ಬೆಂಗಳೂರು: ರಾಜಮೌಳಿ ನಿರ್ದೇಶನದ ʻಆರ್ಆರ್ಆರ್ʼ ಸಿನಿಮಾ (RRR Film) ಅಕ್ಟೋಬರ್ 21ರಂದು ಜಪಾನ್‌ನಲ್ಲಿ ರಿಲೀಸ್‌ ಆಗಿದೆ. ಅಲ್ಲಿಯೂ ಸಕ್ಸೆಸ್‌ ಕಂಡಿದ್ದು, ಜ್ಯೂ.ಎನ್ಟಿಆರ್ ಅವರನ್ನು ನೋಡಿ ಫ್ಯಾನ್ಸ್ ಭಾವುಕರಾಗಿದ್ದಾರೆ. ಜ್ಯೂ.ಎನ್ಟಿಆರ್ ಭೇಟಿ ಮಾಡಿ ಜಪಾನಿ ಅಭಿಮಾನಿಗಳು ಕಣ್ಣೀರಿಟ್ಟಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿದೆ.
ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಭಾರತದ ಮೂಲೆ ಮೂಲೆ ಕೋಟಿ ರೂ. ಕಲೆಕ್ಷನ್‌ ಮಾಡಿ ಗೆದ್ದಿತ್ತು. ಜಪಾನ್‌ನಲ್ಲಿಯೂ ಭರ್ಜರಿ ಪ್ರದರ್ಶನ ಕಾಣುತ್ತಿತ್ತು. ಸ್ಟಾರ್‌ಗಳನ್ನು ಜಪಾನಿಯರು ಬರಮಾಡಿಕೊಂಡಿದ್ದು, ಜ್ಯೂ. ಎನ್ಟಿಆರ್ ಅವರನ್ನು ಭೇಟಿಯಾದ ಕೆಲವರು ಭಾವುಕರಾಗಿದ್ದಾರೆ.
ಇದನ್ನೂ ಓದಿ | Vikram Film: ಬಿಡುಗಡೆ ಆದ ಕೆಲವೇ ಗಂಟೆಗಳಲ್ಲಿ ʼವಿಕ್ರಮ್‌ʼ ಸೋರಿಕೆ ಆಗಿದ್ದು ಹೇಗೆ?
ಅಕ್ಟೋಬರ್ ೨೧ರಿಂದ ಜಪಾನ್‌ನಲ್ಲಿ ಈ ಸಿನಿಮಾ ಧೂಳೆಬ್ಬಿಸಿದೆ. ಈ ರೀತಿಯ ಭಾರತೀಯ ಸಿನಿಮಾಗಳಿಗೆ ಜಪಾನ್‌ನಲ್ಲಿ ಬೇಡಿಕೆ ಹೆಚ್ಚು. ಈ ಹಿಂದೆ ರಾಜಮೌಳಿಯ ಬಾಹುಬಲಿ ಸಿನಿಮಾ ಸಹ ಕಲೆಕ್ಷನ್‌ವಿಚಾರದಲ್ಲಿ ದಾಖಲೆ ಬರೆದಿತ್ತು.
ಕೆಲ ಮೂಲಗಳ ಪ್ರಕಾರ ೨ಸಾವಿರಕ್ಕೂ ಅಧಿಕ ತೆರೆಗಳ ಮೇಲೆ ಈ ಸಿನಿಮಾ ಪ್ರದರ್ಶನ ಕಂಡಿದೆ. ಈ ವರೆಗೂ ೧೨೦೦ ಕೋಟಿ ರೂ.ಗಿಂತ ಅಧಿಕ ಹಣ ಕಲೆಕ್ಷನ್‌ ಮಾಡಿರುವ ಈ ಸಿನಿಮಾ, ಇದೀಗ ವಿದೇಶಿ ನೆಲದಲ್ಲಿಯೂ ದಾಖಲೆ ಬರೆಯಲು ಸಜ್ಜಾಗಿದೆ. ಆರ್ಆರ್ಆರ್ ೧೯೨೦ ರ ಸ್ವಾತಂತ್ರ್ಯ ಪೂರ್ವದ ಕಾಲ್ಪನಿಕ ಕಥೆಯಾಗಿದೆ ಮತ್ತು ಇದು ಇಬ್ಬರು ನೈಜ ವೀರರು ಮತ್ತು ಪ್ರಸಿದ್ಧ ಕ್ರಾಂತಿಕಾರಿಗಳಾದ ಅಲ್ಲೂರಿ ಸೀತಾರಾಮ ರಾಜು ಮತ್ತು ಕೊಮಾರಂ ಭೀಮ್ ಅವರ ಜೀವನವನ್ನು ಆಧರಿಸಿದೆ. ರಾಮ್ ಚರಣ್ ರಾಮನಾಗಿ ಕಾಣಿಸಿಕೊಂಡರೆ, ಎನ್ಟಿಆರ್ ಭೀಮನಾಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ | Dolly Dhananjay | ʻಹೆಡ್‌ ಬುಷ್‌ʼ ಸಿನಿಮಾದ ಮೊದಲ ದಿನದ ಕಲೆಕ್ಷನ್‌ ಎಷ್ಟು?