ಬೆಂಗಳೂರು: ಐಕಾನ್‌ ಸ್ಟಾರ್‌ ಅಲ್ಲು ಅರ್ಜುನ್ ಹಾಗೂ ನ್ಯಾಷನಲ್‌ ಕ್ರಶ್‌ ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ : ದಿ ರೈಸ್ ಸಿನಿಮಾದ ಭಾರಿ ಯಶಸ್ಸಿನ ನಂತರ ʻಪುಷ್ಪಾ: ದಿ ರೂಲ್ʼ( Pushpa 2: The Rule) ಚಿತ್ರೀಕರಣ ಪ್ರಾರಂಭಗೊಂಡಂತಿದೆ. ಆಗಸ್ಟ್ 22ರಂದು ಪುಷ್ಪಾ-೨ ಸಿನಿಮಾ ಮುಹೂರ್ತವನ್ನು ಚಿತ್ರತಂಡ ಹಮ್ಮಿಕೊಂಡಿತ್ತು. ಇದೀಗ ಪೋಸ್ಟರ್ ತಯಾರಿಯಲ್ಲಿ ಇರುವಂತಿದೆ ಚಿತ್ರತಂಡ.
ʻಪುಷ್ಪಾ: ದಿ ರೈಸ್ʼ ಸಕ್ಸೆಸ್‌ ನಂತರ ಮತ್ತೆ ಅಲ್ಲು ಅರ್ಜುನ್ ಮತ್ತು ರಶ್ಮಿಕಾ ಮಂದಣ್ಣ ಒಂದಾಗುತ್ತಿದ್ದಾರೆ. ಈ ಕುರಿತು ಮೈತ್ರಿ ಮೂವಿ ಮೇಕರ್ಸ್‌ ಪೋಸ್ಟ್‌ ಒಂದನ್ನು ಈ ಹಿಂದೆ ಹಂಚಿಕೊಂಡಿತ್ತು. “ಪುಷ್ಪರಾಜ್ ಈಸ್ ಬ್ಯಾಕ್! ಈ ಬಾರಿ ರೂಲ್ #PushpaTheRuleʼʼ ಎಂದು ಹಂಚಿಕೊಂಡಿತ್ತು. ಇದೀಗ ಈ ಕುರಿತು ಮೈತ್ರಿ ಮೂವಿ ಮೇಕರ್ಸ್‌ ಫೋಟೊ ಒಂದನ್ನು ಹಂಚಿಕೊಂಡಿದ್ದು, ಪೋಸ್ಟರ್ ಶೂಟ್‌ ತಯಾರಿಯಲ್ಲಿ ಇರುವಂತಿದೆ. ಚಿತ್ರದಲ್ಲಿ ನಿರ್ದೇಶಕ ಸುಕುಮಾರ್‌, ಸೆಲೆಬ್ರಿಟಿ ಫೋಟೊಗ್ರಾಫರ್‌ ಅವಿಗೋವಾರಿಕರ್, ಪೋಸ್ಟರ್ ಡಿಸೈನರ್ ಟ್ಯೂನಿಜಾನ್ ಮತ್ತು ಇಡೀ ತಂಡ ಕಾಣಿಸಿಕೊಂಡಿದೆ.
ಇದನ್ನೂ ಓದಿ | Allu Arjun | ಅಲ್ಲು ಅರ್ಜುನ್ ಫ್ಯಾಮಿಲಿ ಶುರು ಮಾಡಿದೆ ಸ್ಟುಡಿಯೊ: ಪುಷ್ಪ 2 ಶೂಟಿಂಗ್‌ ತಡವಾಗಿದ್ದೇಕೆ?
ಸಿನಿ ರಸಿಕರಲ್ಲಿ ಎರಡನೇ ಪಾರ್ಟ್‌ ಹೇಗಿರಲಿದೆ ಎಂಬ ಕೂತೂಹಲ ಹೆಚ್ಚಾಗಿದ್ದು, ಸಾಕಷ್ಟು ತಯಾರಿ ಮೂಲಕ ನಿರ್ದೇಶಕ ಸುಕುಮಾರ್‌ ಶೂಟಿಂಗ್‌ ಆರಂಭಿಸುತ್ತಿದ್ದಾರೆ ಎನ್ನಲಾಗುತ್ತಿದೆ. 2021ರಲ್ಲಿ ಚಿತ್ರ ಬಿಡುಗಡೆಗೊಂಡು ಬಾಕ್ಸ್‌ ಆಫೀಸ್‌ನಲ್ಲಿ ಸಾಕಷ್ಟು ಸದ್ದು ಮಾಡಿತ್ತು. ಮೊದಲ ಪಾರ್ಟ್‌ನಲ್ಲಿ ಮಲಯಾಳಂ ಚಿತ್ರರಂಗದ ಫಹಾದ್‌ ಫಾಸಿಲ್‌ ಮತ್ತು ಕನ್ನಡ ಚಿತ್ರರಂಗದ ಡಾಲಿ ಧನಂಜಯ್‌ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಪುಷ್ಪಾ: ದಿ ರೈಸ್ ಸಿನಿಮಾ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಸದ್ದು ಮಾಡಿತ್ತು. ಇಲ್ಲಿಯವರೆಗೆ ಪ್ರೇಕ್ಷಕರು ನೋಡಿರುವುದು ಅರ್ಧ ಕಥೆ ಮಾತ್ರ. ಕಥಾ ನಾಯಕನ ಬದುಕಿನಲ್ಲಿ ಮುಂದೇನಾಯಿತು ಎಂಬುದನ್ನು ತಿಳಿಯುವ ಕುತೂಹಲ ಪ್ರೇಕ್ಷಕರಿಗೆ ಇದೆ.
ಹೊಸ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿರುವ ಅಲ್ಲು
ʻಪುಷ್ಪಾ: ದಿ ರೂಲ್ʼ ಚಿತ್ರದಲ್ಲಿ ಅಲ್ಲು ಅರ್ಜುನ್ ಅವರು ಹೊಂದಲಿರುವ ಹೊಸ ಗೆಟಪ್‌ ಅಭಿಮಾನಿಗಳಲ್ಲಿ ಕುತೂಹಲ ಹುಟ್ಟಿಸಿದೆ. ಈ ಹಿಂದೆ ಸಿಗಾರ್‌ ಹಿಡಿದು, ಸಾಲ್ಟ್‌-ಪೆಪ್ಪರ್‌ ಲುಕ್‌ನಲ್ಲಿದ್ದ ಚಿತ್ರವನ್ನು ಅಲ್ಲು ಹಂಚಿಕೊಳ್ಳುತ್ತಿದ್ದಂತೆಯೇ, ಅಭಿಮಾನಿಗಳು ಕುತೂಹಲ ತೋರಿದ್ದರು. ಟ್ಯಾಟೂಗಳನ್ನು ಹೊಂದಿರುವ ಮತ್ತು ಕಿವಿ ಚುಚ್ಚಿಕೊಂಡಿರುವ ಚಿತ್ರಗಳನ್ನೂ ಅವರು ಹಂಚಿಕೊಂಡಿದ್ದರು.
ಇದನ್ನೂ ಓದಿ | Pushpa 2: The Rule | ಅಲ್ಲುಅರ್ಜುನ್‌ ಅಭಿಮಾನಿಗಳಿಗೆ ಸಿಹಿ ಸುದ್ದಿ: ಸೆಟ್ಟೇರಲು ಸಜ್ಜಾದ ಪುಷ್ಪರಾಜ್!