ಬೆಂಗಳೂರು: ಡಾ. ಪುನೀತ್ ರಾಜ್‌ಕುಮಾರ್‌ ಅಭಿನಯದ ಕೊನೆಯ ಕಮರ್ಷಿಯಲ್ ಚಿತ್ರ ಮತ್ತೊಂದು ಬ್ಲಾಕ್‌ ಬಸ್ಟರ್‌ ಆಗುವ ಮುನ್ಸೂಚನೆ ನೀಡಿದೆ. ‘ಲಕ್ಕಿ ಮ್ಯಾನ್’ (Puneeth lucky man) ರಿಲೀಸ್‌ಗೆ ಕೌಂಟ್‌ಡೌನ್‌ ಶುರುವಾಗಿದ್ದು, ಎಲ್ಲೆಲ್ಲೂ ಅಪ್ಪು ಅಬ್ಬರ ಶುರು ಆಗಿದೆ.
ಮತ್ತೊಂದು ಕಡೆ ‘ಜೇಮ್ಸ್’ ರೀತಿ ಲಕ್ಕಿ ಮ್ಯಾನ್ ಸಿನಿಮಾಗೂ ಅಪ್ಪು ಫ್ಯಾನ್ಸ್ ಪ್ರಮೋಷನ್‌ ಮಾಡುತ್ತಿದ್ದಾರೆ. ಇದೇ ಹೊತ್ತಲ್ಲಿ ಮತ್ತೊಂದು ಸಿಹಿ ಸುದ್ದಿ ಸಿಕ್ಕಿದ್ದು, ಅಭಿಮಾನಿಗಳು ಮತ್ತಷ್ಟು ಖುಷಿಯಾಗಿದ್ದಾರೆ.
ಅಂದಹಾಗೆ ಕಾಕತಾಳೀಯ ಎಂಬಂತೆ ಲಕ್ಕಿ ಮ್ಯಾನ್ ಬಿಡುಗಡೆ ದಿನಾಂಕ & ಭಕ್ತ ಪ್ರಹ್ಲಾದ ಸಿನಿಮಾ ಮಧ್ಯೆ ಲಿಂಕ್‌ ಮ್ಯಾಚ್‌ ಆಗುತ್ತಿದೆ. ಚಂದನವನದಲ್ಲಿ 4 ದಶಕಗಳ ಹಿಂದೆ ಹೊಸ ಇತಿಹಾಸ ನಿರ್ಮಿಸಿದ್ದ ಭಕ್ತ ಪ್ರಹ್ಲಾದ ಸಿನಿಮಾದ ರಿಲೀಸ್ ಡೇಟ್‌ಗೂ ಲಕ್ಕಿ ಮ್ಯಾನ್ ಬಿಡುಗಡೆ ದಿನಾಂಕಕ್ಕೂ ನಂಟು ಬೆಸಿದಿದೆ. ಇದೇ ವಿಚಾರ ಸೊಷಿಯಲ್‌ ಮೀಡಿಯಾದಲ್ಲೂ ಟ್ರೆಂಡ್‌ ಕ್ರಿಯೇಟ್ ಮಾಡಿದೆ.
ಹಬ್ಬದ ವಾತಾವರಣ
ಅಪ್ಪು ಫ್ಯಾನ್ಸ್ ‘ಜೇಮ್ಸ್’ ಸಿನಿಮಾ ರಿಲೀಸ್ ದಿನವನ್ನು ಹಬ್ಬದಂತೆ ಸೆಲೆಬ್ರೇಟ್ ಮಾಡಿದ್ದರು. ಇದಾದ ಬಳಿಕ ‘ಗಂಧದಗುಡಿ’ ಡಾಕ್ಯುಮೆಂಟರಿ ಬಿಟ್ಟರೆ ಅಪ್ಪು ನಟಿಸಿರೋ ಕೊನೆಯ ಕಮರ್ಷಿಯಲ್ ಸಿನಿಮಾ ‘ಲಕ್ಕಿ ಮ್ಯಾನ್’. ಹೀಗಾಗಿಯೇ ಫ್ಯಾನ್ಸ್ ಕುತೂಹಲದಿಂದ ಸಿನಿಮಾ ನೋಡಲು ಕಾಯುತ್ತಿದ್ದಾರೆ. ಸೆಪ್ಟೆಂಬರ್‌ 9ಕ್ಕೆ ಸಿನಿಮಾ ತೆರೆಗೆ ಬರಲಿದೆ. ಈಗಾಗಲೇ ‘ಲಕ್ಕಿ ಮ್ಯಾನ್’ ವಿತರಣೆ ಹಕ್ಕುಗಳು ಸೋಲ್ಡ್ ಔಟ್ ಆಗಿದ್ದು, ನೂರಾರು ಸ್ಕ್ರೀನ್‌ನಲ್ಲಿ ಸಿನಿಮಾ ರಿಲೀಸ್ ಆಗಲಿದೆ.
