ಬೆಂಗಳೂರು: ನಟ ಪುನೀತ್ ರಾಜ್ಕುಮಾರ್ ವಿಶೇಷ ಪಾತ್ರದಲ್ಲಿ ಅಭಿನಯಿಸಿರುವ ‘ಲಕ್ಕಿಮ್ಯಾನ್’ (Lucky Man Movie) ಸಿನಿಮಾ ರಿಲೀಸ್ಗೆ ರೆಡಿಯಾಗುತ್ತಿದೆ. ಈ ಹೊತ್ತಲ್ಲೇ ಸಿನಿಮಾ ಟೀಮ್‌ಗೆ ಒಂದು ಸಿಹಿ ಸುದ್ದಿ ಸಿಕ್ಕಿದೆ. ಬಿಡುಗಡೆಗೂ ಮೊದಲೇ ‘ಲಕ್ಕಿಮ್ಯಾನ್’ ಹೊಸ ದಾಖಲೆ ಬರೆದಿದೆ. ಅಪ್ಪು ಅಭಿನಯದ ಕೊನೆಯ ಕಮರ್ಷಿಯಲ್ ಸಿನಿಮಾಗೆ ಅಭಿಮಾನಿಗಳು ಖುಷಿಯಿಂದ ಕಾಯುತ್ತಿದ್ದಾರೆ.
ಅಷ್ಟಕ್ಕೂ ‘ಲಕ್ಕಿಮ್ಯಾನ್’ ಸಿನಿಮಾ ಹಲವು ವಿಚಾರಗಳಿಗೆ ಈ ಮೊದಲಿನಿಂದಲೂ ಭಾರಿ ಗಮನ ಸೆಳೆದಿತ್ತು. ‘ಜೇಮ್ಸ್’ ರಿಲೀಸ್ ದಿನವನ್ನು ಹಬ್ಬದಂತೆ ಅಪ್ಪು ಫ್ಯಾನ್ಸ್ ಸೆಲೆಬ್ರೇಟ್ ಮಾಡಿದ್ದರು. ಇದಾದ ಬಳಿಕ ‘ಗಂಧದಗುಡಿ’ ಡಾಕ್ಯುಮೆಂಟರಿ ಬಿಟ್ಟರೆ ಅಪ್ಪು ನಟಿಸಿರುವ ಕೊನೆಯ ಕಮರ್ಷಿಯಲ್ ಸಿನಿಮಾ ‘ಲಕ್ಕಿಮ್ಯಾನ್’. ಹೀಗಾಗಿ ಅಭಿಮಾನಿಗಳು ತೀವ್ರ ಕುತೂಹಲದಿಂದ ಸಿನಿಮಾ ಕಣ್ತುಂಬಿಕೊಳ್ಳಲು ಕಾಯುತ್ತಿದ್ದಾರೆ. ಹೀಗಾಗಿ ವಿತರಣೆ ಹಕ್ಕನ್ನು ಪಡೆಯಲು ವಿತರಕರು ಮುಗಿಬಿದ್ದಿದ್ದರು. ಇದೇ ಕಾರಣಕ್ಕೆ ಹೊಸ ದಾಖಲೆ ಬರೆದಿದೆ ‘ಲಕ್ಕಿಮ್ಯಾನ್’ ಚಿತ್ರ.
ಇದನ್ನೂ ಓದಿ | Lucky Man Movie | ಆಗಸ್ಟ್‌ನಲ್ಲಿ ತೆರೆಗೆ ಅಪ್ಪಳಿಸಲಿದೆ ಲಕ್ಕಿ ಮ್ಯಾನ್: ಅಪ್ಪು ಬಾಸ್‌ ನೋಡಲು ಫ್ಯಾನ್ಸ್ ಕಾತುರ
ವಿತರಣೆ ಹಕ್ಕು ಸೋಲ್ಡ್ ಔಟ್!
