ಬೆಂಗಳೂರು: ಪ್ರಭಾಸ್ ನಟನೆಯ ʻಸಲಾರ್ʼ ಸಿನಿಮಾ (Salaar Teaser) ಟೀಸರ್ ಬಿಡುಗಡೆಯಾದಾಗಿನಿಂದ ಸೋಷಿಯಲ್ ಮೀಡಿಯಾಗಳಲ್ಲಿ ಸಖತ್‌ ಟ್ರೆಂಡ್‌ನಲ್ಲಿದೆ. ಇದರ ಬೆನ್ನಲ್ಲೇ ಟೀಸರ್ನಲ್ಲಿ ಪ್ರಮುಖ ಹೈಲೈಟ್‌ ಟಿನು ಆನಂದ್. ಪುಷ್ಪಕ ವಿಮಾನ ಸಿನಿಮಾದಲ್ಲಿ ವಿಲನ್‌ ಪಾತ್ರದಲ್ಲಿ ಮಿಂಚಿದ್ದ ಟಿನು ಆನಂದ್ ಇವರೆ. ಆದರೆ ಪುಷ್ಪಕ ವಿಮಾನದಲ್ಲಿ ಅವರಿಗೆ ಮಾತೇ ಇರಲಿಲ್ಲ. ಆದರೆ ಸಲಾರ್‌ನಲ್ಲಿ ಟಿನು ಆನಂದ್ಅವರ ಮಾತೇ ಭರ್ಜರಿಯಾಗಿದೆ. ಖಡಕ್‌ ಡೈಲಾಗ್‌ ಮೂಲಕ ಚಮಕ್‌ ಕೊಟ್ಟಿದ್ದಾರೆ ಟಿನು ಆನಂದ್.
ಟೀಸರ್ ಬಿಡುಗಡೆಯಾದಾಗಿನಿಂದ, ಸಲಾರ್ ಟ್ವಿಟರ್‌ನಲ್ಲಿ ಟ್ರೆಂಡಿಂಗ್ ಆಗಿದೆ. ಸಲಾರ್ ಸಿನಿಮಾದ ಹೀರೊವನ್ನು ಅವರು ಪರಿಚಯಿಸಿದ ರೀತಿಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಸಲಾರ್ ಸಿನಿಮಾದ ಕಥೆಯನ್ನು ಅವರ ನಾಲಿಗೆಯಿಂದಲೇ ಕೇಳುವುದು ಚಂದ ಎಂದು ಕಮೆಂಟ್ ಮಾಡಿದ್ದಾರೆ. ಈ ಮೂಲಕ ಪ್ರಭಾಸ್ ಅಭಿಮಾನಿಗಳ ಮನ ಗೆದ್ದಿದ್ದಾರೆ ಟಿನು ಆನಂದ್. 1987ರಲ್ಲಿ ತೆರೆಕಂಡ ಪುಷ್ಪಕ ವಿಮಾನದಲ್ಲಿ ಕಮಲ್ ಹಾಸನ್‌ ಜತೆ ತೆರೆ ಹಂಚಿಕೊಂಡಿದ್ದರು ಟಿನು ಆನಂದ್. ಅದೊಂದು ಕಿಲ್ಲರ್ ಪಾತ್ರ.
ಟೀಸರ್ ರಿಲೀಸ್ ಆಗಿ 15 ನಿಮಿಷಕ್ಕೇ 1 ಲಕ್ಷಕ್ಕೂ ಅಧಿಕ ವ್ಯೂಸ್‌ ಕಂಡುಬಂದಿದೆ. ವಿಶೇಷ ಎಂದರೆ ‘ಸಲಾರ್’ ಚಿತ್ರಕ್ಕೂ ‘ಕೆಜಿಎಫ್ 2’ ಚಿತ್ರಕ್ಕೂ ಟೀಸರ್ನಲ್ಲಿ ಲಿಂಕ್ ನೀಡಲಾಗಿದೆ. ಇದನ್ನು ಗಮನಿಸಿದ ಅನೇಕರು ಥ್ರಿಲ್ ಆಗಿದ್ದಾರೆ. ಹಲವು ದಿನಗಳಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ಸೂರ್ಯೋದಯಕ್ಕೂ ಮುನ್ನವೇ ʼಸಲಾರ್ʼ ದರ್ಶನವಾಗಿದೆ.
