ಬೆಂಗಳೂರು: ಸಲಾರ್ ಸಿನಿಮಾ (Salaar Movie) ವಿಶ್ವಾದ್ಯಂತ ತೆರೆ ಕಂಡು, ಭಾರಿ ಸೌಂಡ್‌ ಮಾಡುತ್ತಿದೆ. ಸಿನಿಮಾದ ಮೇಕಿಂಗ್‌, ಪ್ರಭಾಸ್ ನಟನೆ, ಪ್ರಶಾಂತ್‌ ನೀಲ್ ನಿರ್ದೇಶನ, ಕಥೆ , ಹಿನ್ನೆಲೆ ಸಂಗೀತ ಹೀಗೆ ಅನೇಕ ವಿಚಾರಗಳ ಬಗ್ಗೆ ಸಿನಿಮಾವನ್ನು ಹೊಗಳುತ್ತಿದ್ದಾರೆ ಪ್ರೇಕ್ಷಕರು. ಇದೀಗ ಇನ್ನು ಹೆಮ್ಮೆಯ ವಿಚಾರ ಅಂದರೆ ಸಲಾರ್ ಸಿನಿಮಾದಲ್ಲಿ ಬಹುತೇಕ ಕಲಾವಿದರು ಕನ್ನಡದವರಾಗಿದ್ದಾರೆ ಈ ಮೂಲಕ ಟಾಲಿವುಡ್‌ನಲ್ಲಿ ಮಿಂಚಿದ್ದಾರೆ .
ದೇವರಾಜ್‌ ಅವರು ಕನ್ನಡದ ಹಿರಿಯ ನಟ. ಈಗಾಗಲೇ ಬಹು ಭಾಷೆಗಳಲ್ಲಿ ಅಭಿನಯಸಿ ಸೈ ಎನಿಸಿಕೊಂಡಿದ್ದರು. ಇದೀಗ ‘ಸಲಾರ್’ ಸಿನಿಮಾದಲ್ಲಿ ಅವರು ಪ್ರಮುಖ ಪಾತ್ರ ಮಾಡಿದ್ದಾರೆ. ‘ರತ್ನನ್ ಪ್ರಪಂಚ’ ಮೂಲಕ ಗಮನ ಸೆಳೆದ ಪ್ರಮೋದ್ ಅವರು ‘ಸಲಾರ್’ ಚಿತ್ರದಲ್ಲಿ ಮುಖ್ಯ ಪಾತ್ರ ಮಾಡಿದ್ದಾರೆ. ‘ಗುಳ್ಟು’ ಮೂಲಕ ನವೀನ್ ಶಂಕರ್ ಅವರು ಸ್ಯಾಂಡಲವುಡ್‌ಗೆ ಪರಿಚಯವಾದರು. ‘ಸಲಾರ್’ ಸಿನಿಮಾದಲ್ಲಿ ಅವರು ಒಂದು ಪಾತ್ರ ಮಾಡಿದ್ದಾರೆ. ರವಿ ಭಟ್, ಮಧು ಗುರುಸ್ವಾಮಿ, ಭಜರಂಗಿ ಲೋಕಿ, ಅಶ್ವಿನ್ ಹಾಸನ್ ಅವರು ‘ಸಲಾರ್’ ಸಿನಿಮಾದಲ್ಲಿ ನಟಿಸಿದ್ದಾರೆ.