ಸಿನಿಮಾಗಳ ಟಿಕೆಟ್ ಸೋಲ್ಡ್ ಔಟ್ ಆಗೋದನ್ನು ಕೇಳಿದ್ದೀವಿ, ಆದರೆ ‘ಲಕ್ಕಿಮ್ಯಾನ್’ ಚಿತ್ರದ ವಿಚಾರದಲ್ಲಿ ಸಿನಿಮಾ ವಿತರಣೆ ಹಕ್ಕು ಒಂದೇ ದಿನಕ್ಕೆ ಸೋಲ್ಡ್ ಔಟ್ ಆಗಿದೆ. ರಾಜ್ಯಾದ್ಯಂತ ಸಿನಿಮಾ ರಿಲೀಸ್ಗೆ ವಿತರಕರು ಹಕ್ಕು ಪಡೆದಿದ್ದು, ಒಂದೇ ದಿನದಲ್ಲಿ ವ್ಯವಹಾರ ಮುಗಿಸಿದೆ ‘ಲಕ್ಕಿಮ್ಯಾನ್’. ಈ ಮೂಲಕ ರಿಲೀಸ್ಗೂ ಮೊದಲೇ ಸಿಹಿಸುದ್ದಿ ಪಡೆದಿದೆ ಚಿತ್ರತಂಡ.
ತಮಿಳಿನ ‘ಓ ಮೈ ಕಡವುಲೇ’ ರಿಮೇಕ್ ಈ ‘ಲಕ್ಕಿಮ್ಯಾನ್’. ‘ಓ ಮೈ ಕಡವುಲೇ’ ಚಿತ್ರದಲ್ಲಿ ವಿಜಯ್ ಸೇತುಪತಿ ನಟಿಸಿದ್ದಾರೆ. ವಿಜಯ್ ಸೇತುಪತಿ ಅವರ ಪಾತ್ರವನ್ನು ‘ಲಕ್ಕಿಮ್ಯಾನ್’ ಸಿನಿಮಾದಲ್ಲಿ ಪುನೀತ್ ರಾಜ್ಕುಮಾರ್ ನಿರ್ವಹಿಸಿದ್ದಾರೆ. ಹೀಗಾಗಿಯೇ ಈ ಚಿತ್ರದ ಬಗ್ಗೆ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಆಗಿದೆ. ಈ ವರ್ಷ ‘ಲವ್ ಮಾಕ್ಟೇಲ್ 2’ ಮೂಲಕ ಭರ್ಜರಿ ಓಪನಿಂಗ್ ಪಡೆದಿರುವ ಡಾರ್ಲಿಂಗ್ ಕೃಷ್ಣ ಅವರಿಗೆ ಮತ್ತೊಂದು ಹಿಟ್ ‘ಲಕ್ಕಿಮ್ಯಾನ್’ ಮೂಲಕ ಸಿಗುವ ಸಾಧ್ಯತೆ ದಟ್ಟವಾಗಿದೆ.
ಈ ಚಿತ್ರಕ್ಕೆ ಮೀನಾಕ್ಷಿ ಸುಂದರಂ, ಕಾಮರಾಜ್ ಬಂಡವಾಳ ಹೂಡಿದ್ದಾರೆ. ‘ಲಕ್ಕಿಮ್ಯಾನ್’ ಚಿತ್ರದ ತಾರಾಬಳಗ ಕೂಡ ತುಂಬಾ ದೊಡ್ಡದಿದೆ. ಸುಂದರ್‌ ರಾಜ್, ರಂಗಾಯಣ ರಘು, ನಾಗಭೂಷಣ್, ಸುಧಾ ಬೆಳವಾಡಿ, ಸಾಧುಕೋಕಿಲ, ರೋಶನಿ ಸೇರಿದಂತೆ ಸ್ಟಾರ್ಗಳ ದಂಡೇ ಈ ಚಿತ್ರದಲ್ಲಿ ನಟಿಸಿದೆ. ಈಗಾಗಲೇ ‘ಲಕ್ಕಿಮ್ಯಾನ್’ ಟೀಸರ್ ಹಾಗೂ ಸಾಂಗ್ಸ್ ಸಖತ್ ಸದ್ದು ಮಾಡುತ್ತಿದೆ. ಚಿತ್ರದ ವಿತರಣೆ ಹಕ್ಕು ಬಿಸಿ ದೋಸೆಯಂತೆ ಸೋಲ್ಡ್ ಔಟ್ ಆಗಿರುವುದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ.
ಇದನ್ನೂ ಓದಿ | Lucky Man Movie | ನಟ ಪುನೀತ್ ರಾಜಕುಮಾರ್ ಅಭಿನಯದ ಲಕ್ಕಿ ಮ್ಯಾನ್ ಸಿನಿಮಾದ ಟೀಸರ್ ಔಟ್