ಬೆಂಗಳೂರು: ರಣಬೀರ್ ಕಪೂರ್ (Ranbir Kapoor) ಮತ್ತು ರಶ್ಮಿಕಾ ಮಂದಣ್ಣ ತಮ್ಮ ಮುಂಬರುವ ಚಿತ್ರ ʻಅನಿಮಲ್ʼ ಬಿಡುಗಡೆಗೆ ಸಜ್ಜಾಗುತ್ತಿದ್ದಾರೆ. ಇದೀಗ ಚಿತ್ರತಂಡ ಸಿನಿಮಾದ ಹೊಸ ಹಾಡನ್ನು ಬಿಡುಗಡೆ ಮಾಡಿದ್ದಾರೆ. ʻಸತ್ರಂಗʼ ಎಂಬ ಶೀರ್ಷಿಕೆಯ ಈ ಹಾಡನ್ನು ಅರಿಜಿತ್ ಸಿಂಗ್ ಹಾಡಿದ್ದಾರೆ. ಈ ಹಾಡಿನಲ್ಲೂ ಲಿಪ್ ಲಾಕ್ ದೃಶ್ಯ ಇದೆ. ರಶ್ಮಿಕಾ ಮಂದಣ್ಣ ರಣಬೀರ್‌ಗಾಗಿ ಕರ್ವಾ ಚೌತ್ ಆಚರಿಸುವುದರೊಂದಿಗೆ ಪ್ರಾರಂಭವಾಗುತ್ತದೆ ಮತ್ತು ನಂತರ ಕ್ರಮೇಣ ಅವರ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳನ್ನು ಪ್ರಸ್ತುತಪಡಿಸುತ್ತದೆ. ಈ ಹಾಡಿನಲ್ಲಿಯೂ ಲಿಪ್ ಲಾಕ್ ಸೀನ್‌ ಹೈಲೈಟ್‌ ಆಗಿದೆ.
ಈ ಹಿಂದೆ, ರಾಘವ್ ಚೈತನ್ಯ ಮತ್ತು ಪ್ರೀತಮ್ ಹಾಡಿರುವ ʻಹುವಾ ಮೈʼ ಶೀರ್ಷಿಕೆಯ ಹಾಡನ್ನು ಬಿಡುಗಡೆಗೊಳಿಸಿದ್ದರು. ಸಾಹಿತ್ಯವನ್ನು ಮನೋಜ್ ಮುಂತಾಶಿರ್ ಶುಕ್ಲಾ ಬರೆದಿದ್ದಾರೆ. ಈ ಸಾಂಗ್ ರಿಲೀಸ್ ಆದ 15 ಗಂಟೆಯಲ್ಲಿ ಒಂದೂವರೆ ಕೋಟಿ ವೀಕ್ಷಣೆ ಕಂಡಿದೆ. ಈ ಸಿನಿಮಾದಲ್ಲಿರುವ ಲಿಪ್ ಲಾಕ್ ಸೀನ್‌ ಬಗ್ಗೆ ಭಾರಿ ಚರ್ಚೆಗಳು ಆಗುತ್ತಿವೆ.
ರಣಬೀರ್ ಕಪೂರ್ ತಂದೆಯಾಗಿ ಅನಿಲ್‌ ಕಪೂರ್ ಕಾಣಿಸಿಕೊಂಡಿದ್ದಾರೆ. ಸನ್ನಿ ಡಿಯೋಲ್‌ ಮುಖ್ಯ ಖಳನ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ʼʼಇದು ಕ್ರೈಮ್‌ ಡ್ರಾಮ ಮತ್ತು ತಂದೆ-ಮಗನ ಕಥೆ ಹೇಳುತ್ತದೆ. ಅಭಿಮಾನಿಗಳು ನಿರೀಕ್ಷಿಸದ ರೀತಿ ನನ್ನ ಪಾತ್ರ ಮೂಡಿ ಬಂದಿದೆ. ನನ್ನ ಪಾತ್ರಕ್ಕೆ ಸ್ವಲ್ಪ ನೆಗೆಟಿವ್‌ ಛಾಯೆಯೂ ಇದೆʼʼ ಎಂದು ರಣಬೀರ್ ಕಪೂರ್ ಹೇಳಿದ್ದು ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿಸಿದೆ.
