ಬೆಂಗಳೂರು: ಸ್ಯಾಂಡಲ್‌ವುಡ್‌ ʻಮತ್ಸ್ಯಗಂಧʼ ಘಮಲು ದಿನೇ ದಿನೇ ಹೆಚ್ಚಾಗುತ್ತಿದೆ. ಚಿತ್ರಮಂದಿರದಲ್ಲಿ ಭರ್ಜರಿ ಮೀನೂಟಕ್ಕೆ ಎಲೆ ಹಾಸಲಾಗುತ್ತಿದೆ. ʻಮತ್ಸ್ಯಗಂಧʼ ಅಡುಗೆಯ ಪರಿಮಳ ಪ್ರೇಕ್ಷಕರ ಬಾಯಲ್ಲಿ ನೀರೂರಿಸುತ್ತಿದೆ. ಅಂತಹ ಬಗೆ ಬಗೆಯ (Pruthvi Ambaar) ಕಂಟೆಂಟ್‌ಗಳನ್ನು ಚಿತ್ರತಂಡ ಒಂದೊಂದಾಗಿ ರಿಲೀಸ್ ಮಾಡುತ್ತಿದೆ. ʻಕಡಲ ಒಡಲ ಮೇಲೆʼ ಎನ್ನುವ ಹಾಡು ರಿಲೀಸ್ ಆಗಿದೆ.
ಪ್ರಶಾಂತ್ ಸಿದ್ದಿ ಸಂಗೀತ, ದೇವರಾಜ್ ಪೂಜಾರಿ ಸಾಹಿತ್ಯ, ಹೇಮಂತ್ ಹಾಡಿರುವ ಈ ಹಾಡು ʻಮತ್ಸ್ಯಗಂಧʼ ಚಿತ್ರದ ಮೇಲೆ ಮತ್ತಷ್ಟು ಕುತೂಹಲ ಹೆಚ್ಚಿಸಿದೆ. ಈಗಾಗಲೇ ʻಮತ್ಸ್ಯಗಂಧʼ ಟೀಸರ್ 1.4 ಮಿಲಿಯನ್ ದಾಟಿದೆ. ಇದೇ ತಿಂಗಳು 23ಕ್ಕೆ ರಾಜ್ಯದಾದ್ಯಂತ ರಿಲೀಸ್ ಆಗುತ್ತಿದೆ. ಇದೀಗ ರಿಲೀಸ್ ಆಗಿರುವ ಕಡಲ ಒಡಲ ಹಾಡು ಚಿತ್ರದ ಒಟ್ಟೂ ಚಿತ್ರಣವನ್ನು ವಿವರಿಸುತ್ತಿದೆ.
ಕನ್ನಡ ಪಿಚ್ಚರ್ ಅರ್ಪಿಸುವ ಸಹ್ಯಾದ್ರಿ ಪ್ರೊಡಕ್ಷನ್ಸ್ ಬ್ಯಾನರ್ ನಡಿಯಲ್ಲಿ ಬಿ.ಎಸ್ ವಿಶ್ವನಾಥ್ ನಿರ್ಮಾಣದಲ್ಲಿ ಮತ್ಸ್ಯಗಂಧ ತಯಾರಾಗಿದೆ. ಈ ಚಿತ್ರವನ್ನ ದೇವರಾಜ್ ಪೂಜಾರಿ ನಿರ್ದೇಶಿಸಿದ್ದು, ಪ್ರಶಾಂತ್ ಸಿದ್ದಿ ಸಂಗೀತ ಸಂಯೋಜಿಸಿದ್ದಾರೆ. ಪ್ರವೀಣ್ ಛಾಯಾಗ್ರಹಣ ಚಿತ್ರಕ್ಕಿದೆ.
ಪೃಥ್ವಿ ಅಂಬಾರ್, ಭಜರಂಗಿ ಲೋಕಿ, ನಾಗರಾಜ್ ಬೈಂದೂರ್, ಪ್ರಶಾಂತ್ ಸಿದ್ದಿ, ಶರತ್ ಲೋಹಿತಾಶ್ವ, ಮೈಮ್ ರಾಮದಾಸ್ ಸೇರಿದಂತೆ ಪ್ರತಿಭಾನ್ವಿತ ತಾರಾಬಳ ಈ ಚಿತ್ರದಲ್ಲಿದೆ.
ಇದನ್ನೂ ಓದಿ: Pruthvi Ambaar: ಮತ್ತೆ ಪ್ರೇಮಕಥೆಯತ್ತ ಪೃಥ್ವಿ ಅಂಬಾರ್; ‘ಜೂನಿ’ ಸಿನಿಮಾದ ಫಸ್ಟ್ ಲುಕ್ ರಿಲೀಸ್
ಪೃಥ್ವಿ ಅಂಬಾರ್ ಅವರ ‘ಜೂನಿ’ ಮತ್ತು ‘ಫಾರ್ ರಿಜಿಸ್ಟ್ರೇಷನ್’ ಎಂಬ ಎರಡು ಸಿನಿಮಾಗಳು ಬಿಡುಗಡೆಗೆ ರೆಡಿಯಾಗಿವೆ. ಈ ಮಧ್ಯೆ ‘ಮತ್ಸ್ಯಗಂಧ’ ಚಿತ್ರ ಕೂಡ ಸದ್ದು ಮಾಡುತ್ತಿದೆ. ಈ ಚಿತ್ರದ ಮೂಲಕ ಖಾಕಿ ಖದರ್ನಲ್ಲಿ ಅಬ್ಬರಿಸಲು ದಿಯಾ ಸ್ಟಾರ್ ರೆಡಿಯಾಗಿದ್ದಾರೆ.