ಇದನ್ನೂ ಓದಿ: Sudeep Puneeth | ಸುದೀಪ್-ಪುನೀತ್ ಬಾಂಧವ್ಯಕ್ಕೆ ಸಾಕ್ಷಿಯಾಯ್ತು ಹುಟ್ಟುಹಬ್ಬ ಸಂಭ್ರಮ
ಭರ್ಜರಿ ಪ್ರಚಾರ
ತಮಿಳಿನ ‘ಓ ಮೈ ಕಡವುಲೇ’ ರಿಮೇಕ್ ಈ ‘ಲಕ್ಕಿ ಮ್ಯಾನ್’. ಇನ್ನೂ ‘ಓ ಮೈ ಕಡವುಲೇ’ ಚಿತ್ರದಲ್ಲಿ ವಿಜಯ್ ಸೇತುಪತಿ ನಟಿಸಿದ್ದಾರೆ. ವಿಜಯ್ ಸೇತುಪತಿ ಅವರ ಪಾತ್ರವನ್ನು ‘ಲಕ್ಕಿ ಮ್ಯಾನ್’ ಸಿನಿಮಾದಲ್ಲಿ ಪುನೀತ್ ರಾಜ್‌ಕುಮಾರ್‌ ನಿರ್ವಹಿಸಿದ್ದಾರೆ. ಹೀಗಾಗಿ ‘ಲಕ್ಕಿ ಮ್ಯಾನ್’ ಬಗ್ಗೆ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಆಗಿದೆ. ಈ ವರ್ಷದ ಆರಂಭದಲ್ಲಿ ‘ಲವ್ ಮಾಕ್ಟೇಲ್-2’ ಮೂಲಕ ಭರ್ಜರಿ ಓಪನಿಂಗ್ ಪಡೆದಿದ್ದ ಡಾರ್ಲಿಂಗ್ ಕೃಷ್ಣಗೆ ಮತ್ತೊಂದು ಹಿಟ್ ಲಕ್ಕಿ ಮ್ಯಾನ್ ಮೂಲಕ ಸಿಗುವ ಎಲ್ಲಾ ಸಾಧ್ಯತೆ ದಟ್ಟವಾಗಿದೆ.
ಮೀನಾಕ್ಷಿ ಸುಂದರಂ, ಕಾಮರಾಜ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ‘ಲಕ್ಕಿ ಮ್ಯಾನ್’ ತಾರಾಬಳಗ ಕೂಡ ದೊಡ್ಡದಾಗಿದೆ. ಸುಂದರ್‌ ರಾಜ್, ರಂಗಾಯಣ ರಘು, ನಾಗಭೂಷಣ್, ಸುಧಾ ಬೆಳವಾಡಿ, ಸಾಧುಕೋಕಿಲ ಹಾಗೂ ರೋಶನಿ ಸೇರಿದಂತೆ ಸ್ಟಾರ್ಗಳ ದಂಡೇ ಚಿತ್ರದಲ್ಲಿ ನಟಿಸಿದೆ. ಈಗಾಗಲೇ ‘ಲಕ್ಕಿ ಮ್ಯಾನ್’ ಟೀಸರ್ ಹಾಗೂ ಸಾಂಗ್ಸ್ ಸಖತ್ ಸದ್ದು ಮಾಡುತ್ತಿದ್ದು, ಚಿತ್ರದ ವಿತರಣೆ ಹಕ್ಕು ಬಿಸಿ ದೋಸೆಯಂತೆ ಸೋಲ್ಡ್ ಔಟ್ ಆಗಿದೆ. ಇದರ ಜೊತೆಗೆ ಟಿಕೆಟ್‌ ಕೂಡ ಸಿಕ್ಕಾಪಟ್ಟೆ ಡಿಮ್ಯಾಂಡ್‌ ಕ್ರಿಯೇಟ್ ಮಾಡಿದ್ದು, ಗಲ್ಲಾ ಪೆಟ್ಟಿಗೆಯಲ್ಲಿ ಹೊಸ ದಾಖಲೆ ಸೃಷ್ಟಿಯಾಗೋದು ಪಕ್ಕಾ.
ಇದನ್ನೂ ಓದಿ: Sudeep birthday | ಹುಟ್ಟುಹಬ್ಬದ ದಿನವೇ ಜಗ ಮೆಚ್ಚುವ ಕಾರ್ಯಕ್ಕೆ ಕಿಚ್ಚ ಸುದೀಪ್ ಸಿದ್ಧ!