ಬೆಂಗಳೂರು: ಬಾಲಿವುಡ್‌ ನಟ ಸಲ್ಮಾನ್ ಖಾನ್ (Salman Khan) ʻಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ʼ ಸಿನಿಮಾ ಮೂಲಕ (Kisi Ka Bhai Kisi Ki Jaan) ತೆರೆಗೆ ಬರಲು ರೆಡಿಯಾಗಿದ್ದಾರೆ. ಚಿತ್ರದ ಮೊದಲ ಹಾಡು ʻನೈಯೋ ಲಗ್ಡಾʼ ಟೀಸರ್ ಬಿಡುಗಡೆಗೊಂಡಿದೆ. ನೈಯೋ ಲಗ್ಡಾ ಸಂಪೂರ್ಣ ಹಾಡು ಫೆ.12ರಂದು ಬಿಡುಗಡೆಗೊಳ್ಳಲಿದೆ. ಪೂಜಾ ಹೆಗ್ಡೆ ನಾಯಕಿಯಾಗಿ ಮಿಂಚಿದ್ದಾರೆ. ಪ್ರೇಮಗೀತೆಯಾದ ‘ನೈಯೋ ಲಗ್ಡಾ’ ಹಾಡಿನ ಟೀಸರ್ ನೋಡಿ ನೋಡುಗರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಸಲ್ಮಾನ್ ಖಾನ್ ನಟನೆಯ ‘ಕಿಸಿ ಕಿ ಭಾಯ್ ಕಿಸಿ ಕಿ ಜಾನ್’ ಸಿನಿಮಾವು ಈದ್ ಹಬ್ಬಕ್ಕೆ ತೆರೆಗೆ ಬರಲು ಸಜ್ಜಾಗಿದೆ. ಈ ಸಿನಿಮಾ ಕೂಡ ತಮಿಳಿನ ‘ವೀರಂ’ ಸಿನಿಮಾದ ರಿಮೇಕ್. ಬಾಲಿವುಡ್‌ಗೆ ನೇಟಿವಿಟಿಗೆ ತಕ್ಕಂತೆ ಒಂದಷ್ಟು ಬದಲಾವಣೆ ಮಾಡಿಕೊಂಡು ಸಲ್ಮಾನ್ ಈ ಸಿನಿಮಾವನ್ನು ಮಾಡುತ್ತಿದ್ದಾರೆ. ವಿಶೇಷವೆಂದರೆ, ದಕ್ಷಿಣ ಭಾರತದ ವಿಕ್ಟರಿ ವೆಂಕಟೇಶ್, ಜಗಪತಿ ಬಾಬು ಈ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.
ಇದನ್ನೂ ಓದಿ: Pooja Hegde | ಕೇಕ್‌ ತಿನ್ನಿಸಲು ಹೋದ ಪೂಜಾ ಹೆಗ್ಡೆಗೆ ʻಸೀನಿಯರ್‌ ಫಸ್ಟ್‌ʻ ಅಂದ್ರು ಸಲ್ಮಾನ್ ಖಾನ್: ವಿಡಿಯೊ ವೈರಲ್‌!
ಹಿಂದೆ ಸಲ್ಮಾನ್ ಖಾನ್‌ಗಾಗಿ ತೇರಿ ಮೇರಿ, ತೇರೆ ನಾಮ್ ಟೈಟಲ್ ಸಾಂಗ್, ತು ಹಿ ತು ಹರ್ ಜಗಹ್ ಮುಂತಾದ ಬ್ಲಾಕ್‌ಬಸ್ಟರ್ ಹಾಡುಗಳನ್ನು ಸಂಯೋಜಿಸಿರುವ ಹಿಮೇಶ್ ರೇಶಮಿಯಾ ಅವರು ಈ ಹಾಡನ್ನು ಸಂಯೋಜಿಸಿದ್ದಾರೆ. ಶಬ್ಬೀರ್ ಅಹ್ಮದ್ ಅವರ ಸಾಹಿತ್ಯದೊಂದಿಗೆ ಕಮಾಲ್ ಖಾನ್ ಮತ್ತು ಪಾಲಕ್ ಮುಚ್ಚಲ್ ಅವರು ತಮ್ಮ ಧ್ವನಿಯನ್ನು ನೀಡಿದ್ದಾರೆ.
ಇದನ್ನು ಓದಿ: Salman Khan | ಬರ್ತ್ಡೇ ದಿನ ಮಾಜಿ ಪ್ರಿಯತಮೆಗೆ ಮುತ್ತಿಟ್ಟ ಸಲ್ಮಾನ್ ಖಾನ್; ಯಾರವರು?
ಸಲ್ಮಾನ್ ಖಾನ್ ಫಿಲ್ಮ್ಸ್ ಪ್ರೊಡಕ್ಷನ್, ಸ ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಸಿನಿಮಾವನ್ನು ಫರ್ಹಾದ್ ಸಾಮ್ಜಿ ನಿರ್ದೇಶಿಸಿದ್ದಾರೆ. ಚಿತ್ರದಲ್ಲಿ ಸಲ್ಮಾನ್ ಖಾನ್, ವೆಂಕಟೇಶ್ ದಗ್ಗುಬಾಟಿ, ಪೂಜಾ ಹೆಗ್ಡೆ, ಜಗಪತಿ ಬಾಬು, ಭೂಮಿಕಾ ಚಾವ್ಲಾ, ವಿಜೇಂದರ್ ಸಿಂಗ್, ಅಭಿಮನ್ಯು ಸಿಂಗ್, ರಾಘವ್ ಜುಯಲ್, ಸಿದ್ಧಾರ್ಥ್ ನಿಗಮ್, ಜಸ್ಸಿ ಗಿಲ್, ಶೆಹನಾಜ್ ಗಿಲ್, ಪಾಲಕ್ ತಿವಾರಿ ಮತ್ತು ವಿನಾಲಿ ಭಟ್ನಾಗರ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ.