ಬೆಂಗಳೂರು: ಪ್ರಿಯಾಂಕಾ ಚೋಪ್ರಾ (Priyanka Chopra) ಮತ್ತು ನಿಕ್ ಜೋನಾಸ್ ಡಿಸೆಂಬರ್ 1ರಂದು ತಮ್ಮ ಐದನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ನ್ಯೂಯಾರ್ಕ್‌ ಸಿಟಿಯಲ್ಲಿ ದಂಪತಿ ಪ್ರೀತಿಯಿಂದ ಕೈ ಕೈ ಹಿಡಿದುಕೊಂಡು ವಿಹರಿಸುತ್ತಿರುವ ಫೋಟೊಗಳು ವೈರಲ್ ಆಗಿವೆ. ಡಿನ್ನರ್‌ ಪಾರ್ಟಿಗೆಂದು ಜೋಡಿ ಸಖತ್‌ ಕ್ಯೂಟ್‌ ಆಗಿ ರೆಡಿಯಾಗಿದೆ.
ಪ್ರಿಯಾಂಕಾ ಮತ್ತು ನಿಕ್ ಕೆಲವು ರೊಮ್ಯಾಂಟಿಕ್ ಕ್ಷಣಗಳನ್ನು ಆನಂದಿಸುತ್ತಿರುವ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿವೆ. ಪ್ರಿಯಾಂಕಾ ಓವರ್‌ಕೋಟ್ ಮತ್ತು ಬನ್ನಿ ಕ್ಯಾಪ್‌ನೊಂದಿಗೆ ಕಾಣಿಸಿಕೊಂಡರೆ. ನಿಕ್, ಮತ್ತೊಂದೆಡೆ, ಬಾಂಬರ್ ಜಾಕೆಟ್ ಕ್ಯಾಶುಯಲ್‌ಗಳಲ್ಲಿ ಕಾಣಿಸಿಕೊಂಡರು. ಇದೀಗ ಜೋಡಿಗೆ ಫ್ಯಾನ್ಸ್‌ ಶುಭ ಹಾರೈಸಿದ್ದಾರೆ.
ಪ್ರಿಯಾಂಕಾ ಮತ್ತು ನಿಕ್ 2018ರ ಡಿಸೆಂಬರ್ 1ರಂದು ಮದುವೆಯಾದರು. ಸ್ನೇಹಿತರು ಮತ್ತು ಕುಟುಂಬ ಸದಸ್ಯರು ಮಾತ್ರ ಭಾಗವಹಿಸಿದ್ದರು. ಕೆಲವು ಆರೋಗ್ಯ ಸಮಸ್ಯೆಗಳ ಕಾರಣಕ್ಕೆ ಪ್ರಿಯಾಂಕಾ ಚೋಪ್ರಾ ಬಾಡಿಗೆ ತಾಯ್ತನದ ಮೂಲಕ ಮಗಳನ್ನು ಪಡೆದರು.
ಇದನ್ನೂ ಓದಿ: Priyanka Chopra: ಮಾಲತಿ ಲುಕ್ಕಿಂಗ್‌ ಲೈಕ್‌ ಎ ʻನಿಕ್ʼ ಅಂದ್ರು ನೆಟ್ಟಿಗರು; ಫೋಟೊ ವೈರಲ್!
2018ರಲ್ಲಿ ಮದುವೆಯಾದ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಾಸ್ 2022ರ ಜನವರಿಯಲ್ಲಿ ತಮಗೆ ಹೆಣ್ಣುಮಗು ಹುಟ್ಟಿದ್ದಾಗಿ ತಿಳಿಸಿದ್ದರು. ಹಾಗೇ, ಬಾಡಿಗೆ ತಾಯ್ತನದ ಮೂಲಕ ಮಗುವನ್ನು ಪಡೆದಿದ್ದಾಗಿಯೂ ಹೇಳಿದ್ದರು. ಈ ಒಂದು ವರ್ಷದಲ್ಲಿ ಪ್ರಿಯಾಂಕಾ ಚೋಪ್ರಾ ಮಗುವನ್ನು ಎತ್ತಿಕೊಂಡಿರುವ ಫೋಟೊಗಳು ವೈರಲ್ ಆಗಿದ್ದರೂ ಕೂಡ ಮಗುವಿನ ಮುಖ ಬಹಿರಂಗವಾಗಿರಲಿಲ್ಲ. ಬಳಿಕ ಪ್ರಿಯಾಂಕಾ ಮಗುವಿನ ಮುಖವನ್ನು ರಿವೀಲ್‌ ಮಾಡಿದರು.
ಪ್ರಿಯಾಂಕಾ ಚೋಪ್ರಾ (Priyanka Chopra) ಜೋನಸ್ ಇತ್ತೀಚೆಗೆ ಲಾಸ್ ಏಂಜಲೀಸ್‌ನಲ್ಲಿ ಮುದ್ದಿನ ಮಗಳು ಮಾಲತಿ ಮೇರಿ ಚೋಪ್ರಾ ಜೋನಾಸ್ ಅವರೊಂದಿಗೆ ಕಂಡಿದ್ದಾರೆ. ಕ್ಯಾಶುಯಲ್ ಮತ್ತು ಸ್ಪೋರ್ಟಿ ಉಡುಗೆಯಲ್ಲಿ ಮುದ್ದಾಗಿ ಕಾಣುತ್ತಿದ್ದರು ಪ್ರಿಯಾಂಕಾ. ಮಗಳನ್ನು ಎತ್ತಿಕೊಂಡು ಹೊರಟ ಪ್ರಿಯಾಂಕಾ ಫೋಟೊ ವೈರಲ್ ಅಗುತ್ತಿದ್ದಂತೆ, ʻಮಾಲತಿ ಲುಕ್ಕಿಂಗ್‌ ಲೈಕ್‌ ಎ ನಿಕ್ʼ ಎಂದು ಕಮೆಂಟ್‌ ಮಾಡಿದ್ದಾರೆ ನೆಟ್ಟಿಗರು. ವರದಿಗಳ ಪ್ರಕಾರ, ರಣವೀರ್ ಸಿಂಗ್ ಜತೆಗೆ ಡಾನ್ 3 ನಲ್ಲಿ ನಟಿಸಲು ಪ್ರಿಯಾಂಕಾ ಅವರನ್ನು ಸಂಪರ್ಕಿಸಲಾಗಿದೆ ಎನ್ನಲಾಗಿದೆ. ಹಿಂದಿನ ಎರಡು ಅಧ್ಯಾಯಗಳು ಕೂಡ ಅವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.