ಹೇಳಿಕೊಂಡಿವೆ. ಸಿನಿಮಾ ಬಿಡುಗಡೆಗೂ ಮೊದಲೇ ತಾವು ಸಿನಿಮಾ ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡಿವೆ.
ಈ ವಿಚಾರವಾಗಿ ʼಟೈಮ್ಸ್‌ ನೌʼ ಸಂಸ್ಥೆ ಫ್ಯಾಕ್ಟ್‌ ಚೆಕ್‌ ಮಾಡಿದೆ. ಇದುವರೆಗೆ ಪಠಾಣ್‌ ಸಿನಿಮಾ ಲೀಕ್ ಆಗಿಲ್ಲ ಎನ್ನುವ ಸತ್ಯಾಂಶವು ಫ್ಯಾಕ್ಟ್‌ ಚೆಕ್‌ನಿಂದ ಹೊರಬಿದ್ದಿದೆ. ಸಿನಿಮಾ ಯಶಸ್ಸಿಗೆ ಅಡ್ಡಿಯುಂಟು ಮಾಡುವ ನಿಟ್ಟಿನಲ್ಲಿ ಈ ರೀತಿ ಸುಳ್ಳು ಸುದ್ದಿ ಹಬ್ಬಿಸಲಾಗಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: Pathaan Movie: ಅಭಿಮಾನಿಗಳ ಜತೆ ಥಿಯೇಟರ್‌ನಲ್ಲಿ ʻಪಠಾಣ್‌ʼ ವೀಕ್ಷಿಸಲಿದ್ದಾರಾ ಶಾರುಖ್?
ಸಿನಿಮಾದ ಬೇಷರಮ್‌ ಹಾಡಿನಲ್ಲಿ ದೀಪಿಕಾ ಅವರು ಕೇಸರಿ ಬಿಕನಿ ತೊಟ್ಟಿದ್ದರ ಬಗ್ಗೆ ಭಾರೀ ವಿವಾದ ಉಂಟಾಗಿತ್ತು. ಅದರ ಬೆನ್ನಲ್ಲೇ ಸಿನಿಮಾ ಟ್ರೇಲರ್‌ ಬಿಡುಗಡೆ ಮಾಡುವುದಕ್ಕೆ ಚಿತ್ರತಂಡ ಸಜ್ಜಾಗಿತ್ತು. ಆದರೆ ಚಿತ್ರತಂಡವು ಟ್ರೇಲರ್‌ ಬಿಡುಗಡೆ ಮಾಡುವುದಕ್ಕೂ ಮೊದಲೇ ಟ್ರೇಲರ್‌ ಲೀಕ್ ಆಗಿತ್ತು.