ಬೆಂಗಳೂರು : ಶಾರುಖ್ ಅಭಿನಯದ ಪಠಾಣ್ (Pathaan Movie) ಜನವರಿ 25 ರಂದು ಬಿಡುಗಡೆಯಾಗಿದೆ. ನಾಲ್ಕು ವರ್ಷಗಳ ನಂತರ ತಮ್ಮ ನೆಚ್ಚಿನ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಅವರನ್ನು ಮತ್ತೆ ಥಿಯೇಟರ್‌ನಲ್ಲಿ ನೋಡಲು ಅಭಿಮಾನಿಗಳು ತುಂಬ ಉತ್ಸುಕರಾಗಿದ್ದರು. ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ನಟಿಸಿದ್ದಾರೆ. ಅದರ ಬಿಡುಗಡೆಗೆ ಮುಂಚಿತವಾಗಿ, ಪೈರಸಿ ವಿರುದ್ಧ ಹೋರಾಡಲು ಅಭಿಮಾನಿಗಳನ್ನು ಒತ್ತಾಯಿಸುವ ವಿಡಿಯೊಗಳನ್ನು ತಂಡವು ಹಂಚಿಕೊಂಡಿದೆ. ಇದರ ಹೊರತಾಗಿಯೂ, ಪಠಾಣ್ ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿದೆ ಎಂದು ಆರೋಪಿಸಲಾಗಿದೆ. ಹೀಗಿದ್ದಾಗ್ಯೂ, ಅಭಿಮಾನಿಗಳು ಇನ್ನೂ ಹೆಚ್ಚಿನ ಸಂಖ್ಯೆಯಲ್ಲಿ ಚಿತ್ರಮಂದಿರಗಳಿಗೆ ಭೇಟಿ ನೀಡುತ್ತಿದ್ದಾರೆ.
ಆನ್‌ಲೈನ್‌ನಲ್ಲಿ ಲೀಕ್‌ ಆಯ್ತಾ ಪಠಾಣ್?
ಶಾರುಖ್ ಖಾನ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಅವರ ಪೈರಸಿ ವಿರೋಧಿ ಮನವಿಯ ಹೊರತಾಗಿಯೂ, ಪಠಾಣ್ ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿದೆ. ವರದಿಗಳ ಪ್ರಕಾರ, ಪಠಾಣ್ ಈಗಾಗಲೇ ಹಲವಾರು ಪೈರಸಿ ವೆಬ್‌ಸೈಟ್‌ಗಳಾದ ತಮಿಳ್‌ರಾಕರ್ಸ್‌, ಫಿಲ್ಮಿರ್ವಾಪ್‌, ಫಿಲ್ಮಿಜಿಲ್ಲಾ, 123 ಮೂವೀಸ್‌, ಹಲವಾರು ಪ್ಲ್ಯಾಟ್‌ಫಾರ್ಮ್‌ಗಳಲ್ಲಿ ಲೀಕ್‌ ಆಗಿದೆ. ವರದಿಯ ಪ್ರಕಾರ, ಪಠಾಣ್ 240p , 360p, 480p, 720p, 1080p ಮತ್ತು HD ಸ್ವರೂಪಗಳಲ್ಲಿ ಲಭ್ಯವಿದೆ ಎನ್ನಲಾಗಿದೆ. ಈ ಬಗ್ಗೆ ಶಾರುಖ್ ಇನ್‌ಸ್ಟಾದಲ್ಲಿ ಬರೆದುಕೊಂಡಿದ್ದಾರೆ. ʻʻ“ಪಠಾಣ್ ಭಾರತಕ್ಕಾಗಿ ಹೋರಾಡುತ್ತಿದ್ದಂತೆ, ಪೈರಸಿ ವಿರುದ್ಧ ಹೋರಾಡಲು ನೀವು ಕೂಡ ನಮ್ಮ ಚಿತ್ರರಂಗಕ್ಕೆ ಸೈನಿಕರಾಗಬಹುದು. ಪಠಾಣ್ ಚಿತ್ರವನ್ನು ಥಿಯೇಟರ್‌ಗಳಲ್ಲಿ ಮಾತ್ರ ವೀಕ್ಷಿಸಿ ಮತ್ತು ಪೈರಸಿ ಬೇಡ ಎಂದು ಹೇಳಿ. ಅಧಿಕಾರ ನಿಮ್ಮ ಕೈಯಲ್ಲಿದೆ. @yashrajfilms.com (sic) ವರದಿಯಲ್ಲಿ ನಮಗೆ ಸೂಚಿಸಿʼʼಎಂದು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: Pathaan Movie: ಸಣ್ಣ ಬದಲಾವಣೆಗಳೊಂದಿಗೆ ತೆರೆಗೆ ಅಪ್ಪಳಿಸಿದ ʻಪಠಾಣ್ʼ, ಕೇಸರಿ ಬಿಕಿನಿ ವಿವಾದ ಏನಾಯ್ತು?
ಇದನ್ನೂ ಓದಿ: Pathaan Movie: ವಿಶ್ವಾದ್ಯಂತ ಪಠಾಣ್ ಗರ್ಜನೆ: ಭಾರತದಲ್ಲಿ 300 ಪ್ರದರ್ಶನಗಳನ್ನು ಹೆಚ್ಚಿಸಿದ ಚಿತ್ರತಂಡ
ಪಠಾಣ್ ಸಿನಿಮಾ ಮೊದಲ ಶೋ ಬೆಳಗ್ಗೆ (Pathaan review) 6 ಗಂಟೆಗೆ ಶುರುವಾಗಿದೆ. ಶಾರುಖ್, ದೀಪಿಕಾ ಪಡುಕೋಣೆ ಮತ್ತು ಜಾನ್ ಹೊರತುಪಡಿಸಿ, ಅಶುತೋಷ್ ರಾಣಾ ಮತ್ತು ಡಿಂಪಲ್ ಕಪಾಡಿಯಾ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.