ಮುಂಬೈ: ಬಾಲಿವುಡ್ ಬೆಡಗಿ ಪ್ರಿಯಾಂಕಾ ಚೋಪ್ರಾ ಹಾಲಿವುಡ್‌ಗೆ ಹಾರಿ ಅಲ್ಲಿಯೂ ಮಿಂಚುತ್ತಿದ್ದಾರೆ. ಈಗಾಗಲೇ ಕೆಲವು ಇಂಗ್ಲಿಷ್ ಸಿನಿಮಾಗಳಲ್ಲಿ ನಟಿಸಿರುವ ಅವರು ಇದೀಗ ‘ಲವ್ ಅಗೇಯ್ನ್’ ಹೆಸರಿನ ಸಿನಿಮಾದ ನಾಯಕಿಯಾಗಿ ನಟಿಸಿದ್ದು, ಅದರ ಟ್ರೈಲರ್ ಪ್ರೇಮಿಗಳ ದಿನದಂದು ಬಿಡುಗಡೆಯಾಗಿದೆ.
ಇದನ್ನೂ ಓದಿ: Priyanka Chopra: ಸ್ಕಿ ವಕೇಷನ್ ಮೂಡ್‌ನಲ್ಲಿ ಪ್ರಿಯಾಂಕಾ ಚೋಪ್ರಾ ಕುಟುಂಬ: ಫೋಟೊ ಹಂಚಿಕೊಂಡ ಪತಿ ನಿಕ್!
ಸಿನಿಮಾದಲ್ಲಿ ಮೀರಾ ಆಗಿರುವ ಪ್ರಿಯಾಂಕಾ ನಟ ಸ್ಯಾಮ್ ಹ್ಯೂಘನ್ ಅವರೊಂದಿಗೆ ರೊಮ್ಯಾನ್ಸ್ ಮಾಡಲಿದ್ದಾರೆ. ಮಾಜಿ ಪ್ರಿಯತಮನ ನಂಬರಿಗೆ ಮೀರಾ “ನಿನ್ನನ್ನು ಮರೆಯಲಾಗುತ್ತಿಲ್ಲ” ಎಂದು ಸಂದೇಶಗಳನ್ನು ಕಳುಹಿಸುತ್ತಿರುತ್ತಾರೆ. ಆದರೆ ಆ ನಂಬರ್ ಮಾಜಿ ಪ್ರಿಯತಮನಿಂದ ಬದಲಾಗಿ ಸ್ಯಾಮ್ ಬಳಿ ಇರುತ್ತದೆ. ಮೀರಾರ ಪ್ರೀತಿಯನ್ನು ಕಂಡು ಸ್ಯಾಮ್ ಮೀರಾಳೊಂದಿಗೆ ಪ್ರೀತಿಯಲ್ಲಿ ಬೀಳುತ್ತಾರೆ. ಈ ರೀತಿಯ ವಿಶೇಷ ಪ್ರೇಮಕಥೆ ಇದರಲ್ಲಿದೆ.
ಸಿನಿಮಾದಲ್ಲಿ ರಸ್ಸೆಲ್ ಟೋವಿ, ಸ್ಟೀವ್ ಓರಮ್, ಒಮಿಡ್ ಜಲಿಲಿ, ಸೋಫಿಯಾ ಬಾರ್ಕ್ಲೇ, ಲಿಡಿಯಾ ವೆಸ್ಟ್, ಅರಿನ್ಜೆ ಕೆನೆ ಮತ್ತು ಸೆಲಿಯಾ ಇಮ್ರಿ ಅವರು ಕಾಣಿಸಿಕೊಂಡಿದ್ದಾರೆ. ವಿಶೇಷವಾಗಿ ಪ್ರಿಯಾಂಕಾ ಅವರ ಪತಿ ನಿಕ್ ಜೋನಸ್ ಕೂಡ ಒಂದು ಹಾಸ್ಯಮಯ ಪಾತ್ರದಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: Priyanka Chopra: ಯಾರ ಹೋಲಿಕೆ ಇದೆ ಎಂದ ನೆಟ್ಟಿಗರು: ಪ್ರಿಯಾಂಕಾ, ನಿಕ್, ಮಗಳು ಮಾಲತಿ ಫೋಟೊ ಕೊಲಾಜ್‌ ವೈರಲ್‌!
ಪ್ರಿಯಾಂಕಾ ಅವರ ಲವ್ ಅಗೇಯ್ನ್ ಚಿತ್ರ ಮೇ 12ರಂದು ತೆರೆ ಕಾಣಲಿದೆ. ಟ್ರೈಲರ್ ಅನ್ನು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅವರು, “ನಮ್ಮ ಪ್ರೀತಿಪಾತ್ರರಿಂದ ದೂರವಿರುವ ಕಷ್ಟದ ಸಮಯದಲ್ಲಿ ನಾವು ಈ ಚಲನಚಿತ್ರವನ್ನು ಮಾಡಿದ್ದೇವೆ. ಆದರೆ ಸೆಟ್‌ನಲ್ಲಿ ಪ್ರತಿದಿನವು ವಿಶೇಷವಾಗಿತ್ತು” ಎಂದು ಬರೆದುಕೊಂಡಿದ್ದಾರೆ.