ಬೆಂಗಳೂರು; ‘ಸಂಜು ವೆಡ್ಸ್ ಗೀತಾ 2’ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿಗೆ ಜತೆಯಾಗಿ ರಚಿತಾ ರಾಮ್ (Rachita Ram) ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದ ಫೋಟೊಶೂಟ್ ನಡೆದಿದೆ. ಫೋಟೊಶೂಟ್ಗೆ ಇಟ್ಟಿದ್ದ ಬೆಂಚ್ ಹತ್ತಲು ಸರ್ಕಸ್ ಮಾಡಿದ್ದಾರೆ ರಚಿತಾ. ಆಗ ಅವರು ಜಾರಿದ್ದಾರೆ. ಬೆಂಗಳೂರಿನ ಟೊರೆನೋ ಫ್ಯಾಕ್ಟರಿಯಲ್ಲಿ ಫೋಟೊಶೂಟ್ ನಡೆದಿದೆ. ಇದೀಗ ರಚಿತಾ ಬಿದ್ದಿರುವ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.
ಈ ಸಿನಿಮಾಗೆ ನಾಗಶೇಖರ್‌ ಅವರ ನಿರ್ದೇಶನವಿದೆ. ರಚಿತಾ ರಾಮ್ ಅವರು ರಮ್ಯಾ ಅವರ ಪಾತ್ರವನ್ನು ತುಂಬುತ್ತಿರುಬುದು ಇದೇನು ಮೊದಲಲ್ಲ. ಈ ಹಿಂದೆ ದುನಿಯಾ ವಿಜಯ್ ನಟನೆಯ ‘ಜಾನಿ’ (Johnny) ಸಿನಿಮಾದಲ್ಲಿ ರಮ್ಯಾ ನಾಯಕಿಯಾಗಿ ನಟಿಸಿದ್ದರು. ‘ಊರಿಗೊಬ್ಬಳೇ ಪದ್ಮಾವತಿ’ ಹಾಡಿನ ಮೂಲಕ ಪಡ್ಡೆಗಳ ನಿದ್ದೆ ಕದ್ದಿದ್ದರು. ಈ ಸಿನಿಮಾ ‘ಜಾನಿ ಜಾನಿ ಯೆಸ್ ಪಪ್ಪಾ’ ಹೆಸರಿನಲ್ಲಿ ಪಾರ್ಟ್ 2 ಬಂತು. ಆದರೆ, ಈ ಸಿನಿಮಾದಲ್ಲಿ ನಟಿಸಲು ರಮ್ಯಾ ನಿರಾಕರಿಸಿದ್ದರು. ಹಾಗಾಗಿ ರಚಿತಾ ರಾಮ್ ಅವರಿಗೆ ಅವಕಾಶ ಒದಗಿ ಬಂತು.
ಇದನ್ನೂ ಓದಿ: Sanju Weds Geeta 2 : ಸಂಜು ವೆಡ್ಸ್ ಗೀತಾ 2ನಲ್ಲಿ ರಮ್ಯಾ ಇಲ್ಲ; ನಿರ್ದೇಶಕರು ಕೊಟ್ಟ ಕಾರಣ ಹೀಗಿದೆ!
ಸಂಜು ವೆಡ್ಸ್ ಗೀತಾ ಸಿನಿಮಾ ಮಾಡುವ ಆರಂಭದಲ್ಲಿ ಹಣದ ಅಭಾವವೂ ಇತ್ತು. ನಿರ್ಮಾಣದ ಹಿಂದೆ ಒಂದಲ್ಲ ಎರಡಲ್ಲ, ಹಲವು ರೋಚಕ ಕಥೆಗಳಿವೆ ಎಂದು ವೀಕೆಂಡ್‌ ವಿತ್‌ ರಮೇಶ್‌ ಶೋದಲ್ಲಿ ರಮ್ಯಾ ಹೇಳಿಕೊಂಡಿದ್ದರು. ಸಂಜು ವೆಡ್ಸ್ ಗೀತಾ ಚಿತ್ರ ಮತ್ತೆ ಆರಂಭ ಆಗಲು ರಮ್ಯಾ ಹಣ ಕೊಟ್ಟಿದ್ದರಂತೆ. ಬಳಿಕ ಈ ಸಿನಿಮಾ ಸೂಪರ್ ಡೂಪರ್ ಹಿಟ್ ಕೂಡ ಆಯಿತು.