ಬೆಂಗಳೂರು: ವೈಯಕ್ತಿಕ ಜೀವನದಲ್ಲಿ ಬ್ಯುಸಿಯಿದ್ದ ನಟಿ ಪ್ರಣಿತಾ ಸುಭಾಷ್ (Pranitha Subhash) ಈ ಬಾರಿ ಮಲಯಾಳಂ ಚಿತ್ರಕ್ಕಾಗಿ ತೆರೆಗೆ ಬರಲು ಸಜ್ಜಾಗಿದ್ದಾರೆ. “ನಾನು ಬೆಂಗಳೂರಿನಿಂದ ಕೊಚ್ಚಿಗೆ ಹೋಗುತ್ತಿದ್ದೇನೆ ಮತ್ತು ನನ್ನ ಮಗಳು ಅರ್ನಾದಿಂದ ನಾನು ಹೆಚ್ಚು ಕಾಲ ದೂರವಿರುವುದು ಇದೇ ಮೊದಲುʼʼಎಂದು ಹೇಳಿಕೊಂಡಿದ್ದಾರೆ. ಮಾಲಿವುಡ್ ಸೂಪರ್ ಸ್ಟಾರ್ ದಿಲೀಪ್ ಅವರಿಗೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ನಟಿ ಕೂಡ ಮೇಜರ್ ರೋಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಮಾಧ್ಯಮವೊಂದಕ್ಕೆ ಈ ಬಗ್ಗೆ ನಟಿ ಮಾತನಾಡಿದ್ದು ʻʻನಾನು ಬೆಂಗಳೂರಿನಿಂದ ಕೊಚ್ಚಿಗೆ ಹೋಗುತ್ತಿದ್ದೇನೆ ಮತ್ತು ನನ್ನ ಮಗಳು ಅರ್ನಾದಿಂದ ನಾನು ಹೆಚ್ಚು ಕಾಲ ದೂರವಿರುವುದು ಇದೇ ಮೊದಲು. ಕೆಲಸದ ಜತೆ ಮನೆ ಹಾಗೂ ತಾಯ್ತನವನ್ನು ನಿಭಾಯಿಸಬೇಕು. ಸೂಪರ್‌ಸ್ಟಾರ್ ದಿಲೀಪ್ ಅವರ ಜತೆ ನಟಿಸಲು ಹೆಮ್ಮೆಯಾಗುತ್ತಿದೆ. ತಾತ್ಕಾಲಿಕವಾಗಿ ಡಿ 148 ಎಂದು ಸಿನಿಮಾಗೆ ಹೆಸರಿಸಲಾಗಿದೆ. ಮತ್ತು ರತೀಶ್ ರಘುನಂದನ್ ನಿರ್ದೇಶಿಸುತ್ತಿದ್ದಾರೆ. ಮಲಯಾಳಂ ಕಲಿಯುವುದು ಇಲ್ಲಿ ದೊಡ್ಡ ಸವಾಲಾಗಿದೆ. ಮಲಯಾಳಂ ಭಾಷೆ ಕಲಿಕೆಗೆ ಸ್ವಲ್ಪ ಪ್ರಯತ್ನದ ಅಗತ್ಯವಿದೆʼʼಎಂದರು.
ಇದನ್ನೂ ಓದಿ: Actor Pranitha | ಬಹುಭಾಷಾ ನಟಿಯ ಭೀಮನ ಅಮವಾಸ್ಯೆ ಆಚರಣೆಗೆ ಹಿತೈಷಿಗಳ ಶಹಬ್ಬಾಸ್‌
ಚಿತ್ರದ ಕುರಿತು ಮಾತನಾಡಿ ʻʻನಿರ್ದೇಶಕರು ನನಗೆ ನನ್ನ ಪಾತ್ರವನ್ನು ವಿವರಿಸಿದಾಗ, ಅವರು ಹೇಳಿದರು, ‘ನೀವು ಮುದ್ದಾದ ಪಾತ್ರಗಳನ್ನು ನಿರ್ವಹಿಸಿದ್ದೀರಿ ಎಂದು ನನಗೆ ತಿಳಿದಿದೆ. ಆದರೆ ಈ ಚಿತ್ರದಲ್ಲಿ ನೀವು ಹಾಗೆ ಮಾಡಲು ಸಾಧ್ಯವಿಲ್ಲ’ ಎಂದು ಹೇಳಿದರು. ನನಗೆ ನಟಿಸಲು ಸಿಗುವ ಪಾತ್ರವು ಸ್ವಲ್ಪ ದುರಹಂಕಾರ ಸ್ವಭಾವದ ಪಾತ್ರಗಳು ಹೊಂದಿಕೆಯಾಗುತ್ತಿದ್ದವು. ಈ ಚಿತ್ರ ವಿಭಿನ್ನವಾದ ಕಥೆಯನ್ನು ಹೊಂದಿದೆ. ಮಾಲಿವುಡ್‌ಗೆ ಎಂಟ್ರಿ ಕೊಡುತ್ತಿರುವುದು ನನ್ನ ಅದೃಷ್ಟʼʼ ಎಂದು ಪ್ರಣಿತಾ ಹೇಳಿಕೆ ನೀಡಿದ್ದಾರೆ.
ಇದನ್ನೂ ಓದಿ: Actor Pranitha | ಮುದ್ದು ಮಗಳ ಹೆಸರನ್ನು ತಿಳಿಸಿದ ಬಹುಭಾಷಾ ನಟಿ ಪ್ರಣಿತಾ ಸುಭಾಷ್
ಚಿತ್ರದಲ್ಲಿ ಪ್ರಣಿತಾ, ನೀತಾ ಪಿಳ್ಳೈ ಸೇರಿದಂತೆ ಇತರ ಪ್ರಮುಖ ಪಾತ್ರಗಳು ಇರಲಿವೆ. ಪ್ರಣಿತಾ ಅವರ ಪಾತ್ರದ ಶೂಟಿಂಗ್ 2 ವಾರಗಳ ಕಾಲ ಕೇರಳದಲ್ಲಿ ನಡೆಯಲಿದೆ. ಈಗಾಗಲೇ `ಡಿ 148′ ಶೂಟಿಂಗ್ ಶುರುವಾಗಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.