ಪ್ರಶಾಂತ್‌ ನೀಲ್ ಅವರ ಮಹತ್ವಾಕಾಂಕ್ಷೆಯ ಚಿತ್ರ ʼಸಲಾರ್ʼ ಕೊನೆಗೂ ಥಿಯೇಟರ್‌ಗೆ ಬಂದಿದೆ. ಚಿತ್ರವನ್ನು ವೀಕ್ಷಿಸಿದ ನೆಟ್ಟಿಗರು, ನೋಡಲೇಬೇಕಾದ ಸಿನಿಮಾ ಎಂದು ಕಮೆಂಟ್‌ ಮಾಡಿದ್ದಾರೆ. ಪ್ರಭಾಸ್ ಅವರ ನಟನೆಗೆ ವ್ಯಾಪಕವಾಗಿ ಮೆಚ್ಚುಗೆಗಳು ವ್ಯಕ್ತವಾಗುತ್ತಿವೆ. ಕರ್ನಾಟಕದಲ್ಲಿ ಬೆಳ್ಳಂಬೆಳಗ್ಗೆ ʼಸಲಾರ್ʼ ಆರ್ಭಟ ಜೋರಾಗಿತ್ತು. ಥಿಯೇಟರ್ ಅಂಗಳದಲ್ಲಿ ಸಲಾರ್ ಕಟೌಟ್‌ಗಳು ರಾರಾಜಿಸುತ್ತಿವೆ. ಕೆಜಿಎಫ್ 2ಗಿಂತಲೂ ಅತ್ಯಧಿಕ ಸ್ಕ್ರೀನ್‌ಗಳಲ್ಲಿ ಸಲಾರ್ ರಿಲೀಸ್ ಆಗಿದೆ. ಕರ್ನಾಟಕದ 350 ಹೆಚ್ಚು ಥಿಯೇಟರ್‌ಗಳಲ್ಲಿ ಬಿಡುಗಡೆಗೊಂಡಿದೆ. ʻಇದೊಂದು ಬ್ಲಾಕ್ ಬಸ್ಟರ್ ಸಿನಿಮಾ. ಪ್ರಭಾಸ್ ಅಭಿನಯ, ನೀಲ್ ನಿರ್ದೇಶನವು ಉನ್ನತ ಮಟ್ಟದಲ್ಲಿದೆ. ದಿ ರೆಬೆಲ್ ಈಸ್ ಬ್ಯಾಕ್ʼʼ ಎಂದು ಕಮೆಂಟ್‌ ಮಾಡಿದ್ದಾರೆ ಪ್ರೇಕ್ಷಕರು.
Prabhas Anna acting is very good, and last amazing movie of this year.🎥♥️🎉🍿#BlockbusterSalaar#Salaar #SalaarCeaseFire #SalaarReview #Prabhas𓃵 #Kannada pic.twitter.com/1MqVYUF31P
— Vinay Gyanappagol (@Vinaygy69) December 22, 2023
ಇದನ್ನೂ ಓದಿ: Salaar Movie: ಕರ್ನಾಟಕದಲ್ಲಿ ಸಲಾರ್ ಕ್ರೇಜ್ ಶುರು!
ಕೆಜಿಎಫ್ʼ ಸರಣಿ ಚಿತ್ರಗಳ ಮೂಲಕ ದೇಶಾದ್ಯಂತ ಸಂಚಲನ ಮೂಡಿಸಿರುವ ಪ್ರಶಾಂತ್‌ ನೀಲ್ ʼಸಲಾರ್ʼ ಚಿತ್ರವನ್ನು ನಿರ್ದೇಶಿಸಿದ್ದು, ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿತ್ತು. ಅಲ್ಲದೆ ಸತತ ಸೋಲುಗಳಿಂದ ಕಂಗೆಟ್ಟಿರುವ ಪ್ರಭಾಸ್ ವೃತ್ತಿ ಜೀವನಕ್ಕೆ ʼಸಲಾರ್ʼ ಈ ವರ್ಷ ಬಹು ನಿರೀಕ್ಷೆ ಸಿನಿಮಾ. ಪೃಥ್ವಿರಾಜ್‌, ಶ್ರುತಿ ಹಾಸನ್ ಮತ್ತಿತರರು ಮುಖ್ಯ ಪಾತ್ರದಲ್ಲಿದ್ದಾರೆ. ರವಿ ಬಸ್ರೂರು ಸಂಗೀತ ನೀಡಿದ್ದಾರೆ.