ಬೆಂಗಳೂರು: ಶಾರುಖ್ ಖಾನ್ ಪಠಾಣ್ (Pathaan Movie) ಮೂಲಕ ಪ್ರೇಕ್ಷಕರನ್ನು ಮತ್ತೆ ಥಿಯೇಟರ್‌ಗಳಿಗೆ ಕರೆತರುವಲ್ಲಿ ಯಶಸ್ವಿಯಾಗಿದ್ದಾರೆ. ಚಿತ್ರವು ಭಾರತ ಹಾಗೂ ವಿಶ್ವಾದ್ಯಂತ ಅನೇಕ ಚಿತ್ರಮಂದಿರಗಳಲ್ಲಿ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಶಾರುಖ್ ಅವರ ವೃತ್ತಿ ಜೀವನದ ಒಟ್ಟೂ ಸಿನಿಮಾಗಳಲ್ಲಿ ಪಠಾಣ್ ಬ್ಲಾಕ್‌ಬಸ್ಟರ್‌ ಆಗಿ ಹೊರಹೊಮ್ಮಿದೆ. ಕೇವಲ ಮೂರೇ ದಿನಗಳಲ್ಲಿ ಭಾರತದಲ್ಲಿ 150 ಕೋಟಿ ರೂ.ಗಳ ದಾಖಲೆ ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿದೆ.
ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಈ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ, ಡಿಂಪಲ್ ಕಪಾಡಿಯಾ ಮತ್ತು ಅಶುತೋಷ್ ರಾಣಾ ಕೂಡ ಇದ್ದಾರೆ. ಜನವರಿ 27ರಂದು, ಪಠಾಣ್ ಭಾರತದಲ್ಲಿ 34ರಿಂದ 36 ಕೋಟಿ ರೂ. ಗಳಿಸಿದೆ ಎಂದು ಅಂದಾಜಿಸಲಾಗಿದೆ. ರಮೇಶ್ ಬಾಲಾ ಅವರು ಟ್ವೀಟ್‌ನಲ್ಲಿ, “ಪಠಾಣ್ ಮೂರನೇ ದಿನ 34ರಿಂದ 36 ಕೋಟಿ ರೂ. ಕಲೆಕ್ಷನ್ ಮಾಡಿದೆ.” ಎಂದಿದ್ದಾರೆ.
ಇದನ್ನೂ ಓದಿ: Pathaan Movie : ಬ್ಯಾನ್‌ ಬಾಲಿವುಡ್‌ ಎನ್ನುತ್ತಿದ್ದವರಿಗೆ ಕುಟುಕಿದ ಅಲಿಯಾ ಭಟ್‌!
ಇದನ್ನೂ ಓದಿ: Pathaan Movie: 2ನೇ ದಿನ ʻಪಠಾಣ್ʼ ವಿಶ್ವಾದ್ಯಂತ ದಾಖಲೆ ಕಲೆಕ್ಷನ್!
ಒಟ್ಟು ದೇಶೀಯ ಬಾಕ್ಸ್ ಆಫೀಸ್ ಕಲೆಕ್ಷನ್ 157 ಕೋಟಿ ರೂ. ಕೇವಲ ಮೂರೇ ದಿನಗಳಲ್ಲಿ ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ ಪಠಾಣ್ 150 ಕೋಟಿ ರೂಪಾಯಿಗಳ ಗಡಿ ದಾಟಿದ್ದು ಸಂಭ್ರಮಿಸಲು ಕಾರಣವಾಗಿದೆ ಎಂದು ಬಾಕ್ಸ್ ಆಫೀಸ್ ಇಂಡಿಯಾ ಬರೆದುಕೊಂಡಿದೆ. 3ನೇ ದಿನದಂದು, ಪಠಾಣ್ ವಿಶ್ವಾದ್ಯಂತ 300 ಕೋಟಿ ರೂ. ದಾಟಿದೆ ಎಂದು ಟ್ರೇಡ್ ವಿಶ್ಲೇಷಕ ರಮೇಶ್ ಬಾಲಾ ಟ್ವಿಟ್‌ನಲ್ಲಿ ಹೇಳಿಕೊಂಡಿದ್ದಾರೆ,