ಬೆಂಗಳೂರು : ಶಾರುಖ್ ಖಾನ್ ಅವರ ನಟನೆಯ ಪಠಾಣ್ (Pathaan Movie) ಜನವರಿ 25 ವಿಶ್ವಾದ್ಯಂತ ತೆರೆ ಕಂಡಿದೆ. ಬೆಳಗ್ಗೆ 6 ಗಂಟೆಯಿಂದಲೇ ಮೊದಲ ಶೋ ಪ್ರಾರಂಭಗೊಂಡಿತ್ತು. ಬೆಳಗಿನ ಜಾವದ ಪ್ರದರ್ಶನಗಳಿಗಾಗಿ ಥಿಯೇಟರ್‌ಗಳಿಗೆ ಅಪಾರ ಸಂಖ್ಯೆಯಲ್ಲಿ ಆಗಮಿಸಿದ ಅಭಿಮಾನಿಗಳು, ದೊಡ್ಡ ಪೋಸ್ಟರ್‌ಗಳು ಮತ್ತು ಕೇಕ್‌ಗಳನ್ನು ತಂದು ಪಟಾಕಿ ಸಿಡಿಸಿ ಸಂಭ್ರಮಿಸಿದ್ದರು. ಇದೀಗ ಟ್ರೇಡ್ ವಿಶ್ಲೇಷಕರ ಪ್ರಕಾರ ಪಠಾಣ್ ಸಿನಿಮಾ ಮೊದಲ ದಿನ 53 ಕೋಟಿ ರೂ.ನಿಂದ 57 ಕೋಟಿ ರೂ.ವರೆಗೆ ಕಲೆಕ್ಷನ್ ಮಾಡಿದೆ ಎಂದು ವರದಿಯಾಗಿದೆ.
ಜನವರಿ 25 ರಂದು ಬಿಡುಗಡೆಯಾದ ಪಠಾಣ್ ಬಾಕ್ಸ್ ಆಫೀಸ್‌ನಲ್ಲಿ ಬಿರುಗಾಳಿ ಎಬ್ಬಿಸಿದೆ. ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ನಟಿಸಿರುವ ಈ ಚಿತ್ರವು ಮುಂಗಡ ಬುಕ್ಕಿಂಗ್‌ನಲ್ಲಿ ದಾಖಲೆಗಳನ್ನು ಮುರಿದಿತ್ತು. ಪಠಾಣ್ ಬಾಲಿವುಡ್ ಚಿತ್ರವೊಂದರ ಅತಿ ಹೆಚ್ಚು ಪ್ರೀ-ರಿಲೀಸ್ ಟಿಕೆಟ್ ಮಾರಾಟವನ್ನು ದಾಖಲಿಸಿದೆ.
ಪಠಾಣ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಡೇ 1!
ಪಠಾಣ್ ಬಾಕ್ಸ್ ಆಫೀಸ್‌ನಲ್ಲಿ ಬಿರುಗಾಳಿ ಎಬ್ಬಿಸಿದೆ (pathaan collection day 1). ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ನಟಿಸಿರುವ ಈ ಚಿತ್ರವು ಮುಂಗಡ ಬುಕ್ಕಿಂಗ್‌ನಲ್ಲಿ ದಾಖಲೆಗಳನ್ನು ಮುರಿದಿತ್ತು. ಪಠಾಣ್ ಬಾಲಿವುಡ್ ಚಿತ್ರವೊಂದರ ಅತಿ ಹೆಚ್ಚು ಪ್ರೀ-ರಿಲೀಸ್ ಟಿಕೆಟ್ ಮಾರಾಟವನ್ನು ದಾಖಲಿಸಿದೆ. ಬಾಕ್ಸ್ ಆಫೀಸ್ ಇಂಡಿಯಾ ವರದಿ ಪ್ರಕಾರ “ಪಠಾಣ್ ಮೊದಲ ದಿನ 53-54 ಕೋಟಿ ರೂ ಕಲೆಕ್ಷನ್ ಮಾಡಿದೆ. ದಕ್ಷಿಣ ಭಾರತದಲ್ಲಿ 1.50 ಕೋಟಿ ರೂ. ನಿವ್ವಳ ಗಳಿಸಿದೆ. ದಕ್ಷಿಣದಿಂದ ಬರುತ್ತಿರುವ ಸಂಗ್ರಹಗಳು ಅಸಾಧಾರಣವಾಗಿವೆʼʼಎಂದು ವರದಿಯಾಗಿದೆ.
ಟ್ರೇಡ್ ವಿಶ್ಲೇಷಕ ರಮೇಶ್ ಬಾಲಾ ಟ್ವೀಟ್ ಮಾಡಿದ್ದು, ʻʻಭಾರತದಲ್ಲಿ ಆರಂಭಿಕ ದಿನದಲ್ಲಿ ಪಠಾಣ್ 54 ಕೋಟಿ ರೂ. ಗಳಿಸಿದೆʼʼ ಎಂದು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: Pathaan Movie: ಶಾರುಖ್ ಪೈರಸಿ ವಿರುದ್ಧ ಹೋರಾಡಲು ಮನವಿ ಮಾಡಿದ್ದರೂ ಲೀಕ್‌ ಆಯ್ತು ʻಪಠಾಣ್ʼ ಸಿನಿಮಾ!
ವ್ಯಾಪಾರ ವಿಶ್ಲೇಷಕ ತರಣ್ ಆದರ್ಶ್, ʻʻಪಠಾಣ್ ಭಾರತದಲ್ಲಿ 25 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಪಿವಿಆರ್‌, 11.40 ಕೋಟಿ ರೂ. INOX 8.75 ಕೋಟಿ ರೂ. ಸಿನಿಪೊಲಿಸ್ 4.90 ಕೋಟಿ ರೂ. ಒಟ್ಟು 25.05 ಕೋಟಿ ರೂ. ಗಳಿಕೆ ಕಂಡಿದೆ. ವಾರ್‌ ಸಿನಿಮಾ 19.67 ಕೋಟಿ ರೂ., ಥಗ್ಸ್ ಆಫ್‌ ಹಿಂದುಸ್ತಾನ್‌ 18 ಕೋಟಿ ರೂ. ಮತ್ತು ಕೆಜಿಎಫ್‌ 22.15 ಕೋಟಿ ರೂ. ಗಳಿಕೆ ಕಂಡಿತ್ತು. ಈ ಮೂರು ಸಿನಿಮಾಗಳಿಗಿಂತ ಹೆಚ್ಚು ಪಠಾಣ್ ಸಿನಿಮಾ ಕಲೆಕ್ಷನ್ ಮಾಡಿದೆʼʼ ಎಂದು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: Pathaan Movie: ಪಠಾಣ್ ವಿರೋಧಿಸಿ ಹಿಂದೂಪರ ಸಂಘಟನೆಗಳಿಂದ ತೀವ್ರ ಪ್ರತಿಭಟನೆ
ಶಾರುಖ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಹೊರತುಪಡಿಸಿ, ಅಶುತೋಷ್ ರಾಣಾ ಮತ್ತು ಡಿಂಪಲ್ ಕಪಾಡಿಯಾ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.