Site icon Vistara News

Rocky Aur Rani Kii Prem Kahaani: ಭಾವನೆಗಳ ರೋಲರ್ ಕೋಸ್ಟರ್ ಸಿನಿಮಾ ಅಂದ್ರು ಪ್ರೇಕ್ಷಕರು!

Yashaswi Devadiga
Rocky Aur Rani Kii Prem Kahaani Poster

ಬೆಂಗಳೂರು: ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ (Rocky Aur Rani Kii Prem Kahaani) ಜಲೈ 28ರಂದು ದೇಶಾದ್ಯಂತ ತೆರೆ ಕಂಡಿದೆ. ಕರಣ್ ಜೋಹರ್ ನಿರ್ದೇಶನದ ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರದ ಬಗ್ಗೆ ಪ್ರೇಕ್ಷಕರು ಮೆಚ್ಚುಗೆ ಸೂಚಿಸಿದ್ದಾರೆ. ಸಿನಿಮಾ ನಿಜಕ್ಕೂ ಅದ್ಭುತವಾಗಿದೆ’ ಎಂದು ಕೆಲವರು ಬರೆದುಕೊಂಡಿದ್ದಾರೆ. ‘ಈ ಸಿನಿಮಾ ಚೆನ್ನಾಗಿದೆ. ಆದರೆ, ಒಂದು ಹಾಡನ್ನು ಹೊರತುಪಡಿಸಿ ಮತ್ಯಾವುದೇ ಒಳ್ಳೆಯ ಹಾಡು ಇದರಲ್ಲಿ ಇಲ್ಲ’ ಎಂದು ಕೆಲವರು ಬರೆದುಕೊಂಡಿದ್ದಾರೆ. ಇನ್ನೂ ಕೆಲವರು ಇದೊಂದು ಟಿಪಿಕಲ್ ಬಾಲಿವುಡ್ ಸಿನಿಮಾ ಎಂದು ಕರೆದಿದ್ದಾರೆ .ರಣವೀರ್ ಅಭಿನಯ ತುಂಬ ಅದ್ಭುತವಾಗಿದೆ ಎಂತಲೂ ಪ್ರೇಕ್ಷಕರು ಟ್ವೀಟ್‌ ಮಾಡಿದ್ದಾರೆ.

ಒಬ್ಬರು ʻʻಇಂತಹ ಹೃದಯಸ್ಪರ್ಶಿ ಮತ್ತು ಆಕರ್ಷಕ ನಿರೂಪಣೆಯನ್ನು ಹೆಣೆದಿರುವ ನಿರ್ದೇಶಕರಿಗೆ ಜೈ ಹೋʼʼಎಂತಲೂ ಟ್ವೀಟ್‌ನಲ್ಲಿ (Rocky Aur Rani Kii Prem Kahaani twitter Review)ಬರೆದುಕೊಂಡಿದ್ದಾರೆ. ಈ ಚಿತ್ರವು ಭಾವನೆಗಳ ರೋಲರ್ ಕೋಸ್ಟರ್ ಆಗಿದೆ – ಪ್ರೀತಿ, ನಗು ಮತ್ತು ದುಃಖ ಎಲ್ಲವೂ ಸೇರಿಕೊಂಡಿದೆ ಎಂದು ಮತ್ತೊಬ್ಬರು ಟ್ವೀಟ್‌ ಮಾಡಿದ್ದಾರೆ.

ಶಾರುಖ್ ಖಾನ್ ನಟನೆಯ ‘ಪಠಾಣ್’ ಸಿನಿಮಾ ಸೂಪರ್ ಹಿಟ್ ಆಯಿತು. ಇದಾದ ಬಳಿಕ ಅಷ್ಟು ದೊಡ್ಡ ಮಟ್ಟದಲ್ಲಿ ಯಾವ ಸಿನಿಮಾ ಕೂಡ ಗಳಿಕೆ ಮಾಡಿಲ್ಲ. ಹೀಗಾಗಿ, ‘ರಾಕಿ ಔರ್​ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾದ ಗಳಿಕೆ 300 ಕೋಟಿ ರೂ. ದಾಟಲಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: Jaya Bachchan: ನಾನೇನು ಕಿವುಡಿ ಅಲ್ಲ ಎಂದು ಜಯಾ ಬಚ್ಚನ್ ಗರಂ ಆಗಿದ್ದೇಕೆ?

ಹೆಸರೇ ಸೂಚಿಸುವಂತೆ ಇದೊಂದು ಪ್ರೇಮ ಕಥೆ. ಬ್ರಹ್ಮಾಸ್ತ್ರ’, ‘ಭೂಲ್ ಭುಲಯ್ಯ 2’ ಸೇರಿ ಹಲವು ಸೂಪರ್ ಹಿಟ್ ಚಿತ್ರಗಳಿಗೆ ಸಂಗೀತ ಸಂಯೋಜನೆ ಮಾಡಿರುವ ಪ್ರೀತಮ್ ಅವರು ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ರಣವೀರ್ ರಾಕಿ ರಾಂಧವಾ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಆಲಿಯಾ ರಾಣಿ ಚಟರ್ಜಿ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಅವರಲ್ಲದೆ, ಈ ಚಿತ್ರದಲ್ಲಿ ಜಯಾ ಬಚ್ಚನ್, ಧರ್ಮೇಂದ್ರ ಮತ್ತು ಶಬಾನಾ ಅಜ್ಮಿ ಕೂಡ ನಟಿಸಿದ್ದಾರೆ. ಧರ್ಮ ಪ್ರೊಡಕ್ಷನ್ಸ್ ನಿರ್ಮಿಸಿದೆ.

Exit mobile version