ಬೆಂಗಳೂರು: ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ (Deepika Padukone) ʻಟೈಮ್ʼ ಮ್ಯಾಗಜಿನ್‌ (Time magazine) ಕವರ್‌ ಪೇಜ್‌ನಲ್ಲಿ ಕಾಣಿಸಿಕೊಂಡಿದ್ದು, ‘ಗ್ಲೋಬಲ್ ಸ್ಟಾರ್‌ ಆಗಿ ಹೊರಹೊಮ್ಮಿದ್ದಾರೆ. ಇದೀಗ ರಣವೀರ್ ಸಿಂಗ್ ದೀಪಿಕಾ ಅವರ ಮ್ಯಾಗಜಿನ್‌ ಕವರ್‌ ಫೋಟೊವನ್ನು ತಮ್ಮ ಇನ್‌ಸ್ಟಾದಲ್ಲಿ ಪೋಸ್ಟ್‌ ಮಾಡಿ ‘ಬೇಬಿಗರ್ಲ್’ ಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ಇವರಿಬ್ಬರ ನಡುವೆ ಸರಿಯಲ್ಲ ಎಂಬುವರ ಬಾಯಿ ಮುಚ್ಚಿಸಿದ್ದಾರೆ ರಣವೀರ್.
ಕೆಲವು ದಿನಗಳ ಹಿಂದೆ ಜೋಡಿ ಎಲ್ಲಾದರೂ ಕಾಣಿಸಿಕೊಂಡರೆ, ಇವರಿಬ್ಬರ ನಡುವೆ ಎಲ್ಲವೂ ಸರಿಯಾಗಿಲ್ಲ ಎಂದು ಅಭಿಮಾನಿಗಳು ಸೋಷಿಯಲ್‌ ಮೀಡಿಯಾದಲ್ಲಿ ವ್ಯಕ್ತಪಡಿಸುತ್ತಿದ್ದರು. ಇದೀಗ ರಣವೀರ್ ಪತ್ನಿಯ ಮ್ಯಾಗಜಿನ್‌ ಕವರ್‌ ಫೋಟೊಶೂಟ್‌ ಪೋಸ್ಟ್‌ ಮಾಡಿ ಶ್ಲಾಘಿಸಿದ್ದಾರೆ. ದೀಪಿಕಾ ಅವರ ಮ್ಯಾಗಜಿನ್‌ ಕವರ್‌ ಫೋಟೊ ಹಂಚಿಕೊಂಡು “ಇಡಿ ಜಗತ್ತು ನಿನ್ನ ಪಾದತಲದಲ್ಲಿದೆ! ನಿನ್ನ ಬಗ್ಗೆ ಹೆಮ್ಮೆಯಿದೆ, ಬೇಬಿಗರ್ಲ್!ʼʼ ಎಂದು ಇನ್‌ಸ್ಟಾದಲ್ಲಿ ರಣವೀರ್ ಸಿಂಗ್ ಬರೆದುಕೊಂಡಿದ್ದಾರೆ.
ಅಭಿಮಾನಿಗಳು ಇದೀಗ ಫುಲ್‌ ಖುಷ್‌ ಆಗಿದ್ದಾರೆ. ಒಬ್ಬರು ರಣವೀರ್ ಅವರ ಪೋಸ್ಟ್‌ಗೆ “ಕ್ಯೂಟೀಸ್” ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬರು “ರಣವೀರ್ ತುಂಬ ಅದೃಷ್ಟವಂತ” ಎಂದು ಬರೆದಿದ್ದಾರೆ.
ಟೈಮ್ ಮ್ಯಾಗಜಿನ್‌ ಕವರ್‌ ಪೇಜ್‌ನಲ್ಲಿ ದೀಪಿಕಾ
2018ರಲ್ಲಿ, ಟೈಮ್ಸ್‌ನ ಅತ್ಯಂತ ಪ್ರಭಾವಶಾಲಿ ಪಟ್ಟಿಯಲ್ಲಿ ನಿಯತಕಾಲಿಕೆಯಿಂದ ಗೌರವಿಸಲ್ಪಟ್ಟ ಜನರಲ್ಲಿ ದೀಪಿಕಾ ಕೂಡ ಒಬ್ಬರು. ದೀಪಿಕಾ ಅವರನ್ನು ‘ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶದ ಅತ್ಯಂತ ಜನಪ್ರಿಯ ನಟಿ’ ಎಂದು ಕರೆಯಲಾಗುತ್ತದೆ. ದೀಪಿಕಾ ನಿರೂಪಕಿಯಾಗಿ ಫಿಫಾ ವಿಶ್ವಕಪ್ ಟ್ರೋಫಿಯನ್ನು ಅನಾವರಣ ಮಾಡಿದ ಮೊದಲ ಭಾರತೀಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ.
ಇದನ್ನೂ ಓದಿ: Deepika Padukone: ʻಟೈಮ್ʼ ಮ್ಯಾಗಜಿನ್‌ ಕವರ್‌ ಪೇಜ್‌ನಲ್ಲಿ ಮಿಂಚಿದ ದೀಪಿಕಾ ಪಡುಕೋಣೆ
ಮೆಂಟಲ್ ಹೆಲ್ತ್ ಕ್ಷೇತ್ರಕ್ಕೆ ನೀಡಿದ ಮಹತ್ವದ ಕೊಡುಗೆಗಾಗಿ ದೀಪಿಕಾ ಪಡುಕೋಣೆ ಅವರಿಗೆ ಟೈಮ್ 100 ಇಂಪ್ಯಾಕ್ಟ್ ಪ್ರಶಸ್ತಿ ನೀಡಿ ಗೌರವಿಸಿದೆ. ಈಗ ಟೈಮ್ ಮ್ಯಾಗಜಿನ್‌ ಕವರ್‌ ಪೇಜ್‌ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ದೀಪಿಕಾ ಪಡುಕೋಣೆ ಟೈಮ್‌ನಿಂದ ಎರಡು ಬಾರಿ ಗೌರವಿಸಲ್ಪಟ್ಟ ಏಕೈಕ ಭಾರತೀಯ ಸೆಲೆಬ್ರಿಟಿ ಆಗಿದ್ದಾರೆ.
ದೀಪಿಕಾ ಮುಂಬರುವ ಯೋಜನೆಯಾದ ʻಪ್ರಾಜೆಕ್ಟ್ ಕೆʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ಯಾನ್-ಇಂಡಿಯಾ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾವಾದ ʻಪ್ರಾಜೆಕ್ಟ್ ಕೆʼ ಯಲ್ಲಿ ನಟ ಪ್ರಭಾಸ್ ಎದುರು ಕಾಣಿಸಿಕೊಳ್ಳಲಿದ್ದಾರೆ. ಸಿದ್ಧಾರ್ಥ್ ಆನಂದ್ ಅವರ ಮುಂದಿನ ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ ʻಫೈಟರ್ʼ ಸಿನಿಮಾದಲ್ಲಿ ಹೃತಿಕ್ ರೋಷನ್ ಜತೆ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ವರ್ಷದ ಅತಿ ದೊಡ್ಡ ಹಿಟ್ ಸಿನಿಮಾವಾದ ಪಠಾಣ್‌ ಬಳಿಕ ಸಿದ್ಧಾರ್ಥ್ ಆನಂದ್ ಅವರೊಂದಿಗೆ ಇದು ಎರಡನೇ ಯೋಜನೆ ಅವರದ್ದಾಗಿದೆ. ಮುಂದಿನ ವರ್ಷ ಜನವರಿ 25ರಂದು ಬಿಡುಗಡೆಯಾಗಲಿರುವ ಫೈಟರ್ ಸಿನಿಮಾದಲ್ಲಿ, ಕರಣ್ ಸಿಂಗ್ ಗ್ರೋವರ್ ಮತ್ತು ಅಕ್ಷಯ್ ಒಬೆರಾಯ್ ಕೂಡ ನಟಿಸಲಿದ್ದಾರೆ.