ಬೆಂಗಳೂರು: ದಿವಂಗತ ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್‌ ಸರ್ಜಾ ಅವರ ಪುತ್ರ ರಾಯನ್‌ ಕೂಡಾ ಈಗ ಸಖತ್‌ ಫೇಮಸ್‌! ಅವನ ವಿಡಿಯೊಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ಸದ್ದು ಮಾಡುತ್ತವೆ. ಈಗ ಅಂತಹದ್ದೇ ಒಂದು ವಿಡಿಯೊ ಎಲ್ಲ ಕಡೆ ಗಮನ ಸೆಳೆಯುತ್ತಿದೆ.
ಇದನ್ನು ಓದಿ| ಯುವ ಸಾಮ್ರಾಟ್ ಚಿರು ಅಗಲಿಕೆಗೆ ಎರಡು ವರ್ಷ: ಪತಿಯನ್ನು ಭಾವುಕವಾಗಿ ಮೇಘನಾ ನೆನಪಿಸಿಕೊಳ್ಳೋದು ಹೀಗೆ
ರಾಯನ್‌ ಗೆ ಈಗ ಒಂದು ವರ್ಷ ಎಂಟು ತಿಂಗಳು. ಅವನೀಗ ತೊದಲು ನುಡಿಯಲ್ಲಿ ಅಪ್ಪ, ಅಮ್ಮ,, ಅಜ್ಜಿ,, ತಾತ ಎಂದು ಕರೆಯಲು ಶುರು ಮಾಡಿದ್ದಾನೆ. 17 ಸೆಕೆಂಡ್‌ ಇರುವ ವಿಡಿಯೊದಲ್ಲಿ ಮೇಘನಾ ರಾಜ್‌ ಅವರು ಮಗನಿಗೆ ʻಅಮ್ಮ ʼ ಎಂದು ಹೇಳಿಕೊಡುತ್ತಿರುವುದನ್ನು ನೋಡಬಹುದು. ಆದರೆ, ಮೂರ್ನಾಲ್ಕು ಬಾರಿ ಅಮ್ಮ ಎಂದು ಹೇಳುವ ರಾಯನ್‌ ಕೊನೆಗೆ ಅಪ್ಪ ಎಂದು ಕ್ಯೂಟ್‌ ಆಗಿ ಹೇಳುತ್ತಾನೆ.
ಈ ವಿಡಿಯೊ ನೋಡಿದ ಚಿರಂಜೀವಿ ಸರ್ಜಾ ಅಭಿಮಾನಿಗಳು ಫುಲ್‌ ಖುಷಿ ಆಗಿದ್ದಾರೆ. ಈ ಹಿಂದೆ ಕೂಡ ಮೇಘನಾ ಅವರು ರಾಯನ್‌ ಮನೆಯಿಂದ ಹೊರಗೆ ಮಕ್ಕಳ ಜೊತೆ ಆಟವಾಡುತ್ತಿರುವ ವಿಡಿಯೋ ಶೇರ್‌ ಮಾಡಿ ಮಕ್ಕಳಿಂದ ಮೊಬೈಲ್‌ ದೂರ ಇಡಿ, ಮೈದಾನದಲ್ಲಿ ಬಿಡಿ ಎಂಬ ಸಂದೇಶವನ್ನು ನೀಡಿದ್ದರು.