ಬೆಂಗಳೂರು : ಕೆಜಿಎಫ್‌ ಚಿತ್ರದ ಬಳಿಕ ಕಾಂತಾರ ಸಿನಿಮಾ ಭಾರತಾದ್ಯಂತ ಹೊಸ ಸಂಚಲನ ಸೃಷ್ಟಿಸಿದೆ. ಈ ಮೆಗಾ ಚಿತ್ರಗಳ ಪೈಕಿ ಸದ್ಯ ಅಭಿಮಾನಿಗಳು ಕಾಯುತ್ತಿರುವ ಚಿತ್ರ ಎಂದರೆ ಅದುವೇ ಪ್ರಶಾಂತ್ ನೀಲ್ ನಿರ್ದೇಶನದ, ಪ್ರಭಾಸ್‌ ಅಭಿನಯದ ʻಸಲಾರ್ʼ. ಬಾಹುಬಲಿ ನಂತರ ಸಾಹೋ ಹಾಗೂ ರಾಧೆಶ್ಯಾಮ್‌ ಚಿತ್ರಗಳಲ್ಲಿ ಸೋಲುಂಡಿರುವ ಪ್ರಭಾಸ್‌, ʻಸಲಾರ್ʼ ಮೂಲಕ ಮತ್ತೆ ಕಮ್‌ ಬ್ಯಾಕ್‌ ಆಗಿದ್ದಾರೆ. ಮಾಲಿವುಡ್‌ ನಟ ಪೃಥ್ವಿರಾಜ್ ಸುಕುಮಾರನ್ (Prithviraj Sukumaran) ಹುಟ್ಟುಹಬ್ಬದ ಪ್ರಯುಕ್ತ ಹೊಂಬಾಳೆ ಫಿಲ್ಮ್ಸ್‌ ವಿಶೇಷ ಪೋಸ್ಟರ್ ಬಿಡುಗಡೆಗೊಳಿಸಿದೆ.
ʻಸಲಾರ್ʼ ಚಿತ್ರತಂಡ ಚಿತ್ರದ ಒಂದೊಂದೇ ಪಾತ್ರಗಳನ್ನು ನಟ ನಟಿಯರ ಹುಟ್ಟು ಹಬ್ಬದ ದಿನದಂದು ಬಹಿರಂಗಪಡಿಸುತ್ತ ಬಂದಿದೆ. ಈ ಸಾಲಿಗೆ ಪೃಥ್ವಿರಾಜ್ ಸುಕುಮಾರನ್ ಕೂಡ ಸೇರಿಕೊಂಡಿದ್ದಾರೆ. ಸಲಾರ್ ಚಿತ್ರದಲ್ಲಿ ಪೃಥ್ವಿರಾಜ್ ಸುಕುಮಾರನ್ ‘ವರ್ಧರಾಜ್‌ ಮನ್ನಾರ್‌’ ಎಂಬ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪೃಥ್ವಿರಾಜ್ ಗೆಟಪ್ ನೋಡುವಾಗ, ಇದೊಂದು ಮಾಸ್‌ ಕ್ಯಾರೆಕ್ಟರ್ ಎಂಬುದನ್ನು ಸಾರಿ ಹೇಳುವಂತಿದೆ. ಪೋಸ್ಟರ್ ಬಿಡುಗಡೆಯಾಗುತ್ತಿದ್ದಂತೆ ವೈರಲ್‌ ಆಗುತ್ತಿದೆ. ಪ್ರಶಾಂತ್ ನೀಲ್ ‘ಮಸಿ ಯೂನಿವರ್ಸಿಟಿ’ಯ ಮತ್ತೊಬ್ಬ ಕ್ಯಾಂಡಿಡೇಟ್ ಬಂದ ನೋಡಿ ಎಂದು ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ | Tyson: ಮಲಯಾಳಂಗೆ ಹೊಂಬಾಳೆ ಫಿಲ್ಮ್ಸ್‌ ಎಂಟ್ರಿ, ಸೂಪರ್‌ಸ್ಟಾರ್‌ ಪೃಥ್ವಿರಾಜ್ ಸುಕುಮಾರನ್ ಸಾ‍ಥ್‌
ಉಗ್ರಂ ಬಾಲ ಮತ್ತೆ ಬಂದ್ರು ಎಂದ ಫ್ಯಾನ್ಸ್‌
ಈ ಹಿಂದೆ ಪ್ರಭಾಸ್‌ ಪೋಸ್ಟ್‌ರ್‌ ಬಿಡುಗಡೆಗೊಂಡಾಗ ಉಗ್ರಂ ಮುರುಳಿಯಂತೆ ಕಾಣಿಸುತ್ತದೆ ಎಂದು ಗಾಸಿಪ್‌ಗಳು ಹರಿದಾಡಿದ್ದವು. ಪೃಥ್ವಿರಾಜ್ ಸುಕುಮಾರನ್ ಪೋಸ್ಟರ್ ಬಿಡುಗಡೆಯಾದ ಬೆನ್ನಲ್ಲೇ ಕೆಲ ಕನ್ನಡ ಸಿನಿ ಪ್ರೇಕ್ಷಕರು ಉಗ್ರಂ ಚಿತ್ರದಲ್ಲಿ ತಿಲಕ್ ನಿರ್ವಹಿಸಿದ್ದ ಬಾಲ ಪಾತ್ರವನ್ನು ಇಲ್ಲಿ ಪೃಥ್ವಿರಾಜ್ ಸುಕುಮಾರನ್ ನಿರ್ವಹಿಸುತ್ತಿದ್ದಾರೆ ಎಂದು ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ | Kaduva Film | ಬೆಂಗಳೂರಿನಲ್ಲಿ ‘ಕಡುವ’ ಪ್ರೀ-ರಿಲೀಸ್ ಇವೆಂಟ್: ಜೂನ್‌ 30ಕ್ಕೆ ರಿಲೀಸ್