ಬೆಂಗಳೂರು: ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಸದ್ಯ ಕಾಂತಾರ 2 ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಕಾಂತಾರಕ್ಕೂ ಮುಂಚೆ ರಿಷಬ್ ಬೆಲ್ ಬಾಟಂ-2 (Rishab Bell Bottom-2) ಬಗ್ಗೆ ಅನೌನ್ಸ್‌ ಮಾಡಿದ್ದರು. ಕನ್ನಡದ ಮಟ್ಟಿಗೆ ಈ ಸಿನಿಮಾ ಅದ್ಭುತ ಕಥೆಯನ್ನೆ ಹೊಂದಿತ್ತು. ಇದೇ ಕಥೆ ಬೇರೆ ಭಾಷೆಯಲ್ಲೂ ರಿಮೇಕ್ ಆಗಿರೋದು ಕನ್ನಡದ ಹೆಮ್ಮೆಯ ವಿಷಯವೇ ಸರಿ. ನಿರ್ದೇಶಕ ಜಯತೀರ್ಥ ಸ್ಕ್ರಿಪ್ಟ್ ಎಲ್ಲ ಈಗಾಗಲೇ ರೆಡಿ ಇದೆ. ಇನ್ನೇನು ಶೂಟಿಂಗ್ ಹೋಗಬೇಕಷ್ಟೇ ಎಂದು ಮಾಧ್ಯಮಕ್ಕೆ ಹೇಳಿಕೊಂಡಿದ್ದರು. ಇಷ್ಟು ದಿನವಾದ ಮೇಲೆ ಬೆಲ್ ಬಾಟಂ-2 ಸಿನಿಮಾ ಬಗ್ಗೆ ಹೊಸ ಅಪ್‌ಡೇಟ್‌ವೊಂದು ವೈರಲ್‌ ಆಗುತ್ತಿದೆ.
ಬೆಲ್‌ಬಾಟಂ ನಿರ್ಮಿಸಿದ ಸಂಸ್ಥೆಯು ಬೆಲ್ ಬಾಟಂ 2 ಸಿನಿಮಾವನ್ನು ದೊಡ್ಡ ಪ್ರಮಾನದಲ್ಲಿ ನಿರ್ಮಿಸಲಿದೆ ಎಂಬ ಸುದ್ದಿ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಕಾಂತಾರ ಸಿನಿಮಾದ ಕೆಲಸದಲ್ಲಿ ರಿಷಬ್ ಶೆಟ್ಟಿ ಬ್ಯುಸಿಯಾದ್ದರಿಂದ ಆ ಗ್ಯಾಪ್‌ನಲ್ಲಿ ನಿರ್ದೇಶಕ ಜಯತೀರ್ಥ ಕೈವ್ ಚಿತ್ರ ಶುರು ಮಾಡಿದರು. ಬೆಲ್ ಬಾಟಂ-2 ಸಿನಿಮಾದ ಬಗ್ಗೆನೂ ಪ್ರೇಕ್ಷಕರಿಗೆ ಭಾರೀ ನಿರೀಕ್ಷೆ ಇದೆ. ಕಾಂತಾರ ಸಿನಿಮಾದ ಮುಂಚೇನೆ ಈ ಚಿತ್ರ ಸೂಪರ್ ಹಿಟ್ ಆಗಿದೆ. ಕಾಂತಾರ-2 ಮತ್ತು ಬೆಲ್ ಬಾಟಂ-2 ಎರಡೂ ಸಿನಿಮಾ ಕುರಿತು ಈಗಲೇ ಭಾರೀ ಕುತೂಹಲ ಹುಟ್ಟಿಕೊಂಡಿದೆ.
ಇದನ್ನೂ ಓದಿ: Rishab Shetty : ಕಾಂತಾರ-2 ಸಿನಿಮಾ ಬಗ್ಗೆ ಅಪ್‌ಡೇಟ್‌ ಹಂಚಿಕೊಂಡ ರಿಷಬ್ ಶೆಟ್ಟಿ!
ಬದುಕು ಬದಲಿಸಿದ ಕಾಂತಾರ
ತಾವು ಹುಟ್ಟಿದ ಮಣ್ಣಿನ ಕತೆಯೊಂದನ್ನು ಹುಡುಕಿ ತೆಗೆದು ಕಾಂತಾರ ಸಿನಿಮಾ ಮಾಡಿದ ಬಳಿಕ ರಿಷಬ್ ಅವರ ಪೂರ್ಣ ಸಾಮರ್ಥ್ಯ ಜಗತ್ತಿಗೆ ಪರಿಚಯವಾಯಿತು. ಸಿನಿಮಾ ಬ್ಲಾಕ್ಬಸ್ಟರ್ ಹಿಟ್ ಆಗುವ ಮೂಲಕ ರಿಷಬ್ ಶೆಟ್ಟಿ ಎಂಬ ಕೆರಾಡಿ ಪ್ರತಿಭೆ ಜಗದ್ವಿಖ್ಯಾತಿ ಪಡೆಯಿತು. ಬಳಿಕ ಡಿವೈನ್ ಸ್ಟಾರ್ ಎಂಬ ಹೆಸರಿನಿಂದ ಕರೆಸಿಕೊಳ್ಳುತ್ತಿರುವ ಅವರು ಕಾಂತಾರ ಮೂಲಕ ಲಕ್ಷಾಂತರ ಅಭಿಮಾನಿಗಳನ್ನು ಗಿಟ್ಟಿಸಿಕೊಂಡಿದ್ದಾರೆ. ಅವರೀಗ ಎಲ್ಲೇ ಹೋದರೂ ಅಭಿಮಾನಿಗಳು ಅವರನ್ನು ಸುತ್ತುವರಿಯುತ್ತಾರೆ.