ಬಾಲಿವುಡ್ ನಟಿ ರವೀನಾ ಟಂಡನ್ (Raveena Tandon) ಅವರ ಪುತ್ರಿ ರಾಶಾ ಥಡಾನಿ (Rasha Thadani) ಮುಂಬೈನ ಧೀರೂಭಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್ನಿಂದ ಪದವಿ ಪಡೆದಿದ್ದಾರೆ. ರಾಶಾ ಥಡಾನಿ ಅವರು ಗ್ರ್ಯಾಜುಯೇಷನ್ ದಿನದ ಕೆಲವು ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.
ರವೀನಾ ಟಂಡನ್ ತಮ್ಮ ಮಗಳ ಪದವಿ ದಿನಗಳ ಚಿತ್ರದೊಂದಿಗೆ ಬಾಲ್ಯದ ಹಳೆಯ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಹಂಚಿಕೊಂಡ ರವೀನಾ ಸರಳವಾಗಿ ʻʻಸಮಯ ತುಂಬ ಬೇಗ ಕಳೆಯುತ್ತದೆ ಎಂಬುದು ನಿಜʼʼಎಂದು ಬರೆದುಕೊಂಡಿದ್ದಾರೆ. ಈ ಮೂಲಕ ಮಗಳ ಸಾಧನೆಯ ಬಗ್ಗೆ ಹೆಮ್ಮೆ ವ್ಯಕ್ತಪಡಿಸಿದ್ದಾರೆ.
ರವೀನಾ ಟಂಡನ್ ಅವರು 1995ರಲ್ಲಿ ಇಬ್ಬರು ಹೆಣ್ಣು ಮಕ್ಕಳನ್ನು ದತ್ತು ಪಡೆದಿದ್ದರು. 2004ರಲ್ಲಿ ಅನಿಲ್ ಥಡಾನಿ ಜತೆ ರವೀನಾ ಮದುವೆ ಆದರು. ಈ ದಂಪತಿಗೆ 2005ರಲ್ಲಿ ರಾಶಾ ಜನಿಸಿದರು. ಈಗ ರಾಶಾಗೆ 18 ವರ್ಷ ವಯಸ್ಸು.
ಈ ವರ್ಷ ಪದವಿ ಪಡೆದ ಸೆಲೆಬ್ರಿಟಿ ಕಿಡ್ ರಾಶಾ ಥಡಾನಿ ಮಾತ್ರವಲ್ಲ . ಮಾಧುರಿ ದೀಕ್ಷಿತ್ ಮತ್ತು ಡಾ ಶ್ರೀರಾಮ್ ನೆನೆ ಅವರ ಕಿರಿಯ ಮಗ ರಯಾನ್ ನೆನೆ ಕೂಡ ಅಮೆರಿಕನ್ ಸ್ಕೂಲ್ ಆಫ್ ಬಾಂಬೆ (ASB)ಯಿಂದ ಪದವಿ ಪಡೆದಿದ್ದಾರೆ.
ಮುಂಬೈನ ಧೀರೂಭಾಯಿ ಅಂಬಾನಿ ಇಂಟರ್ನ್ಯಾಷನಲ್ ಸ್ಕೂಲ್ನಿಂದ ಪದವಿ ಪಡೆದ ರಾಶಾ ಥಡಾನಿ ಅವರಿಗೆ ರವೀನಾ ಫ್ಯಾನ್ಸ್‌ ಸೇರಿದಂತೆ ಸೆಲೆಬ್ರಿಟಿಗಳು ಅಭಿನಂದನೆ ತಿಳಿಸುತ್ತಿದ್ದಾರೆ.