ಇದನ್ನೂ ಓದಿ: Salaar Teaser: ಸಲಾರ್ ಟೀಸರ್ ಬಿಡುಗಡೆಯಾಗುತ್ತಿದ್ದಂತೆ ಟ್ವಿಟರ್‌ನಲ್ಲಿ ಟ್ರೆಂಡ್‌ ಆದ ಪೃಥ್ವಿರಾಜ್ ಸುಕುಮಾರನ್!
#SalaarTeaser Salaar Part 1 – Ceasefire teaser opens with Tinnu Anand in his fearless avatar, which is later followed by glimpses of Prabhas and Prithviraj Sukumaran.#Prabhas #PrashanthNeel #PrithvirajSukumaran pic.twitter.com/ohr8FVAeQ9
— ⭐prabhas 👑king (@prabhas10512241) July 6, 2023
ಇದರಲ್ಲಿ ಪ್ರಭಾಸ್- ಪ್ರಶಾಂತ್ ನೀಲ್ ಜೋಡಿ ಮೋಡಿ ಮಾಡಿದ್ದು, ಆಕ್ಷನ್‌ ಪ್ಯಾಕ್‌ ಫಿಲಂನ ಮೊದಲ ತುಣುಕು ಎಲ್ಲರನ್ನೂ ಮೋಡಿ ಮಾಡಿದೆ. ಆದರೆ, ‘ಕೆಜಿಎಫ್ 2’ ಚಿತ್ರಕ್ಕೂ ‘ಸಲಾರ್’ಗೂ ಲಿಂಕ್ ಇರುವ ವಿಚಾರ ಸಂಚಲನ ಮೂಡಿಸಿದೆ. ‘ಕೆಜಿಎಫ್ 2’ ಸಿನಿಮಾದಲ್ಲಿ ಒಂದಷ್ಟು ಟ್ಯಾಂಕರ್ಗಳು ಕಂಡಿದ್ದವು. ಆ ಪೈಕಿ ಒಂದು ಟ್ಯಾಂಕರ್ ಹೆಸರು ‘ಸಿ-516’. ‘ಸಲಾರ್’ ಸಿನಿಮಾದಲ್ಲೂ ಅದೇ ನಂಬರ್ನ ಟ್ಯಾಂಕರ್ ಕಾಣಿಸಿದೆ. ಹೀಗಾಗಿ, ‘ಕೆಜಿಎಫ್ 2’ ಚಿತ್ರದ ಮುಂದುವರಿದ ಭಾಗದ ರೀತಿಯಲ್ಲಿ ‘ಸಲಾರ್’ ಸಿನಿಮಾ ಮೂಡಿಬರಲಿದೆ ಎಂದು ಅನೇಕರು ಭಾವಿಸಿದ್ದಾರೆ.
ಈ ಟೀಸರ್ ಸೋಷಿಯಲ್ ಮೀಡಿಯಾದಲ್ಲಿ ಹಲ್‌ಚಲ್ ಎಬ್ಬಿಸುತ್ತಿದ್ದು, ಸೆನ್ಸೇಶನ್ ಕ್ರಿಯೇಟ್ ಮಾಡೋದು ಪಕ್ಕಾ ಅಂತಿವೆ ಸಂಸ್ಥೆಯ ಮೂಲಗಳು. ಈ ಟೀಸರ್‌ಗೆ ವ್ಯೂಸ್‌ ಸಂಖ್ಯೆ ಕೋಟಿ ದಾಟುವ ನಿರೀಕ್ಷೆ ಇದೆ. ಇದೇ ವರ್ಷ ಸೆಪ್ಟೆಂಬರ್ 28ಕ್ಕೆ ವಿಶ್ವಾದ್ಯಂತ ಈ ಚಿತ್ರ ತೂಫಾನ್ ಎಬ್ಬಿಸಲಿದೆ ಎಂದು ನಿರೀಕ್ಷಿಸಲಾಗಿದೆ. ʼಪಾರ್ಟ್ 1: ಕದನ ವಿರಾಮʼ ಎಂದು ಹೊಂಬಾಳೆ ಪ್ರಕಟಿಸಿದೆ.