ಬೆಂಗಳೂರು: ನಿಕ್ ಜೋನಾಸ್ ಅವರು ಪ್ರಿಯಾಂಕಾ ಚೋಪ್ರಾ (Priyanka Chopra) ಜತೆಗಿನ ಕೆಲವು ರೊಮ್ಯಾಂಟಿಕ್ ಚಿತ್ರಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ. ಜೋಡಿ ಲಂಡನ್‌ನಲ್ಲಿ ನಡೆದ ಸಿಟಾಡೆಲ್ ಪ್ರೀಮಿಯರ್‌ ಶೋಗೆ ಹಾಜರಾಗಿತ್ತು. ಪ್ರಿಯಾಂಕಾ ಆಫ್ ಶೋಲ್ಡರ್ ರೆಡ್ ಗೌನ್‌ನಲ್ಲಿ ಕಂಗೊಳಿಸಿದರೆ, ನಿಕ್ ಕಪ್ಪು ಸೂಟ್‌ನಲ್ಲಿ ಮಿಂಚಿದ್ದಾರೆ. ನಿಕ್ ಹಂಚಿಕೊಂಡ ಚಿತ್ರಗಳಲ್ಲಿ, ಇಬ್ಬರು ಲಿಫ್ಟ್‌ನಲ್ಲಿ ರೊಮ್ಯಾಂಟಿಕ್ ಮೂಡ್‌ನಲ್ಲಿ ಇರುವುದರ ಜತೆ ಬಾಲ್ಕನಿಯಲ್ಲಿ ಪೋಸ್ ನೀಡಿದ್ದು ಕಾಣಬಹುದು.
ಮೊದಲ ಚಿತ್ರದಲ್ಲಿ ಜೋಡಿ ಚುಂಬಿಸಲಿರುವಂತೆ, ಎರಡನೆಯ ಚಿತ್ರದಲ್ಲಿ ಬಾಲ್ಕನಿಯಲ್ಲಿ ಕ್ಲಿಕ್ಕಿಸಿದ ಫೋಟೊದಲ್ಲಿ ಪ್ರಿಯಾಂಕಾ ಅವರು ನಿಕ್ ಜೋನಸ್ ಮುಖದ ಮೇಲೆ ಕೈ ಇಟ್ಟು ಮುದ್ದಿಸುವಂತಿದೆ. ನಿಕ್ ಫೋಟೊಗಳನ್ನು ಹಂಚಿಕೊಂಡು ʻʻಅಭಿನಂದನೆ ನನ್ನ ಪ್ರೀತಿಯ ಪ್ರಿಯಾಂಕ ಚೋಪ್ರಾ. ಸಿಟಾಡೆಲ್‌ನ ಸಂಪೂರ್ಣ ಪಾತ್ರವರ್ಗಕ್ಕೆ ಅಭಿನಂದನೆಗಳು. ಏಪ್ರಿಲ್ 28ರಂದು ಅಮೆಜಾನ್‌ನಲ್ಲಿ ಸ್ಟ್ರೀಮ್ ಮಾಡಲಾಗುತ್ತಿದೆʼʼ ಎಂದು ಬರೆದುಕೊಂಡಿದ್ದಾರೆ.
ಅಭಿಮಾನಿಯೊಬ್ಬರು ಪೋಸ್ಟ್‌ಗೆ ಕಾಮೆಂಟ್ ಮಾಡಿದ್ದಾರೆ, “ಪಿಗ್ಗಿ ಕೆಂಪು ಉಡುಪಿನಲ್ಲಿ ಅದ್ಭುತವಾಗಿ ಕಾಣುತ್ತಿದ್ದಾರೆʼʼ ಎಂದು ಬರೆದರೆ ಇನ್ನೊಬ್ಬರು ʻʻನಿಜವಾಗಿಯೂ ಪ್ರೀತಿಸುತ್ತಿರುವಂತೆ ತೋರುವ ಸೆಲೆಬ್ರಿಟಿ ಜೋಡಿಗಳನ್ನು ನೀವು ನೋಡುವುದು ಅಪರೂಪ. ಜೊನಸ್ ಸಹೋದರರು ನಿಜವಾದ ಪ್ರೀತಿಯನ್ನು ಹೊಂದಿದ್ದಾರೆ ʼʼಎಂದು ಬರೆದುಕೊಂಡಿದ್ದಾರೆ. ʻʻನೀವು ಹೀಗೆ ಬೆಂಬಲಿಸುತ್ತಿರಿ, ಪ್ರೀತಿಸಿʼʼ ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: Priyanka Chopra: RRR ತಮಿಳು ಸಿನಿಮಾ ಅಂದಿದಕ್ಕೆ ಪಿಗ್ಗಿ ಟ್ರೋಲ್‌: ತಪ್ಪುಗಳನ್ನೇ ಹುಡುಕುವುದು ಕೆಲವರಿಗೆ ಕೆಲಸ ಎಂದ ನಟಿ!
ನಿಕ್ ಜೋನಾಸ್ ಪೋಸ್ಟ್‌
ಈವೆಂಟ್‌ನಲ್ಲಿ ಪ್ರಿಯಾಂಕಾ ಅವರ ಸಿಟಾಡೆಲ್ ಸಹನಟ ರಿಚರ್ಡ್ ಮ್ಯಾಡೆನ್, ನಟಿಯ ತಾಯಿ ಡಾ ಮಧು ಚೋಪ್ರಾ, ಭಾರತೀಯ ಆವೃತ್ತಿಯ ತಾರೆಗಳಾದ ವರುಣ್ ಧವನ್ ಮತ್ತು ಸಮಂತಾ ರುತ್ ಪ್ರಭು, ಹಾಗೂ ಅವರ ಪಾತ್ರವರ್ಗದ ಸದಸ್ಯರು, ನಿರ್ದೇಶಕರುಗಳಾದ ರಾಜ್ ಮತ್ತು ಡಿಕೆ ಸಿಟಾಡೆಲ್ ಲಂಡನ್ ಪ್ರೀಮಿಯರ್‌ನಲ್ಲಿ ಭಾಗವಹಿಸಿದರು.
2018ರಲ್ಲಿ ನಿಕ್ ಜೋನಸ್ ಅವರನ್ನು ಮದುವೆ ಆದ ಬಳಿಕ ಪ್ರಿಯಾಂಕಾ ಚೋಪ್ರಾ ಅವರು ಅಮೆರಿಕಕ್ಕೆ ಶಿಫ್ಟ್ ಆದರು. ಕೆಲವೇ ದಿನಗಳ ಹಿಂದೆ ಅವರು ಮುಂಬೈನಲ್ಲಿನ ಆಸ್ತಿ ಮಾರಿದ್ದಾರೆ.