ಬೆಂಗಳೂರು: ʻನೆನೆ ರಾಜು ನೇನೆ ಮಂತ್ರಿʼ ಯಶಸ್ಸಿನ ನಂತರ ನಟ ರಾಣಾ ದಗ್ಗುಬಾಟಿ ನಿರ್ದೇಶಕ ತೇಜ ಜತೆ ಮತ್ತೆ ಕೈ ಜೋಡಿಸಿದ್ದಾರೆ. ರಾಣಾ ಅವರ ಜನ್ಮದಿನದಂದು, ನಟ ತನ್ನ ಮುಂದಿನ ಪ್ರಾಜೆಕ್ಟ್ ರಾಕ್ಷಸ ರಾಜ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ. ರಾಣಾ ಚಿತ್ರದ ಫಸ್ಟ್ ಲುಕ್ ಕೂಡ ಬಿಡುಗಡೆ ಮಾಡಿದ್ದಾರೆ. ರೆಟ್ರೊ ಶೈಲಿಯಲ್ಲಿ ವಿನ್ಯಾಸಗೊಳಿಸಲಾದ ಪೋಸ್ಟರ್‌ನಲ್ಲಿ, ನಟ ಭುಜದ ಮೇಲೆ ಬಂದೂಕನ್ನು ಹಿಡಿದಿರುವುದು ಕಾಣಬಹುದು.
ರಾಕ್ಷಸ ರಾಜ ಸಿನಿಮಾದ ಪಾತ್ರವರ್ಗವನ್ನು ಇನ್ನೂ ಚಿತ್ರತಂಡ ಘೋಷಿಸಿಲ್ಲ. ಈ ಫಸ್ಟ್ ಲುಕ್ ಔಟ್‌ ಆದ ಬಳಿಕ ನೆಟ್ಟಿಗರು ಟೀಕೆ ಮಾಡಿದ್ದಾರೆ. ನೆಟ್ಟಿಗರೊಬ್ಬರು “ರಾಣಾ ಅವರ ಇದುವರೆಗಿನ ಚಲನಚಿತ್ರಗಳಲ್ಲಿ ಕೆಟ್ಟ ಪೋಸ್ಟರ್ ವಿನ್ಯಾಸ ಇದು” ಎಂದು ಕಮೆಂಟ್‌ ಮಾಡಿದ್ದಾರೆ, ಮತ್ತೊಬ್ಬರು ʻʻಟ್ವಿಟ್ಟರ್‌ನಿಂದ ಪೋಸ್ಟರ್ ಡಿಲಿಟ್‌ ಮಾಡಿ ಏಕೆಂದರೆ ಇದು ಭಯಾನಕವಾಗಿದೆʼʼಎಂದು ಕಮೆಂಟ್‌ ಮಾಡಿದ್ದಾರೆ.
ನೇನೆ ರಾಜು ನೇನೆ ಮಂತ್ರಿ 2017ರಲ್ಲಿ ಬಿಡುಗಡೆಯಾಯಿತು. ಕಾಜಲ್ ಅಗರ್ವಾಲ್ ಮತ್ತು ಕ್ಯಾಥರೀನ್ ತ್ರೇಸಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಈ ವರ್ಷದ ಆರಂಭದಲ್ಲಿ ತೆರೆಕಂಡ ತೇಜ ಅವರ ಕೊನೆಯ ಚಿತ್ರ ಅಹಿಂಸಾದಲ್ಲಿ ರಾಣಾ ಅವರ ಸಹೋದರ ಅಭಿರಾಮ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು.
ಇದನ್ನೂ ಓದಿ: Rana Daggubati : ಬಾಹುಬಲಿಗಾಗಿ 400 ಕೋಟಿ ಸಾಲ ಪಡೆದಿದ್ದರಾ ರಾಜಮೌಳಿ? ರಾಣಾ ದಗ್ಗುಬಾಟಿ ಹೇಳಿದ್ದೇನು?
ದುಲ್ಕರ್ ಸಲ್ಮಾನ್ ಸಿನಿಮಾಗೆ ರಾಣಾ ದಗ್ಗುಬಾಟಿ ಸಾಥ್‌!
ಮಾಲಿವುಡ್‌ ನಟ ದುಲ್ಕರ್ ಸಲ್ಮಾನ್ (Dulquer Salmaan) ಅವರ ಮುಂಬರುವ ಬಹುಭಾಷಾ ಚಿತ್ರಕ್ಕೆ ‘ಕಾಂತಾ’ ಎಂದು ಹೆಸರಿಡಲಾಗಿದೆ. ಈ ಚಿತ್ರವನ್ನು ‘ನಿಲಾ’ ಖ್ಯಾತಿಯ ಸೆಲ್ವಮಣಿ ಸೆಲ್ವರಾಜ್ ನಿರ್ದೇಶಿಸಿದ್ದಾರೆ. ರಾಣಾ ದಗ್ಗುಬಾಟಿ ಮತ್ತು ದುಲ್ಕರ್ ಸಲ್ಮಾನ್ ತಮ್ಮ ನಿರ್ಮಾಣ ಸಂಸ್ಥೆಗಳಾದ ಸ್ಪಿರಿಟ್ ಮೀಡಿಯಾ ಮತ್ತು ವೇಫೇರರ್ ಫಿಲ್ಮ್ಸ್ ಮೂಲಕ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ.
ಈ ಬಗ್ಗೆ ದುಲ್ಕರ್ ಸಲ್ಮಾನ್ ಮಾತನಾಡಿ ʻʻಕಾಂತಾ’ ನನ್ನ ಹೃದಯಕ್ಕೆ ತುಂಬಾ ಹತ್ತಿರವಾಗಿದೆ. ನಾನು ಕಥೆಯನ್ನು ಕೇಳಿದ ದಿನದಿಂದ ಇದನ್ನು ಜೀವಂತವಾಗಿ ತರಲು ಉತ್ಸುಕನಾಗಿದ್ದೇನೆ. ಏಕೆಂದರೆ ಇದರಲ್ಲಿನ ಪಾತ್ರ ಭಿನ್ನವಾಗಿದೆ. ಸ್ಪಿರಿಟ್ ಮೀಡಿಯಾ ಜತೆಗೆ ಸಿನಿಮಾ ನಿರ್ಮಿಸಲು ಮತ್ತು ನನ್ನ ವೃತ್ತಿಜೀವನದಲ್ಲಿ ಅತ್ಯಂತ ಸವಾಲಿನ ಪಾತ್ರಗಳಲ್ಲಿ ಒಂದನ್ನು ನಿರ್ವಹಿಸಲು ನಾನು ಖಂಡಿತವಾಗಿಯೂ ಎದುರುನೋಡುತ್ತಿರುವ ರೋಚಕ ಪ್ರಯಾಣವಾಗಿದೆ” ಎಂದಿದ್ದರು.