ತೆಲುಗಿನ ಸಂದೀಪ್‌ ರೆಡ್ಡಿ ವಂಗಾ ನಿರ್ದೇಶನದ ʼಅನಿಮಲ್ʼ ಚಿತ್ರ ಡಿಸೆಂಬರ್‌ 1ರಂದು ತೆರೆಗೆ ಬರಲಿದೆ. ತೆಲುಗಿನ ʼಅರ್ಜುನ್‌ ರೆಡ್ಡಿʼ, ಹಿಂದಿಯ ʼಕಬೀರ್‌ ಸಿಂಗ್ʼ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿ ಗೆದ್ದ ಸಂದೀಪ್‌ ರೆಡ್ಡಿ ಹ್ಯಾಟ್ರಿಕ್‌ ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ.ವಿಕ್ಕಿ ಕೌಶಲ್ ಅಭಿನಯದ ಸ್ಯಾಮ್ ಬಹದ್ದೂರ್ ಜತೆ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಘರ್ಷಣೆ ಮಾಡಲಿದೆ.
ಇದನ್ನೂ ಓದಿ: Ranbir Kapoor: ರಣಬೀರ್ ಕಪೂರ್ ನಟನೆಯಿಂದ 6 ತಿಂಗಳು ಬ್ರೇಕ್‌ ಪಡೆದಿದ್ದೇಕೆ?
ವಾರಿಸುʼ ಚಿತ್ರದ ಮೂಲಕ ಈ ವರ್ಷಾರಂಭದಲ್ಲಿ ಗೆಲುವು ದಾಖಲಿಸಿದ್ದ ರಶ್ಮಿಕಾ ಮಂದಣ್ಣ ಕೂಡ ʼಅನಿಮಲ್ʼ ಮೂಲಕ ಮತ್ತೊಮ್ಮೆ ಮ್ಯಾಜಿಕ್‌ ಮಾಡುವ ನಿರೀಕ್ಷೆಯಲ್ಲಿದ್ದಾರೆ. ಕಳೆದ ವರ್ಷ ಅಮಿತಾಭ್ ನಟನೆಯ ʼಗುಡ್‌ ಬೈʼ ಸಿನಿಮಾ ಮೂಲಕ ಭರ್ಜರಿಯಾಗಿ ಬಾಲಿವುಡ್‌ ಪ್ರವೇಶಿಸಿದ್ದ ರಶ್ಮಿಕಾಗೆ ಆ ಚಿತ್ರದ ಮೂಲಕ ನಿರೀಕ್ಷಿತ ಗೆಲುವು ದಕ್ಕಿರಲಿಲ್ಲ. ಬಳಿಕ ಸಿದ್ಧಾರ್ಥ್‌ ಮಲ್ಹೋತ್ರಾ ಜತೆಗೆ ನಟಿಸಿದ್ದ ʼಮಿಷನ್‌ ಮಜ್ನುʼ ಒಟಿಟಿ ಮೂಲಕ ರಿಲೀಸ್ ಆಗಿತ್ತು. ಇತ್ತ ರಣಬೀರ್ ಕಪೂರ್ ಕೂಡ ದೊಡ್ಡದೊಂದು ಗೆಲುವಿಗೆ ಕಾಯುತ್ತಿದ್ದಾರೆ. ಕಳೆದ ವರ್ಷ ತೆರೆಕಂಡ ʼಬ್ರಹ್ಮಾಸ್ತ್ರ ʼ ಚಿತ್ರ ಸಾಧಾರಣ ಯಶಸ್ವಿಯಾಗಿತ್ತು. ಈ ವರ್ಷ ಬಿಡುಗಡೆಯಾದ ʼತು ಜೂಟಿ ಮೆ ಮಕ್ಕಾರ್‌ʼ ಚಿತ್ರ ಕೂಡ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಲವ್‌ ರಂಜನ್‌ ನಿರ್ದೇಶನದ ಈ ಚಿತ್ರದಲ್ಲಿ ಶ್ರದ್ಧಾ ಕಪೂರ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು