ಬೆಂಗಳೂರು: ರೆಬೆಲ್ ಸ್ಟಾರ್‌ ಅಂಬರೀಶ್ (Ambarish) ಅವರಿಗೆ ಶ್ವಾನಗಳೆಂದರೆ ಬಹು ಪ್ರೀತಿ. ತಮ್ಮ ವೃತ್ತಿ ಜೀವನದಲ್ಲಿ ಬಹಳ ಖ್ಯಾತಿ ತಂದುಕೊಟ್ಟಿದ್ದ ಚಿತ್ರಗಳ ಫೇಮಸ್ ಡೈಲಾಗನ್ನೇ ಶ್ವಾನಗಳಿಗೆ ಹೆಸರಾಗಿಸಿದ್ದರು. ನಾಗರಹಾವು ಚಿತ್ರದ ನೆನಪಿನಲ್ಲಿ ಒಂದು ಶ್ವಾನಕ್ಕೆ ‘ಬುಲ್ ಬುಲ್’ ಹಾಗೂ ಮತ್ತೊಂದಕ್ಕೆ ‘ಕನ್ವರ್ ಲಾಲ್’ ಎಂದು ಹೆಸರಿಟ್ಟಿದ್ದರು. ಇದೀಗ ಬುಲ್ ಬುಲ್ ಶ್ವಾನ ಕೂಡಾ ಇನ್ನಿಲ್ಲವಾಗಿದೆ.
ಈ ಹಿಂದೆ ಅಷ್ಟೇ ಕನ್ವರ್ ನಾಯಿ ತೀರಿಕೊಂಡಿತ್ತು. ಕನ್ವರ್ ಅಂಬರೀಶ್ ಅವರ ಅಚ್ಚುಮೆಚ್ಚಿನ ನಾಯಿ ಆಗಿತ್ತು. ತಾವು ಸಾಕಿದ ಎರಡು ನಾಯಿಗಳಲ್ಲಿ ಬುಲ್ ಬುಲ್ ಕೂಡ ಒಂದು. ಬುಲ್ ಬುಲ್ ಮತ್ತು ಕನ್ವರ್ ಎರಡೂ ನಾಯಿಗಳು ರೆಬಲ್‌ ಸ್ವಾರ್‌ಗೆ ಅಚ್ಚು ಮೆಚ್ಚು.
ಇದನ್ನೂ ಓದಿ | Sumalatha | ಸುಮಲತಾ ಅಂಬರೀಶ್ ಜನುಮದಿನ: ಭರ್ಜರಿ ಗಿಫ್ಟ್‌ ಕೊಟ್ಟ ಅಭಿಷೇಕ್ ಅಂಬರೀಶ್!
ಅಂಬಿ ವಾಕಿಂಗ್ ಹೋದಾಗ ಕನ್ವರ್‌ನ ಜತೆಯಲ್ಲಿ ಕರೆದುಕೊಂಡು ಹೋಗುತ್ತಿದ್ದರು. ಮನೆಯಲ್ಲಿದ್ದಾಗಲೂ ”ಹೇ ಕನ್ವರ್” ಎಂದು ಕರೆದ ತಕ್ಷಣ ಎಲ್ಲಿದ್ದರೂ ಬಂದು ನಿಲ್ಲುತ್ತಿತ್ತು. ಅಂಬರೀಶ್ ಅವರು ನಿಧನದ ನಂತರ ಕನ್ವರ್ ಶ್ವಾನ ಊಟವನ್ನು ಬಿಟ್ಟಿತ್ತು. ತನ್ನ ಸಾಕಿದಾತ ಇನ್ನಿಲ್ಲ ಎನ್ನುವುದು ಅದರಿಂದ ಅರಗಿಸಿಕೊಳ್ಳಲು ಆಗಲಿಲ್ಲ. ಸರಿಯಾಗಿ ನಿದ್ದೆ ಇಲ್ಲದೆ ಊಟ ಬಿಟ್ಟು ಮಂಕಾಗಿ ಹೋಗಿತ್ತು. 2021ರ ಮೇ 24ರಂದು ಮೃತಪಟ್ಟಿತ್ತು.
ಆದರೆ, ಇಷ್ಟು ದಿನ ಬುಲ್ ಬುಲ್ ಶ್ವಾನ ಒಂಟಿಯಾಗಿತ್ತು. ಇದೀಗ ಎರಡೂ ಶ್ವಾನಗಳನ್ನೂ ಕಳೆದುಕೊಂಡಿರುವ ಅಂಬಿ ಕುಟುಂಬದಲ್ಲಿ ಮೌನ ಆವರಿಸಿದೆ.
ಇದನ್ನೂ ಓದಿ | Young Rebel Star ಅಭಿಷೇಕ್ ಅಂಬರೀಶ್ ‘ಕಾಳಿ’ ಫಸ್ಟ್‌ ಲುಕ್‌ ರಿವೀಲ್‌