ಬೆಂಗಳೂರು: ಹೇಮಂತ್ ರಾವ್ ನಿರ್ದೇಶನದ ರಕ್ಷಿತ್ ಶೆಟ್ಟಿ (Rakshit Shetty) ಅಭಿನಯಿಸಿದ ʻಸಪ್ತ ಸಾಗರದಾಚೆ ಎಲ್ಲೊʼ (Sapta Sagaradaache Ello) ಸಿನಿಮಾ ಸೆಪ್ಟೆಂಬರ್ 1ರಂದು (rukmini vasanth) ರಾಜ್ಯಾದ್ಯಂತ ಅದ್ಧೂರಿಯಾಗಿ ತೆರೆ ಕಂಡಿದೆ. ಎರಡನೇ ಭಾಗ ಸೈಡ್ ಬಿ ಅಕ್ಟೋಬರ್ 20ರಂದು ಬಿಡುಗಡೆಯಾಗಲಿದೆ. ಚಿತ್ರತಂಡ ಬಿಡುಗಡೆಗೂ ಹಿಂದಿನ ದಿನವೇ ಚಿತ್ರದ ಪ್ರೀಮಿಯರ್ ಶೋಗಳನ್ನು ಆಯೋಜಿಸಿತ್ತು. ಸೆಲೆಬ್ರಿಟಿ ಪ್ರೀಮಿಯರ್ ಶೋಗಳು ಮಾತ್ರವಲ್ಲದೇ ಸಾಮಾನ್ಯ ಸಿನಿ ರಸಿಕರಿಗೂ ಸಹ ಪ್ರೀಮಿಯರ್ ಶೋಗಳನ್ನು ವೀಕ್ಷಿಸಲು ಅವಕಾಶ ಕಲ್ಪಿಸಿಕೊಟ್ಟಿತ್ತು. ಇದೀಗ ಸಿನಿಮಾ ನೋಡಿ ಪ್ರೇಕ್ಷಕರು ಮೆಚ್ಚುಗೆ ಸೂಚಿಸಿದ್ದಾರೆ. ಇದೊಂದು ದೃಶ್ಯಕಾವ್ಯ ಎಂದು ಹಾಡಿ ಹೊಗಳಿದ್ದಾರೆ.
ʻʻಸಪ್ತಸಾಗರದಾಚೆ ಎಲ್ಲೊ ದೃಶ್ಯಕಾವ್ಯ. ರಕ್ಷಿತ್ ಶೆಟ್ಟಿ ಅಮೋಘ. ರುಕ್ಮಿಣಿ ಶೆಟ್ಟರುಗಿಂತ ಒಂದು ಕೈ ಮೇಲು ಅಭಿನಯದಲ್ಲಿ. ಚರಣ್‌ರಾಜ್‌ ಅವರ ಹಿನ್ನೆಲೆ ಸಂಗೀತ ಅದ್ಭುತ. ಎಲ್ಲೆಲ್ಲೂ ಸಿಗ್ನೇಚರ್ ಸ್ಟೈಲ್ʼʼಎಂದು ಒಬ್ಬರು ಬರೆದುಕೊಂಡಿದ್ದಾರೆ.
ಮತ್ತೊಬ್ಬರು ʻʻನಿಜವಾದ ಪ್ರೀತಿಗಾಗಿ ಒಬ್ಬ ಪ್ರೇಮಿಯೂ ಸಪ್ತ ಸಾಗರದಾಚೆ ಎಲ್ಲೊ ಹೋಗಿ ಹುಡುಕುವ, ಸಪ್ತ ಜನ್ಮಗಳನ್ನು ಅವಳಿಗಾಗಿ ಕಾಯುವʼʼಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Rakshit Shetty: ‘SSE’ ಬಿಡುಗಡೆಗೆ ಒಂದು ದಿನ ಮೊದಲೇ ಪ್ರೇಕ್ಷಕರಿಗೆ ಹಬ್ಬ; ಎಲ್ಲೆಲ್ಲಿ ಪ್ರದರ್ಶನ? ಟಿಕೆಟ್‌ ದರ ಎಷ್ಟು?
