ಬೆಂಗಳೂರು: ಬಾಲಿವುಡ್‌ ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಮತ್ತೊಮ್ಮೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದ್ದಾರೆ. ಮಾರ್ಚ್ 8ರಂದು ಲಾಸ್ ಏಂಜಲೀಸ್‌ನಲ್ಲಿ ನಡೆದ ಪ್ರಿ- ಆಸ್ಕರ್ ಇವೆಂಟ್‌ನಲ್ಲಿ ಪ್ರಿಯಾಂಕಾ ಭಾಗವಹಿಸಿದ್ದರು. ಪತಿ ನಿಕ್ ಜೋನಾಸ್ ಕೂಡ ಜತೆಗಿದ್ದರು. ಸದ್ಯ ನಟಿ ಹಾಲಿವುಡ್‌ ವೆಬ್‌ ಸಿರೀಸ್‌ ಸಿಟಾಡೆಲ್ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಏಪ್ರಿಲ್ 28ರಂದು ಪ್ರೈಮ್ ವಿಡಿಯೋದಲ್ಲಿ ಪ್ರೀಮಿಯರ್ ಆಗಲಿದೆ.
ಪ್ರಿ- ಆಸ್ಕರ್ ಇವೆಂಟ್‌ನಲ್ಲಿ ಪ್ರೀಯಾಂಕ ಚೋಪ್ರಾ ದಂಪತಿ
ಲಾಸ್ ಏಂಜಲೀಸ್‌ನಲ್ಲಿ ದಂಪತಿ ಪ್ರಿ- ಆಸ್ಕರ್ ಇವೆಂಟ್‌ನಲ್ಲಿ ಭಾಗವಹಿಸಿದ್ದಾರೆ. ಇವೆಂಟ್‌ ಮುಂಚಿತವಾಗಿ ಜೋಡಿ ಇನ್‌ಸ್ಟಾದಲ್ಲಿ ಕೆಲವು ಫೋಟೊಗಳನ್ನು ಹಂಚಿಕೊಂಡಿದೆ. ಪಿಗಿ ಅಭಿಮಾನಿಗಳು ಫೋಟೊ ಕುರಿತಾಗಿ ಕಮೆಂಟ್‌ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ.
ಇದನ್ನೂ ಓದಿ: Priyanka Chopra Nick Jonas: ಇಲ್ಲಿವೆ ‘Bomb Couple’ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್‌ ಲೇಟೆಸ್ಟ್‌ ಫೋಟೊಗಳು
ಸಿಟಾಡೆಲ್ ಸಿರೀಸ್‌ ಫಸ್ಟ್‌ ಲುಕ್‌ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿತ್ತು. ರಿಚರ್ಡ್ ಮ್ಯಾಡೆನ್ ಜತೆಗೆ ಕೆಲವು ಆ್ಯಕ್ಷನ್-ಪ್ಯಾಕ್ಡ್ ದೃಶ್ಯಗಳಲ್ಲಿ ಪ್ರಿಯಾಂಕಾ ಕಂಡಿದ್ದಾರೆ. ಅದ್ಧೂರಿ ವೆಚ್ಚದಲ್ಲಿ ‘ಸಿಟಾಡೆಲ್’ ಸೀರಿಸ್ ಸಿದ್ಧವಾಗುತ್ತಿದೆ. ಅಮೆಜಾನ್ ಪ್ರೈಂ ವಿಡಿಯೊ ಮೂಲಕ ಇದು ಏಪ್ರಿಲ್ 28, 2023 ರಂದು ಸ್ಟ್ರೀಮ್ ಆಗಲಿದೆ.
ಬಜೆಟ್ ಮತ್ತು ನಿರ್ಮಾಣ
ಭಾರತೀಯ ನಟಿಯರು ಆ್ಯಕ್ಷನ್-ಪ್ಯಾಕ್ಡ್ ಪಾತ್ರಗಳನ್ನು ನಿರ್ವಹಿಸುವ ಬಯಕೆಯನ್ನು ಹೆಚ್ಚಾಗಿ ವ್ಯಕ್ತಪಡಿಸುತ್ತಿರುವ ಸಮಯದಲ್ಲಿ, ರುಸ್ಸೋ ಬ್ರದರ್ಸ್ ಪ್ರಾಜೆಕ್ಟ್‌ನಲ್ಲಿ ಪ್ರಿಯಾಂಕಾ ಏಜೆಂಟ್ ಆಗಿ ನಟಿಸಿದ್ದಾರೆ. ವರದಿಗಳ ಪ್ರಕಾರ, ಈ ಸಿರೀಸ್‌ 20 ಕೋಟಿ ರೂ. ಅದ್ಧೂರಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿದೆ.