ಮುಂಬೈ: ಪ್ರಿಯಾಂಕಾ ಚೋಪ್ರಾ (Priyanka Chopra) ಹಾಗೂ ಅವರ ಕುಟುಂಬ ಮಾರ್ಚ್ 31ರಂದು ಭಾರತಕ್ಕೆ ಬಂದಿಳಿದಿದ್ದಾರೆ. ಮುಂಬೈನಿಂದ ಹೊರಡುವ ಮೊದಲು, ಪ್ರಿಯಾಂಕಾ ಚೋಪ್ರಾ ಏಪ್ರಿಲ್ 6ರಂದು ಮಗಳು ಮಾಲ್ತಿ ಮೇರಿ ಜೋನಾಸ್ ಅವರೊಂದಿಗೆ ಸಿದ್ದಿವಿನಾಯಕ ದೇವಸ್ಥಾನಕ್ಕೆ ಭೇಟಿ ನೀಡಿದರು. ದೇವಸ್ಥಾನಕ್ಕೆ ಭೇಟಿ ಕೊಟ್ಟ ಫೋಟೊಗಳನ್ನು ನಟಿ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಪ್ರಿಯಾಂಕಾ ಚೋಪ್ರಾ ತನ್ನ ಮಗಳು ಮಾಲ್ತಿಯೊಂದಿಗೆ ಸಿದ್ಧಿವಿನಾಯಕ ದೇವಸ್ಥಾನದಲ್ಲಿ ಆಶೀರ್ವಾದ ಕೋರಿದರು. ಫೋಟೊಗಳಲ್ಲಿ, ನಟಿ ಮಾಲ್ತಿಯನ್ನು ಎತ್ತಿಕೊಂಡಿದ್ದಾರೆ. ಫೋಟೊ ಜತೆ ನಟಿ ʻʻಮಾಲ್ತಿ ಮೇರಿ ಮೊದಲ ಭಾರತ ಪ್ರವಾಸವು ಶ್ರೀ ಸಿದ್ಧಿವಿನಾಯಕ ಆಶೀರ್ವಾದದೊಂದಿಗೆ. ಗಣಪತಿ ಬಪ್ಪಾಮೋರಿಯಾ” ಎಂದು ಬರೆದಿದ್ದಾರೆ.
ಪ್ರಿಯಾಂಕ ಚೋಪ್ರಾ ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್‌ (NMACC Launch) ಗ್ರ್ಯಾಂಡ್ ಲಾಂಚ್‌ನಲ್ಲಿ, ಭಾಗವಹಿಸಿದ್ದರು. ಅಷ್ಟೇ ಅಲ್ಲದೇ ನಟಿ ತಮ್ಮ ಮುಂಬರುವ ಸಿಟಾಡೆಲ್ ಸಿರೀಸ್‌ ಪ್ರಚಾರ ಕಾರ್ಯವನ್ನೂ ಮಾಡಿದ್ದಾರೆ. ರುಸ್ಸೋ ಬ್ರದರ್ಸ್ ವೆಬ್ ಶೋ ಪ್ರೈಮ್ ವಿಡಿಯೊದಲ್ಲಿ ಏಪ್ರಿಲ್ 28 ರಂದು ಸಿಟಾಡೆಲ್ ಪ್ರದರ್ಶನಗೊಳ್ಳುತ್ತಿದೆ. ಈ ಸಿರೀಸ್‌ನಲ್ಲಿ ನಟಿ ರಿಚರ್ಡ್ ಮ್ಯಾಡೆನ್ ಜತೆಗೆ ಕಾಣಿಸಿಕೊಳ್ಳಲಿದ್ದಾರೆ. ಸಿಟಾಡೆಲ್ ಎಂಬುದು ದಿ ರುಸ್ಸೋ ಬ್ರದರ್ಸ್ ರಚಿಸಿದ ವೆಬ್ ಸಿರೀಸ್‌.
ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್‌ನಲ್ಲಿ ಸ್ಟೆಪ್ಸ್‌ ಹಾಕಿದ ಪ್ರಿಯಾಂಕಾ
ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್‌ (NMACC Launch) ಗ್ರ್ಯಾಂಡ್ ಲಾಂಚ್‌ನಲ್ಲಿ, ಬಾಲಿವುಡ್ ಸೆಲೆಬ್ರಿಟಿಗಳು ಉತ್ಸಾಹಭರಿತ ಪ್ರದರ್ಶನಗಳನ್ನು ನೀಡಿದ್ದಾರೆ. ಬೆರಗುಗೊಳಿಸುವ ರೆಡ್ ಕಾರ್ಪೆಟ್ ಬಟ್ಟೆಗಳ ಹೊರತಾಗಿ, ಬಾಲಿವುಡ್ ತಾರೆಯರ ಪ್ರದರ್ಶನಗಳು ಎಲ್ಲರ ಗಮನವನ್ನು ಸೆಳೆದವು. ಪ್ರಿಯಾಂಕಾ ಚೋಪ್ರಾ, ರಣವೀರ್ ಸಿಂಗ್, ವರುಣ್ ಧವನ್, ಶಾರುಖ್ ಖಾನ್ ಮತ್ತು ಇತರ ಸೆಲೆಬ್ರಿಟಿಗಳು ಪ್ರದರ್ಶನದಿಂದ ಪ್ರೇಕ್ಷಕರನ್ನು ರಂಜಿಸಿದರು.
ಇದನ್ನೂ ಓದಿ: Priyanka Chopra: ನೀತಾ ಮುಕೇಶ್ ಅಂಬಾನಿ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ-ನಿಕ್‌ ಮಿಂಚಿದ್ದು ಹೀಗೆ!
ಪ್ರಿಯಾಂಕಾ ಚೋಪ್ರಾ ಪೋಸ್ಟ್‌
ದಿಲ್ ಧಡ್ಕ್ನೆ ದೋ ಚಿತ್ರದ ಗಲ್ಲಾನ್ ಗುಡಿಯಾನ್ (Gallan Goodiyaan) ಹಾಡಿಗೆ ರಣವೀರ್ ಹಾಗೂ ಪ್ರಿಯಾಂಕಾ ಸಖತ್‌ ಸ್ಟೆಪ್ಸ್‌ ಹಾಕಿದ್ದಾರೆ. ಚಿತ್ರದ ಪಾತ್ರಗಳಾದ ಆಯೇಷಾ ಮತ್ತು ಕಬೀರ್ ನೆನಪಿಸುವಂತಿದೆ ಎಂದು ನೆಟ್ಟಿಗರೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ಅಭಿಮಾನಿಯೊಬ್ಬರು “ಪ್ರಿಯಾಂಕಾ ಚೋಪ್ರಾ ಜೋನಾಸ್ ಮತ್ತು ರಣವೀರ್ ಸಿಂಗ್ ದಿಲ್ ಧಡಕ್ನೆ ದೋ (Dil Dhadkne Do) ಚಿತ್ರದ ಗಲ್ಲಾ ಗುಡಿಯನ್‌ಗೆ ಡ್ಯಾನ್ಸ್‌ ಮಾಡಿದ್ದು, NMACC ಈವೆಂಟ್‌ನ ಹೈಲೈಟ್ ಆಗಿದೆʼʼಎಂದು ಕಾಮೆಂಟ್‌ ಮಾಡಿದ್ದಾರೆ.
ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾದ ಪ್ರಿಯಾಂಕಾ
ಪ್ರಿಯಾಂಕಾ ಚೋಪ್ರಾ ನಟಿ ಆಲಿಯಾ ಭಟ್ ಮತ್ತು ಕತ್ರಿನಾ ಕೈಫ್ ಅವರೊಂದಿಗೆ ಜೀ ಲೆ ಜರಾದಲ್ಲಿ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಈ ಚಿತ್ರವನ್ನು ಫರ್ಹಾನ್ ಅಖ್ತರ್ ನಿರ್ದೇಶಿಸಲಿದ್ದು, ಅವರು ನಟಿಸಲಿದ್ದಾರೆ. ಜಾನ್ ಸೆನಾ ಮತ್ತು ಇಡ್ರಿಸ್ ಎಲ್ಬಾ ಸಹ-ನಟಿಸಿದ ಹೆಡ್ಸ್ ಆಫ್ ಸ್ಟೇಟ್ ಎಂಬ ಅವರ ಮುಂದಿನ ಚಿತ್ರ ಪ್ರೈಮ್ ವಿಡಿಯೊದಲ್ಲಿ ಸ್ಟ್ರೀಮ್ ಆಗುತ್ತದೆ.