ಹೈದರಾಬಾದ್: ಎಸ್.ಎಸ್.ರಾಜಮೌಳಿ ನಿರ್ದೇಶನದ ಆರ್.ಆರ್.ಆರ್ ಸಿನಿಮಾ (RRR Movie) ಈಗಾಗಲೇ ಹಲವಾರು ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಹಲವು ದಾಖಲೆಗಳನ್ನು ನಿರ್ಮಿಸಿರುವ ಸಿನಿಮಾ ಇದೀಗ ಮತ್ತೊಂದು ಪ್ರಶಸ್ತಿ ಸ್ಪರ್ಧೆಗೆ ಸಿದ್ಧವಾಗಿದೆ. ಪ್ರಸಿದ್ಧ ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ (ವಿಮರ್ಶಕರ ಆಯ್ಕೆಯ ಪ್ರಶಸ್ತಿ) ಅಲ್ಲಿ ಸಿನಿಮಾ ಹಾಗೂ ಸಿನಿಮಾದ ಇಬ್ಬರೂ ನಾಯಕರು ನಾಮ ನಿರ್ದೇಶನಗೊಂಡಿದ್ದಾರೆ.
ಇದನ್ನೂ ಓದಿ: Sachin Tendulkar: ಟೀಮ್ ಇಂಡಿಯಾಕ್ಕೆ ‘RRR’ ಆಸರೆ; ಸಚಿನ್ ತೆಂಡೂಲ್ಕರ್ ಹೀಗೆ ಟ್ವೀಟ್ ಮಾಡಲು ಕಾರಣವೇನು?
ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ ಅತ್ಯುತ್ತಮ ಆ್ಯಕ್ಷನ್ ಚಲನಚಿತ್ರ ವಿಭಾಗದಲ್ಲಿ ಆರ್.ಆರ್.ಆರ್ ಸಿನಿಮಾ ನಾಮ ನಿರ್ದೇಶನಗೊಂಡಿದೆ. ಹಾಗೆಯೇ ಆ್ಯಕ್ಷನ್ ಚಲಚಿತ್ರಗಳ ಅತ್ಯುತ್ತಮ ನಾಯಕ ನಟರು ವಿಭಾಗದಲ್ಲಿ ಜೂ.ಎನ್.ಟಿ.ಆರ್ ಮತ್ತು ರಾಮ್ ಚರಣ್ ಹೆಸರು ನಾಮ ನಿರ್ದೇಶನಗೊಂಡಿದೆ. ಈ ವಿಚಾರದಲ್ಲಿ ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಳ್ಳಲಾಗಿದೆ.
ಅತ್ಯುತ್ತಮ ಆ್ಯಕ್ಷನ್ ಸಿನಿಮಾ ವಿಭಾಗದಲ್ಲಿ ಆರ್.ಆರ್.ಆರ್ ಸಿನಿಮಾ ಜತೆಯಲ್ಲಿ ಟಾಪ್ ಗನ್: ಮೇವರಿಕ್, ಬುಲೆಟ್ ಟ್ರೈನ್, ದಿ ಅನ್ಬೇರೇಬಲ್ ವೈಟ್ ಆಫ್ ಮಾಸಿವ್ ಟ್ಯಾಲೆಂಟ್ ಮತ್ತು ವುಮೆನ್ ಕಿಂಗ್ ಸಿನಿಮಾ ನಾಮನಿರ್ದೇಶನಗೊಂಡಿವೆ. ಹಾಗೆಯೇ ಅತ್ಯುತ್ತಮ ನಾಯಕ ವಿಭಾಗದಲ್ಲಿ ಆರ್.ಆರ್.ಆರ್ ಸಿನಿಮಾದ ಇಬ್ಬರು ನಾಯಕರೊಂದಿಗೆ ಟಾಮ್ ಕ್ರೂಸ್, ಬ್ರಾಡ್ ಪಿಟ್, ನಿಕೊಲಸ್ ಕೇಜ್ ನಾಮ ನಿರ್ದೇಶನಗೊಂಡಿದ್ದಾರೆ. ಈ ಪ್ರಶಸ್ತಿ ವಿಜೇತರ ಹೆಸರನ್ನು ಮಾರ್ಚ್ 16ರಂದು ಘೋಷಿಸಲಾಗುವುದು ಎಂದು ತಿಳಿಸಲಾಗಿದೆ.