ಸಪ್ತ ಸಾಗರದಾಚೆ ಎಲ್ಲೊ ಸಿನಿಮಾ ಕಂಡು ಫ್ಯಾನ್ಸ್ ಭಾಗ 2 ಯಾವಾಗ ಎಂದು ಟ್ವೀಟ್‌ ಮಾಡಲು ಶುರು ಮಾಡಿದ್ದಾರೆ. ಪ್ರೇಕ್ಷಕರ ಜತೆ ಸಿನಿಮಾ ವೀಕ್ಷಿಸಲು ತ್ರಿವೇಣಿ ಥಿಯೇಟರ್‌ಗೆ ನಟಿ ರುಕ್ಮಿಣಿ ಆಗಮಿಸಿದ್ದಾರೆ,.ಡೊಳ್ಳು ಕುಣಿತದಿಂದ ನಟಿ ರುಕ್ಮಿಣಿ ಅವರನಬ್ನು ಸ್ವಾಗತಿಸಿದ್ದಾರೆ ನೃತ್ಯ ಕಲಾವಿದರು. ಮಗನ ಸಿನಿಮಾ ವೀಕ್ಷಿಸಲು ಥಿಯೇಟರ್‌ಗೆ ರಕ್ಷಿತ್ ತಂದೆ ಶ್ರೀಧರ್ ಶೆಟ್ಟಿ ಹಾಗು ತಾಯಿ ರಂಜಿನಿ ಶೆಟ್ಟಿ ಆಗಮಿಸಿದ್ದಾರೆ.
ಟ್ರೈಲರ್ನಲ್ಲಿ ನಾಯಕಿ ಪಾತ್ರ ವಹಿಸಿರುವ ರುಕ್ಮಿಣಿ ವಸಂತ್ ಅವರ ಧ್ವನಿಯೇ ಕೇಳಿ ಬರುತ್ತಿದೆ. ಅವರೇ ಕತೆಯನ್ನು ನಿರೂಪಣೆ ಮಾಡಿದಂತಿದೆ. ಸರಳವಾಗಿ ಕಾಣುವ ಅವರು ತಮ್ಮ ಪಾತ್ರದಲ್ಲಿ ತುಸು ಹೆಚ್ಚು ತಲ್ಲೀನರಾಗಿದ್ದಾರೆ. ರಕ್ಷಿತ್ ಶೆಟ್ಟಿ ಲವರ್ ಬಾಯ್ ಆಗಿ, ದುರಂತ ನಾಯಕನಾಗಿ ಮಿಂಚಿದ್ದಾರೆ. ವಿಭಿನ್ನವಾದ ಹೇರ್ಸ್ಟೈಲ್ ಮೂಲಕವೂ ಅವರು ಗಮನ ಸೆಳೆದಿದ್ದಾರೆ.
ಚರಣ್ ರಾಜ್ ಅವರ ಹಿನ್ನೆಲೆ ಸಂಗೀತ ಟ್ರೈಲರ್ನಲ್ಲಿ ಮೇಳೈಸಿದೆ. ಹಿತ ಮತ್ತು ಮಿತವಾಗಿರುವ ಸಂಗೀತ ವೀಕ್ಷಕನ ಮನಕ್ಕೆ ನಾಟುವಂತಿದೆ. ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ, ರುಕ್ಮಿಣಿ ವಸಂತ್ ಜತೆಗೆ ಅಚ್ಯುತ್ ಕುಮಾರ್, ಅವಿನಾಶ್, ಚೈತ್ರಾ ಆಚಾರ್ ಇನ್ನೂ ಕೆಲವರು ನಟಿಸಿದ್ದಾರೆ. ಸಿನಿಮಾ ನಿರ್ಮಾಣ ಮಾಡಿರುವುದು ಸ್ವತಃ ರಕ್ಷಿತ್ ಶೆಟ್ಟಿ.